ملا حسن اخوند د طالبانو ځانګړو ځواکونو ته ۷۰۰۰ افغانۍ امتیازي معاش منظور کړی

د روسیې د لومړي وزیرمرستیال الکسي اوورچوک ویلي چې دا موضوع د «روسیه - اسلامي نړۍ: کازان فورم» په څنډه کې له طالب لوري سره په خبرو کې مطرح شوې ده.

اوورچوک ویلي، د طالبانو استازو یادونه کړې چې دوی لا هم د شوروي د دورې هغه وسایط او تجهیزات په یاد لري چې افغانستان ته به واردېدل، په ځانګړي ډول باروړونکي موټر او ټرکونه او غواړي چې روسیه دا ډول عرضه بیا پیل کړي.

د روسي چارواکي په وینا، په دې خبرو کې یوازې د موټرو موضوع نه ده مطرح شوې، بلکې د پانګونې برخه کې د همکارۍ او د روسیې د تېلو د صادراتو په اړه هم بحث شوی دی.

هغه زیاته کړې چې طالبان د دې اړیکو د بیا پراخېدو لپاره جدي لېواله دي.

د راپور له مخې، د ۲۰۲۵ کال په اګست میاشت کې د طالبانو یو پلاوي په تاتارستان کې له روسي لوري سره پر دې خبرې هم کړې وې چې په افغانستان کې د کامازموټرو د تخنیکي خدمت مرکز جوړ کړي او د دواړو هېوادونو ترمنځ د بار وړلو حجم زیات شي.

په شوروي دوره کې افغانستان ته د روسي موټرو او تجهیزاتو پراخه لړۍ صادره شوې، چې کاماز، ګاز، زیل او یاز ټرکونه پکې شامل وو او دا وسایط هم د ملکي او هم د پوځي کارونو لپاره کارېدل.

د راپورونو له مخې، د ۱۹۸۱ کال په ترڅ کې شوروي اتحاد افغانستان ته شاوخوا ۱۵۰۰ کاماز ټرکونه سپارلي وو.

د ازبکستان د دولتي امنیت خدمت ادارې (SGB) د یکشنبې په ورځ ویلي، دغه عملیات امنیتي ادارو، سرحدي ځواکونو او د ګمرک کمېټې په ګډه کړي دي.

د معلوماتو له مخې، ټولټال ۵۹۳ کیلوګرامه چرس او درې کیلوګرامه تاریاک د یوه افغان په بار وړونکي موټر کې ازبکستان ته لېږدول کېدل.

چارواکي وایي، دا جوپه د ازبکستان د سرخان‌دریا ولایت په «ترمذاتو» سرحدي ګمرکي بندر کې د باروړونکي موټر د سکن پر مهال کشف شوې ده.

د راپور له مخې، په ټرېلر کې یو اېکسکېوېټر (کیندونکی ماشین) هم بار و او شکمن توکي یې په دغه ماشین کې پټ کړي وو.

د ازبکستان امنیتي ځواکونو د اندوسکوپ ځانګړي وسایل کارولي او د ماشین دننه یې نشه‌يي توکي موندلي دي.

ازبکستاني چارواکو ویلي چې د دې پېښې په تړاو د قاچاق او د نشه‌يي توکو د غیر قانوني لېږد او ساتنې په تور جنایي دوسیه پرانیستل شوې او د دې شبکې د نورو ښکېلو کسانو د پېژندنې او نیولو هڅې روانې دي.

افغانستان انټرنشنل په دې راپور کې د کندهار ښار له هغو اوسېدونکو سره خبرې کړې دي، چې له دې وړاندې یې په خپلو کورونو کې له نوري فایبر او د وای فای شرکتونو له انټرنېټ ګټه اخیسته.

دوی وایي، چې د طالبانو د مشر ملاهبت الله په امر په ټول افغانستان کې د انټرنېټ له پرې کېدو او بېرته وصل کېدو وروسته یوازې د دوو ورځو لپاره په کورونو کې نوري فایبر او وایفای انټرنېټ هم فعال و خو وروسته بیا قطع شو.

یو ځايي اوسېدونکي وویل:« د نوري فایبر او وایفای نېټ له قطع کېدو وروسته مو له شرکت سره اړیکه وکړه خو د هغوي ځواب دا و چې دوی ته امر شوی چې له دې وروسته کورونو ته د نوري فایبر او وایفای انټرنېټ مه ورکوئ.»

د ځايي اوسېدونکو په وینا، که څه هم اوس د مخابراتي شبکو له انټرنېټ ګټه اخلي، خو دا انټرنېټ هم له پخوا ډېر کمزوری شوی.

په ورته وخت کې په کندهار کې د نوري فایبر انټرنېټ خدماتو وړاندې کولو شرکتونو ځینې مسوولان هم دا تاییدوي، چې دوی اوس د پخوا په څېر عامو کورونو ته انټرنېټ نه ور کوي او د طالبانو په امر قطع شوی دی.

تر اوسه پورې ددې راپور په اړه د طالبانو مخابراتو او ټیکنالوژۍ وزارت او په افغانستان کې د انټرنېټي خدماتو تنظیم ادارې یا اترا کوم غبرګون نه دی ښودلی، خو د طالبانو د مخابراتو وزارت له دې وړاندې د نوري فایبر د چارو ځنډېدو یا قطع کېدو په اړه رپوټونه رد کړي دي.

درې ورځې وړاندې افغانستان انټرنشنل د طالبانو د مخابراتو او معلوماتي ټکنالوژۍ وزارت اړوند د «اترا» ادارې یو مکتوب ترلاسه کړی و، چې دې ادارې د افغان ټیلېکام شرکتونو ته امر کړی، چې له دې وروسته په کابل کې نویو کورونو ته د نوري فایبر انټرنټي خدمات وځنډوي.

په دغه مکتوب کې لیکل شوي:«یوازې کورونو ته د نوي نوري لین لارې خدمات یا نوي نوري فایبر لاین نښلول د اوس لپاره معطل دي».

دا لومړی ځل نه دی چې د نوري فایبر انټرنېټ د بندېدو موضوع راپورته کېږي.

د طالبانو تر واک لاندې اترا ادارې د ۱۴۰۴ کال د تلې پر ۷مه هم د ورته غونډې له لارې شرکتونو ته د نوري فایبر د بندولو خبر ورکړی و، چې هغه مهال یې په بازار او خدماتو کې جدي ګډوډي رامنځته کړې وه.

هغه وخت د طالبانو سرچینو ویلي و، چې د طالبانو د مشر په امر د کابل په ګډون په ټولو ولایتونو کې باید نوري فایبر قطع شي.

د شرکتونو ځینې مسوولانو ویلي و، چې که دا پرېکړه عملي شي، عام خلک به د چټک انټرنېټ له خدماتو بې برخې شي او دا به پر سوداګرۍ، زده‌کړې او ورځنیو اړیکو پراخ اغیز ولري.

د طالبانو د امنیتي او تصفيوي چارو مرکزي کمېسیون نن یکشنبه، د غويي پر ۲۷مه ویلي، چې د طالبانو دفاع وزیر ملایعقوب مجاهد په مشرۍ د مرکزي زون له امنیتي مسوولینو سره د همغږۍ غونډه کړې ده.

طالبانو په خبرپاڼه کې ویلي، چې ملایعقوب مجاهد په دې غونډه کې خلکو ته د ډاډمن امنیت برابرول د طالبانو اساسي دنده بللې ده.

نوموړي د مرکزي زون د امنیتي مسوولینو ستونزې اورېدلې او د حل ډاډ یې ورکړی دی.

په دې غونډه کې د طالبانو د کابل، پروان، کاپیسا، پنجشېر، میدان وردګ او بامیان ولایتونو والیانو او د نورو ادارو مسوولینو ګډون کړی و.

خبرپاڼه زیاتوي، چې د طالبانو د مشر هبت‌الله اخوندزاده د امر پر بنسټ، مسوولینو ته سپارښتنه شوې چې د خلکو د ستونزو د ژر او عادلانه حل لپاره عملي ګامونه پورته کړي.

همدارنګه له مسوولینو غوښتل شوي چې د جرمونو د مخنیوي او د اغېزناکو خدمتونو د وړاندې کولو لپاره خپلې هڅې ګړندۍ کړي.

په دې غونډه کې د ټول هېواد او په ځانګړي ډول د مرکزي زون د امنیتي وضعیت هر اړخیزه ارزونه هم شوې ده. د طالبانو د دفاع وزیر خپلو لاس لاندې مسوولانو ته لارښوونه کړې چې د امنیتي همغږۍ د لا پیاوړتیا لپاره چټک ګامونه واخلي.

دا په داسې حال کې ده چې د طالبانو مشر هبت‌الله اخوندزاده هم په دې وروستیو کې د پروان او کاپیسا ولایتونو د علماوو شورا له غړو سره په لیدنه کې له هغوی غوښتي وو چې د ده فرمانونه او قوانین خلکو ته ورسوي.

په هرات کې د طالبانو د اطلاعاتو او کلتور ریاست د یکشنبې په ورځ، د غويي ۲۷مه د یوې خبرپاڼې په خپرولو سره ویلي، چې یاد سیاحتي، زیارتي او درملیز شرکتونه د یاد ریاست د ګرځندوی امریت له څارنې او ارزونې وروسته تړل شوي دي.

په هرات کې د طالبانو د اطلاعاتو او کلتور ریاست د ګرځندوی امر ګل اغا همکار ویلي، چې دغه اقدام یې د سیاحتي شرکتونو د فعالیتونو د تنظیم، د ناوړه استفادې د مخنیوي، د ښاریانو د حقونو د خوندي کولو او د ګرځندوی په برخه کې د روڼتیا د تامین په موخه کړی دی.

نوموړي زیاته کړې:«د ګرځندوی امریت څارونکې ډلې د شرکتونو د اسنادو، جوازونو او د کار د څرنګوالي له ارزونې وروسته هغه شرکتونه وپېژندل چې یايې د فعالیت جواز نه وو تمدید کړی او یایې ټاکل شوي مقررات نه وو مراعت کړي، چې له اصولو سره سم یې فعالیتونه ودرول شول».