ندا محمد نديم: ايران او افغانستان يو د بل همکارۍ او تعامل ته اړتيا لري
د طالبانو د لوړو زده کړو وزیر ندا محمد نديم په کابل کې د ايران له سفير سره په کتنه ويلي: «ایران او افغانستان دوه ګاونډي هېوادونه دي او یو د بل همکارۍ او ښه تعامل ته اړتیا لري».
د طالبانو د لوړو زده کړو وزیر ندا محمد نديم په کابل کې د ايران له سفير سره په کتنه ويلي: «ایران او افغانستان دوه ګاونډي هېوادونه دي او یو د بل همکارۍ او ښه تعامل ته اړتیا لري».
د طالبانو لوړو زده کړو وزارت د شنبې په ورځ (د چنګاښ ۱۳مه) د یوې خبرپاڼې په خپرولو سره ویلي، ندا محمد نديم په دې کتنه کې د دواړو هيوادونو ترمنځ د علمي تجربو پر شریکولو هم ټینګار کړی دی.
د خبرپاڼې لهمخې، نديم له خپله اړخه د ایران سفیر ته د علمي اړیکو د پراختیا ډاډ ورکړی دی.
په خبرپاڼه کې راغلي، په کابل کې د ایران سفیر علي رضا بېکدلي په دې وروستیو کې د ایران په تړاو د افغانستان له دریځ څخه مننه کړې او له لوړو زده کړو وزارت سره یې د غوره تحصیلي اړیکو، همکاریو او د تجربو شریکولو ته تیاری وښود.
