په بلخ کې د ټرافیکي پېښې له امله یو کس مړ او درې نور ټپیان شوي

دغه سازمان په یوه خپاره کړې پیغام کې ویلي چې د مور شیدې ماشوم ته اړین خوراکي مواد برابروي، د هغه د بدن دفاعي سیستم پیاوړی کوي او د سالمې ودې او پرمختګ ملاتړ کوي.

د روغتیا نړیوال سازمان د افغانستان د دفتر مرستیالې استازې، ډاکټرې موکتا شارما، له کورنیو او ټولنو غوښتي چې په افغانستان کې د هرې مور د شیدو ورکولو له حق څخه ملاتړ او ساتنه وکړي.

هغې ویلي، د مور شیدې ورکول یوازې د ماشوم د تغذیې لپاره نه دي، بلکې د ماشوم د روغتیا او راتلونکې ودې لپاره هم مهم بنسټ جوړوي.

د مور د شیدو نړیواله اوونۍ هر کال د اګسټ میاشتې له اولې تر ۷مې نیټې د دې لپاره لمانځل کېږي چې د ماشومانو د روغتیا، تغذیې او د میندو د ملاتړ په برخه کې د شیدو ورکولو اهمیت روښانه شي.
افغانستان کې دغه اوونۍ داسې مهال رارسیږي چې د نړۍوالې ټولنې د راپورونو له مخې میلیونونه میندې او ماشومان له شدیدې خوارځواکۍ سره لاس او ګرېوان دي.
د ماشومانو لپاره د ملګرو ملتونو وجهي صندوق (یونیسف) په خپل تازه راپور کې ویلي، چې په افغانستان کې تر پنځو کلونو کم عمره شاوخوا ۳،۷ میلیونه ماشومان د خوارځواکۍ له جدي ګواښ سره مخ دي.

د طالبانو د کرنې، اوبولګولو او مالدارۍ وزارت له خوا په خپره شوې په خبرپاڼه کې ویل شوي، دغه کرنیز وسایل د ننګرهار د کرنې ریاست په هڅو، د ډنمارک د کډوالو نړیوالې شورا (DRC) په تخنیکي همکارۍ او د اروپایي ټولنې او سویس په مالي ملاتړ برابر او ووېشل شول.

د خبرپاڼې له مخې، دغه وسایل د هسکې مېنې ولسوالۍ په درېیو کرنیزو مرکزونو کې د کرنیزو فعالیتونو د پیاوړتیا او د بزګرانو د ملاتړ په موخه ورکړل شوي دي.

د کرنیزو ماشینونو او وسایلو د ډولونو په اړه په خبرپاڼه کې نور جزیات نه دي ورکړل شوي.

د مقاومت جبهې په ایکس کې ویلي، برید د پنجشنبې په شپه، د زمري په ۸مه، شاوخوا ۱۰:۳۰ بجې د هرات د «بند پاشدان» په سیمه کې شوی دی.

د جبهې په وینا، په برید کې وژل شوي کسان د طالبانو د الفاروق قول اردو د لومړي لوا غړي وو.

ملي مقاومت جبهې ویلي چې د هېواد په بېلابېلو برخو کې یې د طالبانو پر وړاندې «هدفمند بریدونه» دوام لري او ادعا کوي چې دغه بریدونه د خلکو او هېواد د طالبانو له واک څخه د «ازادۍ» لپاره ترسره کېږي.

طالبانو تر اوسه د دې ادعا په اړه څه نه دي ویلي.

په هرات کې د طالبانو د صنعت او کانونو خونې ویلي چې له دغه ولایت څخه د معدني ډبرو د صادراتو کچه لوړه شوې او اوس دغه توکي د ایران، چین، ترکمنستان، اروپا، استرالیا او امریکا بازارونو ته لېږدول کېږي.

د یادې خونې د معلوماتو له مخې، په دې وروستیو کې د تورو معدني ډبرو یوه ۵۰ ټنه محموله امریکا ته صادره شوې ده.

تر دې مخکې د هرات د طالبانو رسنیز دفتر ویلي وو چې د دغه ولایت د صادراتي ډبرو لومړۍ جوپه، چې شاوخوا ۱۰۰ زره امریکايي ډالر ارزښت لري، د امریکا بازار ته استول شوې ده. د دغه دفتر په وینا، په دې محموله کې د هرات د زنده‌جان ولسوالۍ د کانونو تورې ډبرې شاملې وې.

هرات د افغانستان له مهمو اقتصادي ولایتونو څخه دی، چې د کانونو، سوداګریز موقعیت او صنعتي ظرفیتونو له امله د هېواد په اقتصادي فعالیتونو او صادراتو کې مهم رول لري

ددغه ادارې له خوا په خپره شوې خبرپاڼه کې راغلي، د برېښنا شرکت د عمومي اجراییوي رییس ملا عبدالحق همکار د ازبکستان د وزیرانو شورا اړوند د تخنیکي مقرراتو ادارې له رییس ډاکټر اکمل جومانظروف سره د لیدنې پر مهال د برېښنا په برخه کې د تخنیکي معیارونو، د ازمایښتي لابراتوارونو د ظرفیت لوړولو او د نړیوالو معیارونو د پلي کولو په اړه خبرې وکړې.

ملا عبدالحق همکار له ازبکستاني چارواکو وغوښتل چې د برېښنا شرکت د ازمایښتي وسایلو د نړیوالو معیارونو له مخې د کالیبراسیون، د لابراتوارونو د معیاري کولو او د ګرځنده لابراتوارونو د جوړولو په برخه کې همکاري وکړي، څو د برېښنا شبکې تخنیکي ستونزې په چټکۍ او دقت تشخیص او حل شي.

د خبرپاڼه کې له مخې، د ازبکستان د تخنیکي مقرراتو ادارې هم د برېښنا شرکت د کارکوونکو د تخنیکي ظرفیت لوړولو، د وسایلو د کالیبراسیون، تخصصي روزنیزو پروګرامونو او ګرځنده لابراتوارونو د برابرولو په برخو کې د هر اړخیزې همکارۍ چمتووالی ښودلی دی.

دواړو لورو د تخنیکي تجربو د تبادلې، د نړیوالو معیارونو د پلي کولو او د برېښنا سکتور د کیفیت او اعتبار د لوړولو لپاره د دوامدارې همکارۍ پر پراختیا ټینګار کړی دی.