د ملګرو ملتونو سرمنشي انتونیو ګوترېش په اشغال شوې لوېدیځه غاړه کې د اسراییل د اقداماتو په اړه ژوره اندېښنه ښودلې او ویلي یې دي چې په سیمه کې د فلسطینیانو د توکمیزې تصفیې ګواښ ورځ تر بلې زیاتېږي.
د عوامي نشنل ګوند مخکښ غړي او د پښتونخوا ایالت پخواني اعلی وزیر امیر حیدر خان هوتي ویلي، چې د والي واکمنۍ له اعلان سره هم په خېبر پښتونخوا کې سیاسي ثبات نه دی راغلی او د سیاسي کړکېچ د پای ته رسولو لپاره خبرو اترو ته اړتیا ده.
د بلجیم په انتورپن ښار کې د انساني قاچاق د یوې لویې شبکې د غړیتوب په تور د ۳۱ افغان نارینهوو محاکمه پیل شوې ده. د بلجیم څارنوالۍ وايي، د دغې شبکې غړو هغه کډوال وهل، ټکول او زنداني کول چې د قاچاق پیسې یې پر وخت نه شوای ورکولای. یو شمېر قربانیانو د جنسي تېري ادعاوې هم کړې دي.
د یوناما د بشري حقونو مرستیال جیانلوکا سیګا باتل بامیان ته د سفر پر مهال د طالبانو له والي ګلحیدر شفق سره لیدلي او د بشري حقونو د خوندیتوب په اړه یې خبرې کړې دي. طالب والي په دې لیدنه کې ادعا کړې، چې د دوی په زندان کې له نارینه او ښځینهوو بندیانو سره ښه چلند کېږي.
د طالبانو ویاند ذبیح الله مجاهد په کندهار کې د یوې فرهنګي غونډې پر مهال له شاعرانو غوښتي، چې لومړی خپل ځانونه او بیا ټولنه «اصلاح» کړي. هغه دا هم ویلي، چې له لویو مسوولیتونو سره- سره انسانان باید شعر، ادب او فرهنګ ته هم وخت ورکړي.
د ترکیې پولیس وايي، د دغه هېواد په مانیسا ولایت کې یې په یوه مسافر وړونکي بس کې ۵۵ افغان پناهغوښتونکي نیولي، چې له ډلې یې ۱۶ماشومان دي. پولیسو د دوشنبې په ورځ ویلي، چې د نیول شویو پناهغوښتونکو د اداري چارو تر بشپړېدو وروسته یې د بهرنیو وګړو د چارو ادارې ته سپارلي دي.
د پاکستان په کراچۍ ښار کې د دوو ورځو په ترڅ کې د پولیسو په جلا جلا نښتو کې د لسو شکمنو کسانو وژل کېدو د پولیسو د عملیاتو او قانون د پلي کېدو په اړه اندېښنې راپورته کړي. اوسېدونکي وايي، د پولیسو په عملیاتو کې د شکمنو کسانو پرلهپسې وژل کېدل د خپلواکو او باوري پلټنو اړتیا زیاتوي.
د یمن د پوځ ویاند ماجد النزیلي ویلي، چې د دغه هېواد ځواکونو په تېرو ۲۴ ساعتونو کې په بېلابېلو جګړهییزو جبهو کې د ایران له ملاتړ څخه د برخمنو حوثیانو پر مرکزونو ۱۲۷۶ بریدونه ترسره کړي دي.
د طالبانو د ریاست الوزرا اقتصادي معاونیت ویلي، چې هېواد ته ستنو شویو افغانانو د ستونزو او لومړیتوبونو نوملړ یې د نړیوالو مرستندویانو له استازو سره شریک کړی. دوی وایي، سرپناه، زده کړې، روغتیایي خدمتونه، کاري فرصتونه او بشري مرستې د دغه نوملړ مهمې برخې دي.
د پښتونخوا ایالت د پېښور ښار پولیسو د نومبر له لومړۍ نېټې څخه د افغان کډوالو د نیولو او بېرته افغانستان ته د ستنولو د احتمالي عملیاتو لپاره ۱۲۰ امنیتي ډلې جوړې کړې دي. د پولیسو د سرچینو په وینا، ښار په پنځو برخو وېشل شوی او د عملیاتو لپاره چمتووالی نیول شوی دی.
د افغانستان د پنځلس کلنو کم عمره فوټبال ملي لوبډلې د اذربایجان په کوربهتوب، د فیفا په نړۍوال فیستیوال کې خپله درېیمه لوبه له سوډان هېواد څخه د یو پر درې ګولونو په توپیر وګټله. له دې څخه وړاندې افغانستان له سیرالیون او جیبوتي هیوادونو څخه هم لوبې ګټلې وې.
سرچینې وايي، د بدخشان د شغنان ولسوالۍ د طالب استخباراتو هغه چارواکی له بنده خوشې شوی، چې تېره اوونۍ په کابل کې د نامشروع اړیکو په تور نیول شوی و. دغه طالب چارواکی د تلې په ۲۸مه له یوې ښځې سره یو ځای نیول شوی او د پلټنو لپاره د کابل د لسمې امنیتي حوزې دفتر ته لېږدول شوی و.
د طالبانو د چارو ادارې مشر شېخ نورالحق انور رسنۍ د دوی د واکمنۍ په ملاتړ او د مخالفانو پر وړاندې په مقابلې« مسوولې» ګڼلې دي. دغه طالب مقام، د دوی له تر واک لاندې رسنیو دا هم وغوښتل، چې ځانونه پياوړي او بهرنیو رسنیو ته د افغانانو اړتیا له منځه یوسي.
بلومبرګ وايي، امریکا پلان لري چې په راتلونکو اونیو کې یو شمېر افغانان، په ځانګړي ډول د هغو افغانانو کورنۍ، چې له امریکايي پوځ سره یې کار کړی، پاکستان ته واستوي. د کډوالۍ په توقیفخونو کې ځینو افغانانو ته د شړلو د پلان خبر ورکړل شوی خو د الوتنې رسمي اعلان لا نه دی شوی.
د ترکیې پولیسو د دوشنبې په ورځ اعلان وکړ چې د مانیسا ولایت په یوه مسافر وړونکي بس کې یې ۵۵ افغان کډوال نیولي دي، چې ۱۶ یې ماشومان دي. د پولیسو په وینا، د اداري چارو تر بشپړېدو وروسته نیول شوي کډوال د اړوند ښار د بهرنیو وګړو چارو ادارې ته سپارل شوي دي.
ایا نړیوال شریکان او ګاونډیان لکه هند، پاکستان، چین، امریکا، روسیه، ایران او د منځنۍ اسیا هېوادونه د ټاکل شویو حکومتونو پر وړاندې کودتاوې او د غیردولتي ډلو له خوا د واک غیرقانوني نیول منلی شي؟ که نه، نو افغانان ولې داسې واکمني ومني چې نه یې ټاکلې او نه یې تایید کړې ده؟
د متحده عربي اماراتو د مرستو ادارې له ملګرو ملتونو سره د درې میلیونه ډالرو تړون لاسلیک کړی، چې له مخې به یې په کابل، هرات او کندوز کې د ۲۹۵۰ افغان راستنېدونکو لپاره کورونه جوړ شي.
د لبنان ایران پلوه وسلهواله ډله له تېرو دریو میاشتو راهیسې له اسراییل سره د احتمالي بیا پیل کېدونکو نښتو لپاره چمتووالی نیسي. د لبنان د امنیتي چارواکو په وینا، یادې ډلې په دې موده کې له ایران څخه پام وړ مالي مرسته ترلاسه کړې ده.
د مصر پارلمان د دوشنبې په ورځ ولسمشر عبدالفتاح السیسي ته اجازه ورکړه چې له سعودي عربستان سره د دفاع په برخه کې د مرستې لپاره «ټول اړین ګامونه» واخلي. دا پرېکړه ښايي قاهره د سعودي عربستان او د ایران د متحدو وسله والو ترمنځ شخړې ته په مستقیم ډول نوره هم ورنږدې کړي.
د ایران ولسمشر مسعود پزشکیان ویلي،چې له روسیې سره د تهران اړیکې مخ په پراخېدو دي. نوموړي له ولادیمیر پوتین سره د دوهاړخیزو همکاریو، انرژۍ او سوداګرۍ په اړه د خبرو اترو خبر ورکړی او دایران د ملي اسعارو له لارې یې د راکړې ورکړې پر پراختیا ټینګار کړی دی.
د طالبانو د عدلیې وزارت اعلان وکړ، چې د ماشومانو د اصلاح او روزنې د مرکزونو د لېږد رسمي چارې پیل شوې دي. دوی زیاتوي، چې په یاده برخه کې یوې تخنیکي کمېټې ته دنده وسپارل شوې چې د دغو مرکزونو اسناد، تشکیل او وسایط تثبیت کړي.