طالبانو عراق ته د شیعه زیارت کوونکو د لېږد لپاره په اسلام کلا کې ګډه کمېټه جوړه کړې

حامد کرزي په خپل اېکس کې په خپاره شوي یادښت کې ټینګار کړی، چې د زده‌کړو مسایل باید له سیاسي مسایلو او اختلافونو څخه په بشپړه توګه جلا وساتل شي.

هغه زیاته کړې چې له افغان محصلانو سره باید د اکاډمیکو اصولو او نړیوالو معیارونو سره سم چلند وشي څو هغوی خپلې زده‌کړې په ارامه فضا کې بشپړې کړای شي.

دا څرګندونې داسې مهال دي، چې په پاکستان کې د افغان محصلانو ټولنې مشر صدیق شریعتي افغانستان انټرنشنل پښتو ته ویلي، چې نږدې یو کال کېږي افغان محصلانو په پاکستان کې د خپلو تحصیلي ویزو د غځولو غوښتنلیکونه سپارلي، خو تراوسه یې نه ویزې تمدید شوې او نه هم ورته کوم رسمي ځواب ورکړل شوی دی.

افغان محصلانو زیاته کړې، چې دوی د پاکستان په لیلیو کې د سیاسي بندیانو په څېر ژوند کوي.

متحدې جبهې د خپل دغه برید د دقیق وخت او ځای په اړه نور جزییات نه دي ورکړي او نه هم طالبانو تر اوسه کوم غبرګون ښودلی دی.

تېره ورځ د جنرال سمیع سادات په مشرۍ د افغانستان متحدې جبهې په یوه اعلامیه کې د طالبانو پر ضد د پوځي عملیاتو د پیلولو اعلان کړی و.

دغه جبهه وایي، د طالبانو هغه مشران به یې اصلي هدف وي چې پر پخوانیو ځواکونو او ښځو یې ظلمونه کړي.

یادې جبهې ځان د هېواد د اساسي قانون او ملي بېرغ وارث بللی.

ددې جبهې له اعلان وروسته نن یکشنبه، د زمري پر ۱۱مه په کابل کې د طالبانو ویاند ذبیح الله مجاهد د یوې خبري غونډې پرمهال په افغانستان کې د طالبانو د مخالفو ډلو حضور ومانه.

نوموړي ویلي، چې دغو ډلو له پخوا راهیسې حضور درلود او ریښې یې په بهر کې دي.

د طالبانو د بغلان د کرنې، اوبو لګولو او مالدارۍ ریاست مسوولانو ددې ډلې اړوند رسنیو ته ویلي، چې د دغو شنو خونو د جوړولو موخه د عصري کرنې دودول، د کرنیزو حاصلاتو زیاتوالی او د بزګرانو د ظرفیت لوړول دي.

دوی وایي، تمه لري چې دغه پروګرام به په نږدې راتلونکې کې د کرنې په سکټور کې د پام وړ مثبتې پایلې ولري.

بزګران د دغو شنو خونو له جوړېدو خوښي څرګندوي او وایي، چې که په هېواد کې ورته د کار او تولید داسې فرصتونه برابر شي، نو اړ نه دي چې د روزګار لپاره نورو هېوادونو ته کډه وکړي.

د یوې شنې خونې مسوول چې پر څلورو جریبو ځمکه یې ۱۲ ګلخانې جوړې کړې دي او هره ورځ ترې شاوخوا دوه نیم ټنه حاصلات ترلاسه کوي، ویلي، چې شنې خونې د حاصلاتو په زیاتوالي او د کورنیو عوایدو په لوړولو کې مهم رول لري.

د طالبانو د بغلان د کرنې ریاست وایي، د ورته پروژو پلي کول به د ولایت په کچه د کرنیزو تولیداتو د زیاتوالي، د بزګرانو د اقتصادي وضعیت د ښه والي او د عصري کرنې د پراختیا لپاره ګټور تمام شي.

بغلان د افغانستان له کرنیزو ولایتونو څخه ګڼل کېږي چې د خلکو ډېری برخه یې پر کرنه او مالدارۍ متکي ده.

هغه د روسیې ریانووستي خبري اژانس ته ویلي: چې «د ډله‌ییز امنیت تړون سازمان غړي هېوادونه او همدارنګه د منځنۍ اسیا هغه هېوادونه چې د دغه سازمان غړیتوب نه لري، له ګاونډي افغانستان سره خپلې اړیکې پراخوي».

هغه زیاته کړې چې د دغو اړیکو کچه او بڼه له یوه هېواد څخه تر بل پورې توپیر لري.

د واسیلییف په وینا، د افغانستان او دغو هېوادونو ترمنځ همکاري تر ډېره د ترهګرۍ او افراطیت پر ضد مبارزې پورې اړه لري.

نوموړي ویلي، «دواړه لوري د مخدره موادو د قاچاق د مخنیوي لپاره هم د ځانګړو عملیاتو او کاري ډلو له لارې منظمې ناستې او همغږي ترسره کوي».

د ۲۰۲۶ کال په مې میاشت کې د روسیې او طالبانو استازو د پوځي ـ تخنیکي همکاریو یو تړون هم لاسلیک کړی و.

وروسته، د جون په میاشت کې د روسیې د بهرنیو چارو وزارت له اسلام‌اباد او کابل څخه وغوښتل چې پر دیورنډ کرښه وسله‌والې نښتې پای ته ورسوي.

د کندهار له بېلابېلو ولسوالیو، په ځانګړې توګه ژیړۍ، میوند، ارغنداب او پنجوايي نه هټۍوالو افغانستان انټرنشنل ته ویلي چې ځايي طالب چارواکو دوه ورځې وړاندې ورته امر وکړ، چې د شپې له‌خوا تر ۱۱ بجو مخکې باید خپلې هټۍ وتړي.

دغه هټیوال وايي چې طالبانو تر ۱۱ بجو مخکې د هټیو د تړلو په تړاو کوم دلیل نه دی وړاندې کړی.

په ورته مهال د کندهارـ هرات پر عمومي لاره د ژیړۍ او میوند ولسوالیو هټیوال وايي، په دغو ولسوالیو کې ډېری هټۍ تر سهاره پرانېستې وي ځکه د هرات پر لاره د موټرو تګ راتګ ۲۴ ساعته وي او له همدې لارې عاید ترلاسه کوي.

یو هټیوال وویل:«موږ خو کلونه کلونه کېږي همدلته دوکانونه لرو، تر اوسه داسې امر هیچا نه و کړی. پر دغه لاره لوی موټرونه، مسافر وړونکي او کوچني موټرونه ۲۴ ساعته تګ راتګ کوي. موږ هم له دې کاره پیسې په لاس راوړو او هم یو ډول سهولت دی د سوداګرو لپاره».

د کندهار د ولسوالیو یو شمېر اوسېدونکي وايي، چې طالبانو د شپې له لوري د هټیو د تړلو له امر سره سم په ولسوالیو کې شپنۍ ګزمې هم زیاتې کړې دي او د پخوا په پرتله یې پلټنځایونه (چک پواینټونه) هم زیات کړي دي.

په کندهار کې د طالبانو سیمه‌ییزو مسوولانو په ولسوالیو کې پر هټیوالو د دغو نویو بندیزونو د پلي کولو په اړه په رسمي ډول څه نه دي ویلي.