د ایران له خراسان رضوي نه افغانستان ته د صادراتو ارزښت ۳۵ میلیونه ډالره کم شوی

د جرمني حکومت دا څرګندونې د بونډسټاګ یا پارلمان د یوې کوچنۍ پوښتنې په ځواب کې کړې دي.

د بونډسټاګ غړو پوښتنه کړې وه چې په جرمني کې د طالبانو له خوا ټاکل شویو استازو ته د اعتبار ورکولو قانوني بنسټ څه دی؟

حکومت د ۲۰۲۵ کال د سپتمبر ۱۰مې پخواني ځواب ته اشاره کړې او ویلي یې دي چې د خبرتیا مکلفیت په دې معنا نه دی، چې د کوربه هېواد (جرمني) له خوا باید موافقه ورکړل شي.

دغه پوښتنه د اې اېف ډې پارلماني ډلې له خوا د افغانستان د بن جنرال کونسلګرۍ د فعالیت په اړه مطرح شوې وه.

د جرمني حکومت یو ځل بیا ویلي چې د طالبانو ډیفاکټو اداره لا هم د افغانستان د قانوني حکومت په توګه نه پېژني.

په ځواب کې راغلي چې په جرمني کې د افغانستان استازولۍ لا هم د هغو ډیپلوماټانو تر مشرۍ لاندې دي چې د پخواني افغان حکومت له خوا ټاکل شوي وو. همدارنګه ویل شوي، چې د بن جنرال کونسلګري په برلین کې د افغان سفارت تر څار لاندې فعالیت کوي.

د جرمني حکومت ویلي چې تر اوسه داسې معلومات نه لري چې وښيي په جرمني کې مېشت افغان وګړي د کونسلګرۍ د فعالیتونو یا د طالبانو د نږدې کسانو له خوا شخصي معلوماتو ته د احتمالي لاسرسي له امله له امنیتي ګواښ سره مخ دي.

حکومت زیاته کړې، چې که فدرالي امنیتي ادارې د نفوذ، فشار یا وېرولو کومې هڅې ومومي، نو د قانون په چوکاټ کې به د افغان اتباعو د خوندیتوب لپاره ټول اړین اقدامات ترسره کړي.

همدارنګه جرمني حکومت ویلي چې هر افغان وګړی یا بل هر شخص کولای شي، چې که د جرم نښې وویني یا د جرم قرباني شي، د جرمني د پولیسو هرې ادارې ته مراجعه وکړي. د حکومت په وینا، امنیتي ادارې به د حالت له ارزونې وروسته، د اړتیا په صورت کې د ساتنې نور اقدامات هم ترسره کړي.

د طالبانو د بهرنیو چارو وزارت مسولان وایي، د دغه کنفرانس موخه د سلطان حسین بایقرا د علمي، فرهنګي او تاریخي ځایګي لا ښه معرفي کول، د سیمې د هېوادونو ترمنځ د علمي او فرهنګي اړیکو پراخول او د ګډو تمدني شخصیتونو په اړه د څېړنیزو همکاریو لپاره د زمینې برابرول دي.

په هرات کې د طالبانو د بهرنیو چارو وزارت د استازولۍ مرستیال رحمت الله فیضان ویلي چې په راتلونکې کې به هم د سیمې د هېوادونو په همکارۍ په هرات کې د سلطان حسین بایقرا په اړه یو بل نړیوال کنفرانس جوړ شي.

په غونډه کې د ترکیې، ایران او ترکمنستان د کونسلګریو استازو د اسلامي تاریخ او تمدن د اغېزناکو څیرو د معرفۍ پر اهمیت ټینګار کړی.

د طالبانو د خبرپاڼې له مخې، په هرات کې د ترکیې سرکونسل تز جان قاضي اوغلو ویلي چې افغانستان، ایران او ترکیه له پخوا راهیسې ژور فرهنګي او تمدني اړیکي لري او د دې ګډ میراث ساتنه به د علمي او فرهنګي همکاریو د پیاوړتیا لامل شي.

د ایران فرهنګي استازي مهدي حسيني، هم ویلي چې هېواد یې چمتو دی له افغانستان سره د علمي کنفرانسونو په جوړولو، ګډو څېړنو او د سیمې د تاریخي او فرهنګي شخصیتونو په معرفي کولو کې همکاري وکړي.

سلطان حسین بایقرا د تیموریانو د واکمنۍ له وتلو پاچاهانو څخه شمېرل کېږي چې د هغه د حکومت پر مهال هرات د اسلامي نړۍ له مهمو علمي، فرهنګي، هنري او ادبي مرکزونو څخه وګرځېد.

راشد خان په یوه پیغام کې ویلي، چې د دغه انساني ناورین د اغېزو کمولو لپاره باید هغوی ته بېړنۍ بشري مرستې، خوراکي توکي، درمل او سرپناه برابره شي.

په پارون کې د وروستیو سختو سېلابونو له امله د یاد ښار د ښاروال او د ښاروالۍ د یو شمېر کارکوونکو په ګډون لسګونه کسانو خپل ژوند له لاسه ورکړی او یا تری تم دي.

د طالبانو د پېښو پر وړاندې د چمتووالي ادارې اعلان کړی چې په نورستان کې د سېلابونو د تایید شویو تلفاتو شمېر ۲۳ کسانو ته لوړ شوی، شاوخوا ۸۰ کسان ټپیان دي، له ۱۰۰ څخه زیات نور لادرکه دي او د ژغورنې عملیات لا هم دوام لري.

یاد شرکت سې‌شنبه (د چنګاښ ۳۰مه) په خپره شوې خبرپاڼه کې ویلي، چې د یوه کیلو اوبلن ګاز بیه په کابل او پروان کې ۶۶ افغانۍ، په بدخشان کې ۶۷ افغانۍ، په بلخ کې ۶۴ افغانۍ او په هرات کې ۶۰ افغانۍ ټاکل شوې ده.

تر دې شاوخوا یوه اوونۍ وړاندې د کابل یوشمېر اوسېدونکو افغانستان انټرنشنل ته ویلي وو، چې په پلازمېنه کې د اوبلن ګاز بیه په بې‌ساري ډول لوړه شوې او په ځینو سیمو کې ګاز په سخته پیدا کېږي.

د هغه مهال د معلوماتو له مخې؛ په کابل کې د یوه کیلو اوبلن ګاز بیه له ۵۶ افغانیو څخه ۶۴ افغانیو ته لوړه شوې وه، خو د کابل اوسېدونکو په وروستیو ورځو کې افغانستان انټرنشنل ته ویلي و، چې په ځینو سیمو کې د یوه کیلو اوبلن ګاز بیه نږدې ۹۰ افغانیو ته رسېدلې ده.

د کابل اوسېدونکو دا هم ویلي وو، په ډېرو سیمو کې اوبلن ګاز په سختۍ موندل کېږي او له اړوندو ادارو یې غوښتي وو چې د ګازو د بیو د کنټرول، د بازار د څار او د عرضې د منظمېدو لپاره عملي اقدامات وکړي.

په کندهار کې د طالبانو رسنیز دفتر د سې‌شنبې په ورځ (د چنګاښ ۳۰مه) ویلي، چې دغه نشه‌يي‌ توکي یې په تېرو درېیو میاشتو کې د بېلابیلو عملیاتو پرمهال نیولي. یاد دفتر زیاته کړې، په سوځول شویو نشه‌يي توکو کې ومان، تاریاک، د ټابلېټ کا ګولۍ او نور توکي‌ شامل وو.

طالبانو زیاته کړې، دغه نشه‌يي‌ توکي له پاکستان نه راوړل شوي وو او طالب ځواکونو نیولي. بل لوري بیا په نیمروز کې د طالبانو د فرعي ګمرکاتو مشر عبدالغفار محمود ویلي، د دوی ګرځنده ډلو ۸۰۰ کیلوګرامه انساني‌ درمل چې له پاکستان نه افغانستان قاچاق کېدل نیولي.

د دواړه ولایتونو طالب مسوولینو له یادو توکو سره د نیول شويو کسانو په اړه څه نه‌دي‌ ویلي.