د طالبانو تر واک لاندې د دولتي شرکتونو عمومي ریاست وايي، د اریانا افغان هوايي شرکت یوه (بي۷۳۷-۳۰۰) چارتر کارګو الوتکه نن د کابل نړۍوال هوايي ډګر ته رسېدلې او ټاکل شوې چې د سوداګریزو توکو د لېږد لپاره په نړۍوالو مسیرونو کې وکارول شي.
په لیبیا کې بندپاتې ۱۸ افغانان چې د کډوالۍ نړۍوال سازمان سره ثبت دي له اړوندو ادارو غوښتنه کړې، چې هېواد ته د ستنېدو په برخه کې دې د ویزو او د سفري اسنادو په برابرولو کې ورسره همکاري وکړي.
نن د سپټامبر ۲۱مه د سولې له نړۍوالې ورځې سره برابره ده. دغه ورځ په نړۍ کې داسې مهال نمانځل کېږي، چې په افغانستان کې د پنځو لسیزو نسلونه په ځانګړي ډول اوسني ځوانان لاهم د سولې ارمانجن دي.
د افغانستان پخواني ولسمشر حامد کرزي پر کونړ او پکتیکا ولایتونو د پاکستان بېګاني بریدونه غندلي دي. هغه ویلي، چې د پاکستان اوسنۍ امنیتي ستونزې د افغانستان په اړه د دغه هېواد د ناسمو سیاستونو پایله ده.
د افغانستان اکثریت ګوند پر کونړ او پکتیکا د پاکستان وروستي هوايي بریدونه غندلي دي. یاد ګوند ویلي، چې پاکستان د خپل زور ازمویلو تمرین کوي او د داسې بریدونو له لارې د خپلو سیاستونو د پراختیا عملي کولو خوب ویني.
د کونړ یو اوسېدونکي افغانستان انټرنشنل ته په لېږلي پیغام کې ویلي، د دغه ولایت د سرکاڼو ولسوالۍ د ټانګو لېسې امر «ملا فضل معبود» له زدهکوونکو غوښتي چې د ښوونځيو پر ځای مدرسې ته ولاړ شي. د نوموړي په خبره، دغه طالب امر زدهکوونکو ته ښکنځل کوي او کله ورته پېغورونه هم ورکوي.
د سپاه پاسداران ویاند حسین محبي، العالم ټلوېزیون سره په خبرو کې ویلي: «جګړه پای ته نهده رسېدلې او دوام لري. سپاه پاسداران هم د یوې اوږدې جګړې لپاره چمتووالی لري». د سپاه پاسداران ویاند په وینا: «که یو وار بیا یرغل وشي، موږ به خامخا د جګړې جغرافیه بدله کړو».
د پاکستان د جماعت اسلامي ګوند د مشر حافظ نعیم الرحمان په غوښتنه د دغه ګوند پلویانو د یکشنبې په ورځ د تېلو د لوړې مالیې پرضد ستر لاریون پيل کړ. د یاد ګوند لوړپوړي غړي وایي، لاریون د خیبر په جمرود کې له تاريخي «باب خیبر» نه پیل شوی او اسلاماباد ته به وغځېږي.
د بشري مرستو د عملي چارو شبکې (Humanitarian Practice Network) په یوه راپور کې ویلي، چې له پاکستان او ایران نه د سلګونه زره افغان کډوالو جبري ستنولو په افغانستان کې د بشري ناورین کچه او پېچلتیا پراخه کړې ده او دغه راستنېدونکي مناسبه سرپناه او بنسټیزو خدمتونو ته لاسرسی نهلري.
په بامیان کې د طالبانو د والي ویاند صبور فرزان وايي، د روان کال له پیل راهیسې د دغه ولایت له تاریخي او تفریحي سیمو څخه ۳۴۰زره کورنیو او ۱۵۰۰ بهرنیو سېلانیانو لیدنه کړې ده.
افغانستان انټرنشنل ته په لېږلې ویډیو کې ښکاري، چې په کابل کې د خاتمالنبیین پوهنتون تر تړلو وروسته محصلان لالهانده د پوهنتون مخې ته ولاړ دي. طالب چارواکو بیا له دغه محصلانو غوښتي، چې په نورو خصوصي پوهنتونونو کې خپلو زدهکړو ته دوام ورکړي.
د طالبانو ویاند ذبیحالله مجاهد وایي، چې پاکستان تېره شپه په کونړ او پکتیکا ولایتونو کې ملکي ځایونه په نښه کړي دي. د هغه په وینا، پر کونړ د پاکستان په برید کې د یوې مېرمنې په ګډون درې کسان وژل شوي او د دوو مېرمنو په ګډون څلور نور ټپیان دي.
یو ځوان افغانستان انټرنشنل ته په لېږلي پیغام کې ویلي، په جوزجان او بلخ ولایتونو کې وسلهوالې غلاوې زیاتې شوې چې خلک یې سخت اندېښمن کړي دي. نوموړي زیاته کړې، چې غله په دغه غلاوو کې له وسلو هم کار اخلي.
د خیبر پښتونخوا په بنو ولسوالۍ کې پولیسو خبر ورکړی، دوه فډرالي پولیس چې یوه ورځ وړاندې د ناپېژاندو کسانو لهخوا تښتول شوي وو، وژل شوي او مړي یې موندل شوي دي.
پاکستاني ځواکونو د بلوچستان د کیچ ولسوالۍ په دشت میراني سیمه کې د یو لړ عملیاتو پرمهال د ښځو او ماشومانو په ګډون ۵۸ افغانان نیولي دي. د بلوچستان د اېفسي ادارې ویلي، نیول شويو افغانانو هڅه کوله چې د قاچاق کوونکو په مرسته د پاکستان له لارې ایران او وروسته اروپا ته ولاړ شي.
۱۷ کلن افغان لوبغاړی محمد حسني په کمبودیا کې د «کانخمر بارزه» په سیالیو کې د کوربه هېواد لوبغاړي هیم کیم رینګ ته ماتې ورکړه او د یادو سیالیو د اتلولۍ جام یې وګاټه. حسني خپل سیال ته د ۵۴ کیلو ګرامه وزن په کټګورۍ کې د لوبڅارانو د متفقه پرېکړې له مخې ماتې ورکړه.
د ملګرو ملتونو د خوړو نړۍوال پروګرام په خپل اوونیز راپور کې وايي، چې د ۲۰۲۶کال د سپټمبر په دویمه اوونۍ کې د افغانستان په بازارونو کې د ډېرو لومړنیو خوراکي توکو بیې تر یوې اندازې ثابتې وې؛ خو د ځینو خوراکي توکو بیې د تېرکال پرتله لاهم لوړې دي.
د امریکا او ایران ترمنځ د جګړې د پای ته رسولو لپاره د ډیپلوماټیکو هڅو له زیاتېدو سره (د وږي په ۳۰مه) د اسیا په بازارونو کې د تېلو بیې راټیټې شوې. د بازار د تازه معلوماتو له مخې، د برنېټ خامو تېلو بیه ۱.۲۵ سلنه راټیټه شوې او په هر بېرل کې ۱۰۲ ډالرو او ۵۷ سېنټو ته رسېدلې ده.
د طالبانو اړوندو رسنیو راپور ورکړی، چې پاکستان بېګاه د کونړ د نورګل ولسوالۍ پر پټن سیمه او د پکتیکا په برمل ولسوالۍ کې پر ځینو سیمو هوايي بریدونه کړي دي. په راپور کې راغلي، چې پر پټن سیمه د پاکستان د برید له کبله درې ملکي کسان وژل شوي او یو شمېر نور ټپيان شوي دي.
د افغانستان د تکواندو ملي لوبډلې پخواني لوبغاړي فرزاد منصوري د جرمني په هامبورګ ښار کې د تکواندو په ازادو سیالیو کې د ټولو سیالانو په ماتولو سره د سرو زرو مډال وګاټه. منصوري د منفي ۸۰ کیلوګرامه وزن په کټګورۍ کې پرلهپسې څلور بریاوې ترلاسه کړې او د دغه سیالیو اتل شو.
د مصر ولسمشر عبدالفتاح السیسي د امریکا د استخباراتو د مرکزي ادارې (سيایاې) له مشر جان رتکلیف سره په کتنه کې د ایران د کړکېچ د پایته رسولو، سیمې ته د ثبات د ستنولو او د نړیوالې سمندري بېړۍ چلونې د ازادۍ د تضمین لپاره د یوې هر اړخیزې هوکړې د ترلاسه کېدو غوښتنه کړې.