د برېټانيا د ترهګرۍ ضد پوليسو مشر: د يهوديانو پر وړاندې ګواښونه زيات شوي دي
د برېټانيا د ترهګرۍ ضد پوليسو مشر وایي، چې د يهوديانو پر وړاندې ګواښونه زيات شوي دي. هغه د ګواښونو د کچې په اړه ويلي، چې دا هېواد له څه مودې راهيسې له يو پرلهپسې او ورو زياتېدونکي «ترهګريز» ګواښ سره مخ دی.
هغه زياته کړه: «موږ په برېټانيا کې د يهودي او اسراییلي وګړو او بنسټونو پر وړاندې د ګواښونو د زياتېدو شاهدان يو».
د ترهګرۍ ضد پوليسو مشر همدارنګه وويل: «موږ له داسې يو نړيوال حالت سره مخ يو، چې وړاندوينه يې ګرانه ده او اغېزې يې زموږ تر هېواد پورې هم رسېدلې دي، چې په کې د ځينو دولتونو پورې تړلو ډلو له لوري فزيکي ګواښونه هم شامل دي».
