افغان ووشو کاران په اسیايي سیالیو کې له دوه مډالونو ګټلو وروسته هېواد ته راستانه شول

د طالبانو د المپیک رییس احمدالله وثیق د جولای دویمه (پنجشنبه د چنګاښ ۱۱مه) د ورزشي خبریالانو د نړیوالې ورځې په مناسبت ورزشي خبریالان د ورزش د ډګر رښتیني استازي بللي دي.

وثیق په خپله ایکس‌پاڼه ویلي، چې ورزشي خبریالان د ورزشکارانو هڅې، لاسته راوړنې او بریاوې انعکاسوي او د ده په وینا، د دوی فعالیتونه د ورزشي سیالیو د پوښښ ترڅنګ د ورزش د فرهنګ په پیاوړتیا، د ځوانانو په هڅونه، د سالم رقابت په وده او د ملي یووالي په ټینګښت کې مهم رول لري.

هغه زیاته کړې: «ورزش د ملتونو ترمنځ د یووالي، تفاهم، دوستۍ او مثبت تعامل اغېزناکه وسیله ده او ورزشي رسنۍ د دې ارزښتونو په خپرولو او پیاوړتیا کې ځانګړی ځای لري».

وثیق ویلي، د ورزش اداره له ټولو ورزشي رسنیو او خبریالانو سره د متقابل درناوي او همکارۍ پر اصل باور لري او د هغوی هڅې د ورزش د ودې او د ملي ورزشي ارزښتونو د ترویج لپاره ستایي.

خو د دې ورځې په مناسبت، یو شمېر ورزشي خبریالان بیا وايي، سره له دې چې د ورزشي سیالیو په پوښښ او معرفي کې مهم رول لري، خو د امکاناتو له کمښت او مالي ستونزو سره مخ دي.

په افغانستان کې یو ورزشي خبریال چې د امنیتي ستونزو له امله نه غواړي نوم یې یاد شي له افغانستان انټرنشنل- پښتو سره خبرو کې وویل: «ورزشي خبریالان محدود لاسرسی لري، په کور دننه سیالیو کې د ګډون لپاره اړه دي چې د ولایتونو د سفر لګښتونه په خپله پېدا کړي، خو په بهرنیو هېوادونو کې د ورزشي خبرونو د پوښښ لپاره ونډه نه ورکول کیږي».

یاد خبریال زیاتوي، چې نه یوازې دا چې بهرنیو هېوادونو ته په تګ کې ورسره د دولتي ادارو همکاري نشته، بلکې د معلوماتو په برخه کې هم له جدي ستونزو سره مخ دي.

دوی زیاتوي، چې د معلوماتو محدود لاسرسی او د کاري امکاناتو نشتوالی یې مسلکي فعالیتونه له جدي ننګونو سره مخ کړي او له ورزشي فدراسیونونو غواړي، چې د ازاد او موثر فعالیت لپاره ورته لا ډېر فرصتونه برابر کړي.

دغه ریاست د پنجشنبې په ورځ (د چنګاښ ۱۱مه) د یوې خبرپاڼې په خپرولو سره وايي، نصیب الله عظیمي په سپورټ فزیک او میوند بابکرخېل په ازاد وزن کې د سرو زرو مډالونه په خپل نوم کړل. دغه راز خواجه رفیع په اتلیتیک فزیک، احمد حبیبي په ۷۵ کیلو ګرامه وزن کې او ریاض الرحمن احسان په ازاد وزن کې د سپینو زرو مډالونه او بلال جلیلي د برونزو مډال ترلاسه کړی دی.

په دغو سیالیو کې د افغانستان په استازولۍ یوې ۱۸ کسیزې لوبډلې ګډون کړی دی. دا سیالۍ د اتو بېلابېلو هېوادونو د ورزشکارانو په ګډون د چنګاښ په ۹مه پیل شوې دي او د روانې میاشتې تر ۱۳مې نېټې پورې به دوام وکړي.

د طالبانو د سپورټي چارو مسوولینو ویلي، چې د هېواد د بدن ښکلا ملي لوبډلې په دغو سیالیو کې د ګډون لپاره پوره چمتووالی نیولی وو. د دوی په وینا، د دغو ورزشکارانو بریا په سیمه‌ییزه کچه د هېواد نوم روښانه کړی او هڅه کېږي، چې د لوبغاړو د لا هڅونې لپاره اسانتیاوې برابرې شي.

د افغانستان د بدن ښکلا فدراسیون د معلوماتو له مخې، ملي لوبغاړو د دغو سیالیو په لومړۍ ورځ هم په ځلېدو سره یو د سرو زرو، دوه د سپینو زرو او یو د برونزو مډال ګټلي وو. یاد فدراسیون د لومړۍ ورځې لاسته راوړنې په دغو سیالیو کې د افغان ورزشکارانو لپاره یو بریالی او هیله بښونکی پیل بللی وو.

په یادو سیالیو کې به د غېزنیونې لوبغاړي د لویانو په بېلابېلو وزني کټګورۍ کې د درېیو ورځو لپاه یو د بل پر وړاندې لوبه وکړي. د دغه سیالیو په پای کې به اته غوره لوبډلې د افغانستان د غېږنیونې غوره لیګ لومړي پړاو ته لار ومومي.

د یاد پروګرام له مخې؛ د افغانستان د غېږنیونې غوره لیګ لومړی پړاو به د ۱۴۰۵کال (د زمري په ۳مه) د شنبې په ورځ د اتو غوره لوبډلو په ګډون پیل شي.

100%

100%

په دې لوبه کې د سنېګال لپاره د سانډرلېنډ منځني لوبغاړي حبیب دیارا د لوبې په ۲۴مه دقیقه لومړی ګول وواهه او اسماعیلا سار د ۵۱مې دقیقې په سر کې دویم ګول هم وکړ. په دې سره سنېګال د دوو ګولونو په توپیر مخکې شو او داسې ښکارېده چې ستره بریا به خپله کړي.

خو د بلجیم لوبډلې په زړه پورې بېرته راګرځېدو سره د دوو ګولونو کسر جبران کړ.

د دویمې نیمايي په وروستیو شېبو کې د بلجیم بریدګر لوبغاړي رومېلو لوکاکو د لوبې په ۸۶مه دقیقه په یوه ښکلي او دقیق ګوزار توپ جال ته وغورځاوه او د خپل ټیم واټن یې یو ګول ته راکم کړ. لوکاکو، چې د بلجیم د ملي لوبډلې په تاریخ کې د ۱۳۰ لوبو په ترسره کولو سره د ۹۲ ګولونو په وهلو تر ټولو مخکښ ګول وهونکی دی، په دې ګول سره د خپلې لوبډلې هیلې بیا راژوندۍ کړې.

یوازې څو دقیقې وروسته، د بلجیم لوبډلمشر یوري تیلمانس د لئاندرو تروسار د تاو لرونکي سانتر څخه په ګټې اخیستنې، د دوو مدافعانو څخه لوړ ټوپ وکړ او د سینګال د دروازه‌ساتونکي ادوآر دیائو د تېروتنې په پایله کې، چې له خپلې کرښې مخکې راغلی و، د سر په ګوزار یې د لوبې په ۸۹مه دقیقه د مساوي ګول وواهه.

د ۹۰ دقیقو په پای کې لوبه د ۲-۲ مساوي حالت ته ورسېده او اضافي وختونو ته وغځېده. په پای کې د اضافي وخت په وروستیو شېبو او د ۱۲۰مې دقیقې په ۵مه اضافه دقیقه کې، د بلجیم لوبډلمشر یوري تیلمانس د پنالټۍ ضربه په ګول بدله کړه او په دې لوبه کې یې خپل دویم ګول هم ثبت کړ. له همدې ګول سره د بلجیم بریا خپله کړه او بل پړاو ته یې لار موندنه یقیني کړه.

ټاکل شوې چې بلجیم د اتو غوره لوبډلو پړاو ته د رسېدو لپاره په راتلونکې سیالۍ کې له امریکا یا بوسنیا او هرزېګوینا سره مخامخ شي.

تر اوسه په یو اتم غوره پړاو کې د فرانسې او پاراګوای، کاناډا او مراکش، او برازیل او ناروې مخامخ کېدل قطعي شوي دي.

د ۲۰۲۶ نړیوال جام د یو اتم پړاو د سیالیو مهالوېش:

کانادا- مراکش (د جولای ۴مه)

فرانسه- پاراگوای (د جولای ۵مه)

برازیل- ناروې (د جولای ۶مه)

مکسیکو – د بریتانیا او د کانګو دیموکراتیک جمهوریت د لوبې ګټونکی (د جولای ۶مه)

د پرتګال او کروشیا د لوبې ګټونکی – د هسپانیا او اتریش د لوبې ګټونکی

د امریکا او بوسنیا د لوبې ګټونکی – د بلجیم او سنګال د لوبې ګټونکی

د ارجنټاین او کېپ وردې د لوبې ګټونکی – د اسټرالیا او مصر د لوبې ګټونکی

د سویس او الجزایر د لوبې ګټونکی – د کولمبیا او ګانا د لوبې ګټونکی

ټاکل شوې چې د یو پر شپاړسم پړاو له بشپړېدو وروسته به د ۲۰۲۶ نړیوال جام د وروستیو یو اتم لوبډلو بشپړ جدول هم روښانه شي.