کرېکټ بورډ په کورنیو لوبو کې پر دریو افغان لوبغاړو بندیز ولګاوه
افغان کرېکټ بورډ درې پخواني لوبغاړي په کورني کرېکټ کې د څلورو میاشتو لپاره له لوبیدو منع کړل. یاد درې لوبغاړي څه موده وړاندې د کرېکټ بورډ له اجازې پرته د هند په لیجنډز لیګ کې لوبیدلي وو.
د کرېکټ بورډ ویاند سید نسیم سادات ویلي، چې د کرېکټ د نړیوالې شورا د اصولو لهمخې، په نړیوال او کورني کرېکت کې هېڅ لوبیدونکی لوبغاړی نه شي کولی، چې د خپل اړوند بورډ له اجازې پرته په بهرني لیګ کې ولوبیږي.
د کرېکټ بورډ ویاند سید نسیم سادات ویلي، چې د کرېکټ د نړیوالې شورا له اصولو سره سم یې، پر سمیع الله شنیواري، محمد شهزاد او افتاب عالم د هند په لیجنډز لیګ کې له اجازه لیک پرته لوبیدو له امله د څلورو میاشتو بندیز لګولی دی.
