ټرمپ: ښايي اړ شو هغه څه چې ایران کې مو په بریالیتوب پیل کړي په نظامي توګه یې پای ته ورسوو
د امریکا ولسمشر ډونالډ ټرمپ پر خپلې ټولنیزې شبکې «ټروث سوشیل» لیکلي، چې امریکايي الوتکو د ایران د توغندیو او ډرون الوتکو د زېرمو او همدارنګه د ساحلي رادارونو سایټونه په نښه کړي دي. هغه خبرداری ورکړی، که اړ شي، نو د ایران مسئله به په نظامي توګه پایته ورسوي.
هغه زیاته کړه: «ښايي داسې وخت راشي چې نور ونشو کړای منطقي واوسو او مجبور شو هغه څه چې په بریالیتوب سره مو پیل کړي، په نظامي توګه یې پای ته ورسوو.»
هغه ګواښ وکړ: «که داسې وشي، د ایران اسلامي جمهوریت به نور نهوي».
تر دې مخکې د امریکا د مرکزي قوماندانۍ (سېنټکام) په یوې اعلامیې کې ویلي، چې امریکایي ځواکونو «د اعلی سرقوماندان په امر په ایران کې پر څو هدفونو نور بریدونه ترسره کړي دي».
سناتور جیم بنکس: که تهران د هوکړې ژمنو ته غاړه کېنږدي بمباري به دوام ومومي | افغانستان انټرنشنل پښتو
له دې سره سم، د امریکا د سنا جرګې جمهوريپال غړي سناتور جیم بنکس هم له فاکسنیوز شبکې سره په مرکه کې خبرداری ورکړی، که تهران د شوې هوکړې له ژمنو سره سم عمل ونهکړي، متحده ایالات به خپلو بمباریو ته دوام ورکړي.
