د مصر پارلمان د دوشنبې په ورځ ولسمشر عبدالفتاح السیسي ته اجازه ورکړه چې له سعودي عربستان سره د دفاع په برخه کې د مرستې لپاره «ټول اړین ګامونه» واخلي. دا پرېکړه ښايي قاهره د سعودي عربستان او د ایران د متحدو وسله والو ترمنځ شخړې ته په مستقیم ډول نوره هم ورنږدې کړي.
د ایران ولسمشر مسعود پزشکیان ویلي،چې له روسیې سره د تهران اړیکې مخ په پراخېدو دي. نوموړي له ولادیمیر پوتین سره د دوهاړخیزو همکاریو، انرژۍ او سوداګرۍ په اړه د خبرو اترو خبر ورکړی او دایران د ملي اسعارو له لارې یې د راکړې ورکړې پر پراختیا ټینګار کړی دی.
د طالبانو د عدلیې وزارت اعلان وکړ، چې د ماشومانو د اصلاح او روزنې د مرکزونو د لېږد رسمي چارې پیل شوې دي. دوی زیاتوي، چې په یاده برخه کې یوې تخنیکي کمېټې ته دنده وسپارل شوې چې د دغو مرکزونو اسناد، تشکیل او وسایط تثبیت کړي.
د پاکستان د ګمرک چارواکو افغانستان انټرنشنل ته وویل، چې د افغان سوداګرو د ترانزیټي کانتینرونو د لیلام بهیر درول شوی دی. د دغې ادارې یوه چارواکي عرفان جاوید ټینګار وکړ چې په بندرونو کې د توکو د ساتنې د مهلت په تړاو له سوداګرو سره خبرې اترې روانې دي.
د اکتوبر په درېیمه اونۍ کې د پاکستان د جنرالواکۍ تر سیوري لاندې مرکزي حکومت په پښتونخوا کې بېړنی حالت اعلان کړ. د بېړني حالت اعلان په پښتونخوا کې ایالتي اسمبلۍ وځنډوله او د عمران خان د ګوند « پاکستان تحریک انصاف» حکومت یې، چې د لومړي وزیر سهیل اپریدي په مشرۍ فعال و، ړنګ کړ.
د پاکستان د جماعت اسلامي پخواني مشر سراج الحق له افغانستان انټرنشنل سره په مرکه کې د پاکستان پر حکومت نیوکه کړې چې په افغانستان کې د عملیاتو پر ځای دې خپلې پولې کنټرول کړي. هغه دغه راز وویل، چې طالبانو له پاکستان سره هغه همکاري نه ده کړې چې تمه یې ترې کېده.
ازبکستان اعلان کړی چې د ۲۰۲۶ کال د نومبر له اوومې نېټې څخه به د ترمذ له لارې افغانستان ته پر تلونکو سوداګریزو توکو نوي او اضافي فیسونه ولګوي. دا نوې تعرفې د رېل پټلۍ او سړکونو پر دواړو لارو پلي کېږي او اندازه به یې د بار د بڼې او لارې له مخې ټاکل کېږي.
د طالبانو د عامې روغتیا وزیر نور جلال جلالي په کابل کې د ترکیې د میډیپول روغتونونو له پلاوي سره لیدلي دي. په دې کتنه کې ترکي پلاوي د یوه ځانګړي روغتون د جوړولو او د بیړني امبولانس خدمتونو د همکارۍ طرحې وړاندې کړې دي.
د فرانسې ولسمشر امانوېل مکرون د اعتراضونو په غبرګون کې ویلي چې حکومت به یې د لاریونوالو مشروع غوښتنو ته ځواب ووايي او د نویو اقداماتو اعلان به وکړي. نوموړي د نورو ناکراریو د احتمال یادونه هم کړې او د پخوانیو اعتراضونو له امله یې د اوښتو زیانونو ارزونه کړې ده.
د پخواني جنرال سمیع سادات په مشرۍ متحدې جبهې ادعا کړې چې په زابل، غزني او پروان ولایتونو کې یې پر طالبانو هدفي بریدونه کړي دي. د دغې جبهې د خبرپاڼې له مخې، په کلات ښار کې د یو غلچکي برید او په مقر ولسوالۍ کې د لاسي بم د چاودنې په پایله کې دوه طالبان وژل شوي دي.
د ازبکستان د احصایې کمېټې اعلان کړی، چې د ۲۰۲۶ کال په لومړیو نهو میاشتو کې تر ۳۵۷ زرو ډېرو بهرنیو وګړو د سوداګرۍ لپاره دغه هېواد ته سفر کړی دی. په دې موده کې تر ۳۲۳ زرو ډېر افغانان ازبکستان ته تللي، چې د نورو هېوادونو په پرتله لومړی مقام لري.
د امریکا په ویرجینا کې پر افغان سینماګر او د کابل پوهنتون پر پخواني استاد عزیز دلدار برید شوی او یوه روغتون ته لېږدول شوی او اوس بستر دی. د دلدار د کورنۍ یوه غړي افغانستان انټرنشنل ته دا پېښه تایید کړه او ویی ویل، چې د نوموړي روغتیایي حالت اوس«ښه» دی.
په پلازمېنه کابل کې د څښاک اوبو د کمښت ناورین له پراختیا سره هممهاله، طالبانو له شاه او عروس بند څخه کابل ته د څښاک اوبو د لېږد تړون لاسلیک کړی. د طالب چارواکو په وینا، دا پروژه به تر راتلونکو دریو کلونو بشپړه شي او ۵۰ زرو کسانو ته به اوبه ورسوي.
د ایران د بهرنیو چارو وزارت ویاند ویلي، چې تهران به نن د سعودي د دفاع د وزیر، د پاکستان د لوی درستیز او د ترکیې د استخباراتو د رییس کوربه وي. دوی به د ایران له ولسمشر او د ملي امنیت شورا سکرتر سره پر سیمه ییزو مسایلو بحثونه او خبرې ولري.
د پاکستان د بهرنیو چارو وزارت په افغانستان کې د خپلو بریدونو پر مهال د ملکي تلفاتو راپورونه رد کړل او ادعا یې وکړه، چې په ۲۰۲۶ کال کې له افغان خاورې په پاکستان کې د شویو بریدونو له امله شاوخوا ۳۵۰۰ کسانو ته مرګ ژوبله اوښتې ده.
امریکایان به د نومبر په درېیمه په منځمهاله ټاکنو کې ګډون وکړي، څو د ولسي جرګې، مشرانو جرګې او د یو شمېر ایالتونو د حکومتونو جوړښت وټاکي. دا ټاکنې ښايي په کانګرس کې د جمهوريغوښتونکو اکثریت پای ته ورسوي او د ډونالډ ټرمپ د ولسمشرۍ د وروستیو دوو کلونو لپاره د واک توازن بدل کړي.
په داسې حال کې، چې د طالبانو تر واک لاندې د دولتي ادارو کارکوونکي د معاشونو له ځنډیدو شکایت لري، د طالبانو مالیې وزارت دغه ځنډ رد کړی او «ناسمه اوازه» یې ګڼلې ده. دغه وزارت د معاشونو د ورکولو ځانګړې نېټه نه ده ښودلې، خو ډاډ یې ورکړی، چې د کارکوونکو معاشونه به له ځنډ پرته ورکړي.
د طالبانو د نیمروز ولایت چارواکي وايي، له ایران سره پر ګډه پوله د ورېښمو پله، زرنج ټرانسپورټي بندر خدمات ۲۴ ساعته شوي دي. د یادو چارواکو په وینا، له دې وروسته به مسافروړونکي او باروړونکي موټر د سوداګریزو توکو د لېږد رالېږد د چټکتیا او اسانتیاوو لپاره شپه او ورځ تګ راتګ کوي.
د ۲۰۰۱ کال د اکتوبر پر ۲۶مه عبدالحق په داسې حال کې چې په اس سپور و، د لوګر په ازره کې د طالبانو له محاصرې د وتلو هڅه کوله. په غوږیزي کلي کې شاوخوا طالبانو مورچې نیولې وې. له ده سره یوازې څو تنو ملتیا کوله او امریکايي چورلکې د مرستې لپاره په وخت ور ونه رسېدې.
د طالبانو د چاپېریال ساتنې ادارې د مشر مطیع الحق خالص په مشرۍ یو پلاوی د چاپیریالي زده کړو په نړۍوال کنفرانس کې د ګډون په موخه مالیزیا ته لاړ. دغه دوه ورځنی کنفرانس سبا د سراوک ایالت په کوچینګ ښار کې پیلېږي.
په کویت کې د طالبانو د سفارت سر پرست محمد شفیق خطیب د دغه هېواد د مالیې له وزیر ډاکټر سید یعقوب السید یوسف هاشم الرفاعي سره په کتنه کې د دوه اړخیزو اقتصادي او سوداګریزو اړیکو پر پراختیا غږیدلی دی.