د بلوچستان په نصيراباد ولسوالۍ کې د تندر پرېوتو له امله څلور کسان مړه شوي
د بلوچستان ایالت نصیراباد ولسوالۍ کې د سختو ورښتونو او تندر پرېوتو دوو جلا، جلا پېښو کې لږترلږه څلور کسان مړه شوي او شاوخوا ۲۰۰ څاروي لهمنځه تللي دي. د معلوماتو له مخې؛ دغه پېښې د سېشنبې په ورځ د سختو ورښتونو او تندر پرېوتو له امله په بېلابېلو سیمو کې رامنځته شوې.
د یادونې وړ ده، چې په پالیاني کلي کې پر یوه کور د تندر پرېوتو له امله درې کسان مړه او یو بل ټپي شوی دی. ځایي چارواکي وایي، په مړو شويو کسانو کې دوه کانکېندونکي هم شامل دي.
همدارنګه، په منجوشوري سیمه کې هم د تندر پرېوتو په یوې بلې جلا پېښه کې یو کس مړ او یو بل ټپي شوی دی.
