ټرمپ د ایران په اړه د امریکا د سمندري ځواکونو د پخواني قوماندان د څرګندونو ملاتړ وکړ
ډونالډ ټرمپ د ایران په اړه د امریکا د سمندري ځواکونو د یوه پخواني قوماندان د څرګندونو ستاینه وکړه او هغه یې «ډېر هوښیار» وباله. ټرمپ پر ټروت خواله رسنۍ له فاکس نیوز سره د کرک لیپولډ د مرکې ملاتړ وکړ. لیوپولډ ویلي و، ایران د سپاه پاسداران تر کنټرول لاندې دی.
هغه ټینګار وکړ، چې د امریکا هر راتلونکی اقدام باید د ایران په مشرتابه او سپاه پاسداران د فشار پر زیاتولو متمرکز وي؛ ترڅو د دوی اټومي پروګرام او سیمهییز نفوذ محدود کړي. د لیپولډ په وینا؛ د امریکا د ځمکني برید پرځای باید د ایران د توغندیز پروګرام، د تهران نیابتي ځواکونه او د هرمز تنګي کنټرول برخې ته ډېره پاملرنه وشي.
