ایران خبرداری ورکړی چې که امریکا بریدونه پیل کړي پوځي اډې به یې وولي
په داسې حال کې، چې امریکايي پوځي چارواکي ټرمپ ته پر ایران د احتمالي برید په اړه نن معلومات ور کوي، تهران خبرداری ورکړی، چې که امریکا بیا پر دوی بریدونه پیل کړي، نو د متحده ایالتونو پر اهدافو به «سخت او دردناک پرله پسې بریدونه» وکړي.
د امریکا د پوځ لوړپوړي مشران او د مرکزي قوماندانۍ مشر به د پنجشنبې په ورځ ټرمپ ته د ایران پر ضد د احتمالي پوځي ګامونو په اړه معلومات ورکړي.
د امریکا د دفاع وزیراو د ګډو ځواکونو د لویو درستیزانو د کمېټې مشر هم په دې غونډه کې ګډون کوي.
دا بریدونه د دې لپاره دي چې ایران خبرو ته مجبور شي.
د ایران د سپاه پاسداران یو لوړ پوړي چارواکي ویلي چې که امریکا برید وکړي، نو ایران به «د امریکا پر پوځي مرکزونو سخت او اوږدمهالي بریدونه» وکړي.
هغه زیاته کړې چې د امریکا نظامي اډې به هم تر هدف لاندې راشي.
