د طالبانو د نیمروز ولایت چارواکي وايي، له ایران سره پر ګډه پوله د ورېښمو پله، زرنج ټرانسپورټي بندر خدمات ۲۴ ساعته شوي دي. د یادو چارواکو په وینا، له دې وروسته به مسافروړونکي او باروړونکي موټر د سوداګریزو توکو د لېږد رالېږد د چټکتیا او اسانتیاوو لپاره شپه او ورځ تګ راتګ کوي.
د ۲۰۰۱ کال د اکتوبر پر ۲۶مه عبدالحق په داسې حال کې چې په اس سپور و، د لوګر په ازره کې د طالبانو له محاصرې د وتلو هڅه کوله. په غوږیزي کلي کې شاوخوا طالبانو مورچې نیولې وې. له ده سره یوازې څو تنو ملتیا کوله او امریکايي چورلکې د مرستې لپاره په وخت ور ونه رسېدې.
د طالبانو د چاپېریال ساتنې ادارې د مشر مطیع الحق خالص په مشرۍ یو پلاوی د چاپیریالي زده کړو په نړۍوال کنفرانس کې د ګډون په موخه مالیزیا ته لاړ. دغه دوه ورځنی کنفرانس سبا د سراوک ایالت په کوچینګ ښار کې پیلېږي.
په کویت کې د طالبانو د سفارت سر پرست محمد شفیق خطیب د دغه هېواد د مالیې له وزیر ډاکټر سید یعقوب السید یوسف هاشم الرفاعي سره په کتنه کې د دوه اړخیزو اقتصادي او سوداګریزو اړیکو پر پراختیا غږیدلی دی.
د خوړو نړۍوال پروګرام د بازار په اونیز راپور کې ویلي، که څه هم د اکتوبر په درېیمه اونۍ کې په افغانستان کې د خوراکي توکو په بیو کې د پام وړ بدلون نهوو راغلی، خو د ځینو مهمو توکو بیې د تېر کال پرتله د پام وړ لوړې پاتې شوې دي. یاده اداره وایي، کاري فرصتونه هم کم شوي دي.
د طالبانو د دولتي شرکتونو ریاست وايي، چې کابل ښار ته د شاهوعروس بند د اوبو رسولو پروژې قرارداد د یو میلیارد افغانیو په لګښت له یوه کورني شرکت سره لاسلیک شو. دغه ریاست وايي، د دغې پروژې په بشپړېدو سره به د کابل د ۱۷ ناحیې شاوخوا ۵۰ زره اوسېدونکي د څښاک پاکو اوبو ته لاسرسی ومومي.
په بادغیس کې د طالبانو د امنیه قوماندانۍ ویاند صدیقالله صدیقي ویلي، چې په دغه ولایت کې د «شنې قطعې» ځواکونو د یو لړ عملیاتو پرمهال په ځنګلي سيمو کې ۸ کسان د ځنګلي ونو د پرې کولو په تړاو نیولي دي.
د طالبانو د معیار او کیفیت (د ستندرد ملي) ادارې یو دوه کسیز پلاوی د اسلامي هېوادونو د معیارونو او میټرولوژۍ انسټیټیوټ (SMIIC) په کلنۍ عمومي غونډه کې د ګډون په موخه د روسیې کازان ښار ته ورسېد.. یاده نړیواله ناسته به نن پیل او دوه ورځې به دوام وکړي.
د پاکستان د پنجاب حکومت د پخواني لومړي وزیر عمران خان پر خویندو عليمه خان، عظمی خان او نورین نیازي نظربندي د ۳۰ نورو ورځو لپاره غځولې ده. د عمران خان دغه خویندې په تېر سپټمبر میاشت کې نیول شوې وې.
د اُردن امنیتي ځواکونو د کرک ولایت پر یوې کلیسا د وسلهوال برید په تړاو درې کسان تر نښتې وروسته په ټپي حالت کې نیولي دي. پر یادې کلیسا د تېرې جمعې په ورځ په برید کې لږ تر لږه ۹ کسان وژل شوي او شاوخوا ۴۰ نور ټپيان شوي وو.
د طالبانو له پېښو سره د مبارزې اداره وايي، په تلې میاشت کې د موسسو له لوري له ۱۰ زره او ۱۱۶ کورنیو سره د خوراکي او غیرخوراکي توکو او همداراز نغدو پیسو مرستې شوې دي. د ملګرو ملتونو د راپورونو لهمخې، په راروان ژمي کې به څه باندې ۱۹ میلیونه خلک د خوړو له شدیدې نا امنۍ سره مخ شي.
د طالبانو د کار او ټولنیزو چارو وزیر عبدالمنان عمري د کار عالي شورا اتمه نوبتي ناسته کې د بهرنیو وګړو پر ځای کورنیو کارګرو په ځانګړي ډول راستانه شویو کډوالو ته د لومړیتوب ورکولو غوښتنه کړې ده. دا غوښتنه په داسې حال کې ده، چې افغان ځوانان په هېواد کې د کار له نشتوالي شکایت لري.
رویټرز خبري اژانس د ایران له ملاتړه د برخمنو حوثي جنګیاليو په حواله لیکلي، چې د سعودي عربستان د خامو تېلو د لېږد پر تاسیساتو او د ریاض پر هوایي ډګر یې بریدونه کړي دي. تر اوسه د سعودي عربستان چارواکو د دغو بریدونو په اړه څه نهدي ویلي.
د کرېکټ د نړۍوالې شورا په تازه درجه بندۍ کې د افغانستان کرېکټ ملي لوبډله په یو ورځینو سیالیو کې له انګلستان څخه مخکې شوې او اووم مقام یې خپل کړی دی. افغانستان تر دې مخکې په اتم ځای کې وو.
د رویټرز خبري اژانس د راپور له مخې، ټاکل شوې، چې د سعودي عربستان، ترکیې او پاکستان لوړپوړي چارواکي نن (دوشنبه د لړم ۴مه) ایران ته لاړ شي او په تهران کې له ایراني چارواکو سره د سیمهییزې همغږۍ په اړه خبرې وکړي.
د افغانستان بانک لپاره د طالبانو لومړي مرستیال صدیقالله خالد په کابل کې په یوه کنفرانس کې وویل، چې د روان لمریز کال تر پایه به پر بانکي حسابونو ټول لګول شوي بندیرونه پایته ورسوي. تر دې مخکې په بانکونو کې حساب لرونکي د خپلو پیسو په رااېستلو کې له محدودیتونو سره مخ وو.
د برازیل انتخاباتي محکمې د ولسمشرۍ د ټاکنو په دویم پړاو کې د لوییس ایناسیو لولا دا سیلوا بریا تایید کړه. د کیناړخو دغه مشر د فلاویو بولسونارو په ماتولو سره، د څلورم ځل لپاره د برازیل ولسمشر شو، خو د رویټرز په وینا، له یوه محافظهکار کانګرس او اقتصادي فشارونو سره به مخ وي.
د هرات لپاره د طالبانو د رسنیو دفتر وايي، د دغه ولایت د صنعتي تولیداتو صادرات بهرنیو هېوادونو ته په تېره یوه میاشت کې ۹۷ سلنه زیات شوي دي. دغه دفتر زیاتوي، چې په دې موده کې د کرنې او مالدارۍ ۴۱ ډوله محصولات هم بهرنیو هېوادونو ته صادر شوي دي.
د امریکا ولسمشر ډونالډ ټرمپ یو ځل بیا د اسراییل د لومړي وزیر بنیامین نتنیاهو ملاتړ کړی او د دغه هېواد له خلکو یې غوښتي چې په ټاکنو کې هغه ته رایه ورکړي، څو د ایران د اسلامي جمهوریت پر ضد پیل شوي ګډ پوځي عملیات بشپړ کړي.
د پاکستان د انټرنېټي جرمونو د پلټنو ادارې څلور کسان د ماشومانو د جنسي ځورونې د ویډیوګانو د جوړولو، ګواښلو او د دغو ویډیوګانو په پاکستان او بهرنیو هېوادونو کې د پلورلو په تور نیولي دي. چارواکي وايي، دغه ډلې به له شپږو تر څوارلسو کلونو پورې عمر لرونکي ماشومان په نښه کول.
د ملګرو ملتونو د بشري مرستو د همغږۍ دفتر (اوچا) وايي، د ښځینه کارکوونکو پر فعالیتونو محدودیتونه او د مرستندویه فعالیتونو په چارو کې لاسوهنې په افغانستان کې اړمنو خلکو ته د بشري مرستو رسونه له خنډونو سره مخ کوي.