د طالبانو د صنعت او کانونو خونې خبر ورکړی، چې په راتلونکې اونۍ کې د «صنعت او کانونو اونۍ» پنځم ملي او نړۍوال نندارتون جوړوي. د یادې خونې په وینا؛ په دغه نندارتون کې به د بېلابېلو کورنیو تولیداتو ۳۶۵ غرفې نندارې ته وړاندې شي.
دغه خونې زیاته کړې، چې دغه نندارتون به (د چنګاښ په ۱۰مه) پيل او تر ۱۶مې به دوام وکړي. د دوی په خبره؛ ياد اووه ورځنی نندارتون به د افغانستان نړۍوال نندارتون په مرکز کې ترسره شي او په ۳۶۵ غرفو کې به د بېلابېلو سکټورونو کورني توليدات او محصولات نندارې ته وړاندې شي.
طالبانو د یادو نندارتونو په جوړېدو د کورنیو تولیداتو د پياوړتیا، پلور او ښه بازار موندنې هيلې څرګندې کړې دي.
