د جرمني حکومت: په جرمني کې افغان سفارت او کونسلګرۍ د پخواني حکومت ډیپلوماټان اداره کوي

د طالبانو د بهرنیو چارو وزارت مسولان وایي، د دغه کنفرانس موخه د سلطان حسین بایقرا د علمي، فرهنګي او تاریخي ځایګي لا ښه معرفي کول، د سیمې د هېوادونو ترمنځ د علمي او فرهنګي اړیکو پراخول او د ګډو تمدني شخصیتونو په اړه د څېړنیزو همکاریو لپاره د زمینې برابرول دي.

په هرات کې د طالبانو د بهرنیو چارو وزارت د استازولۍ مرستیال رحمت الله فیضان ویلي چې په راتلونکې کې به هم د سیمې د هېوادونو په همکارۍ په هرات کې د سلطان حسین بایقرا په اړه یو بل نړیوال کنفرانس جوړ شي.

په غونډه کې د ترکیې، ایران او ترکمنستان د کونسلګریو استازو د اسلامي تاریخ او تمدن د اغېزناکو څیرو د معرفۍ پر اهمیت ټینګار کړی.

د طالبانو د خبرپاڼې له مخې، په هرات کې د ترکیې سرکونسل تز جان قاضي اوغلو ویلي چې افغانستان، ایران او ترکیه له پخوا راهیسې ژور فرهنګي او تمدني اړیکي لري او د دې ګډ میراث ساتنه به د علمي او فرهنګي همکاریو د پیاوړتیا لامل شي.

د ایران فرهنګي استازي مهدي حسيني، هم ویلي چې هېواد یې چمتو دی له افغانستان سره د علمي کنفرانسونو په جوړولو، ګډو څېړنو او د سیمې د تاریخي او فرهنګي شخصیتونو په معرفي کولو کې همکاري وکړي.

سلطان حسین بایقرا د تیموریانو د واکمنۍ له وتلو پاچاهانو څخه شمېرل کېږي چې د هغه د حکومت پر مهال هرات د اسلامي نړۍ له مهمو علمي، فرهنګي، هنري او ادبي مرکزونو څخه وګرځېد.

راشد خان په یوه پیغام کې ویلي، چې د دغه انساني ناورین د اغېزو کمولو لپاره باید هغوی ته بېړنۍ بشري مرستې، خوراکي توکي، درمل او سرپناه برابره شي.

په پارون کې د وروستیو سختو سېلابونو له امله د یاد ښار د ښاروال او د ښاروالۍ د یو شمېر کارکوونکو په ګډون لسګونه کسانو خپل ژوند له لاسه ورکړی او یا تری تم دي.

د طالبانو د پېښو پر وړاندې د چمتووالي ادارې اعلان کړی چې په نورستان کې د سېلابونو د تایید شویو تلفاتو شمېر ۲۳ کسانو ته لوړ شوی، شاوخوا ۸۰ کسان ټپیان دي، له ۱۰۰ څخه زیات نور لادرکه دي او د ژغورنې عملیات لا هم دوام لري.

یاد شرکت سې‌شنبه (د چنګاښ ۳۰مه) په خپره شوې خبرپاڼه کې ویلي، چې د یوه کیلو اوبلن ګاز بیه په کابل او پروان کې ۶۶ افغانۍ، په بدخشان کې ۶۷ افغانۍ، په بلخ کې ۶۴ افغانۍ او په هرات کې ۶۰ افغانۍ ټاکل شوې ده.

تر دې شاوخوا یوه اوونۍ وړاندې د کابل یوشمېر اوسېدونکو افغانستان انټرنشنل ته ویلي وو، چې په پلازمېنه کې د اوبلن ګاز بیه په بې‌ساري ډول لوړه شوې او په ځینو سیمو کې ګاز په سخته پیدا کېږي.

د هغه مهال د معلوماتو له مخې؛ په کابل کې د یوه کیلو اوبلن ګاز بیه له ۵۶ افغانیو څخه ۶۴ افغانیو ته لوړه شوې وه، خو د کابل اوسېدونکو په وروستیو ورځو کې افغانستان انټرنشنل ته ویلي و، چې په ځینو سیمو کې د یوه کیلو اوبلن ګاز بیه نږدې ۹۰ افغانیو ته رسېدلې ده.

د کابل اوسېدونکو دا هم ویلي وو، په ډېرو سیمو کې اوبلن ګاز په سختۍ موندل کېږي او له اړوندو ادارو یې غوښتي وو چې د ګازو د بیو د کنټرول، د بازار د څار او د عرضې د منظمېدو لپاره عملي اقدامات وکړي.

په کندهار کې د طالبانو رسنیز دفتر د سې‌شنبې په ورځ (د چنګاښ ۳۰مه) ویلي، چې دغه نشه‌يي‌ توکي یې په تېرو درېیو میاشتو کې د بېلابیلو عملیاتو پرمهال نیولي. یاد دفتر زیاته کړې، په سوځول شویو نشه‌يي توکو کې ومان، تاریاک، د ټابلېټ کا ګولۍ او نور توکي‌ شامل وو.

طالبانو زیاته کړې، دغه نشه‌يي‌ توکي له پاکستان نه راوړل شوي وو او طالب ځواکونو نیولي. بل لوري بیا په نیمروز کې د طالبانو د فرعي ګمرکاتو مشر عبدالغفار محمود ویلي، د دوی ګرځنده ډلو ۸۰۰ کیلوګرامه انساني‌ درمل چې له پاکستان نه افغانستان قاچاق کېدل نیولي.

د دواړه ولایتونو طالب مسوولینو له یادو توکو سره د نیول شويو کسانو په اړه څه نه‌دي‌ ویلي.

نوموړي زیاته کړې، چې په نورستان کې دغه سېلابونو پراخ مالي زیانونه هم اړولي دي. د هغه د معلوماتو له مخې؛ اووه استوګنیز کورونه په بشپړ ډول او ۲۳ نور په نسبي ډول ویجاړ شوي دي. همدارنګه ۷۰ هتۍ او ۱۱ هوټلونه له‌منځه تللي او ۴۰ لوی او واړه وسایط هم زیانمن شوي دي.

د طالبانو د پېښو پر وړاندې د مبارزې چمتووالي ادارې ټینګار کړی، چې دغه شمېرې لومړنۍ دي او د ژغورنې او لټون عملیات لاهم روان دي او د مرګ‌ژوبلې او زیانونو په شمېرو کې د بدلون امکان شته.

بلخوا دغه ادارې ویلي، چې نن سهار د یادې ادارې د عملیاتو د مرکز رییس سیداحمد عثماني په مشرۍ یو مرکزي پلاوی نورستان ته استول شوی؛ څو د ژغورنې او بېړنیو مرستو چارې له نږدې وڅاري.