په کابل کې د بدن ښکلا او فېټنس سيالۍ ترسره شوې
د طالبانو په ولکه کې د افغانستان د بدن جوړونې فدراسيون اعلان کړی، چې په کابل د بدن ښکلا او فېټنس سياليو نولسم پړاو په زورخانهيي سالون کې د ۹۸ورزشکارانو په ګډون ترسره شو. ورزشکارانو په بېلابېلو وزنونو کې سيالۍ وکړې او خپلې بدني ښکلاوې او مهارتونه يې نندارې ته وړاندې کړل.
د دغو سياليو تنظيموونکي وايي، چې اصلي موخه يې د کابل د ختيځ زون د غوره ورزشکارانو پېژندل او ټاکل دي. د هغوی په وينا، د سياليو په پای کې ۲۵ غوره ورزشکاران وټاکل شول چې د پلازمېنې د ختيځ زون د ټاکل شوې لوبډلې غړيتوب يې ترلاسه کړ.
