د افغانستان د بشري حقونو څار بنسټ یو ځل بیا پر طالبانو غږ کړی چې په افغانستان کې دې د شپږم ټولګي څخه پورته د نجونو پر مخ د ښوونځیو دروازې بېرته پرانیزي او د نجونو د زدهکړو روان بندیز دې پای ته ورسوي.
د هرات یو شمېر ښځو افغانستان انټرنشنل ته ویلي، د طالبانو له لوري د ښځو د پوښښ په اړه د محدودیتونو له سختېدو وروسته یې ورځنی ژوند له جدي ستونزو سره مخ شوی او د نیول کېدو وېرې ښځې کورونو کې بند پاتې کېدو ته اړ ایستلي، بازارونه تش شوي او ان له بشپړ حجاب سره هم ځان خوندي نه احساسوي.
د طالبانو له بیا واکمنېدو راهیسې د طالب چارواکو په وینا، ۸ میلیونونه افغان کډوال د سیمې او په ځانګړې توګه له پاکستان او ایران څخه بېرته افغانستان ته استول شوي دي. خو طالبانو په دې موده کې یوازې پر څه باندې ۶۵ زره کورنیو د استوګنې نمرې وېشلي چې، د راستنېدونکو پر تله خورا کمې دي.
افغانستان انټرنشنل - پښتو ته سرچینو تایید کړې چې په خوست ولایت کې د طالبانو استبخاراتو ریاست د پښتون ژغورنې غورځنګ یو فعال غړی احسان سادات نیولی دی. سادات تر دې وړاندې هم څو ځله طالبانو زنداني کړی دی.
د طالبانو له پېښو سره د مبارزې چمتووالي ادارې مشر له یو شمېر مرستندویه بنسټونو سره د همغږۍ په غونډه کې د یادو بنسټونو له استازو وغوښتل چې له خپلو شته امکاناتو په ګټې اخیستنې مرستې ژر تر ژره زیانمنو ته ورسوي، ځکه په افغانستان کې د «النینیو» نښې څرګندې شوې دي.
د ملګرو ملتونو د ښوونې، علمي او فرهنګي سازمان (یونسکو) اعلان کړی چې د چین پلازمېنه بیجینګ د ۲۰۲۹ کال لپاره د نړۍ د معمارۍ د پلازمېنې په توګه ټاکل شوې دی.
طالبانو ویلي، د تېرې ورځې په ترڅ کې ۳۸۰ کورنۍ چې ټولټال ۲ زره او ۳۰ تنه کېږي له پاکستان او ایران څخه د افغانستان له بېلابېلو لارو هېواد ته راستانه شوې دي.
د پخواني پوځ د یوه لوړ پوړي جنرال سمېع سادات تر مشرۍ لاندې متحدې جبهې خبر ورکړی چې په کندهار کې یې دوه طالب وسلهوال وژلي دي. د خبرپاڼې له مخې، د طالبانو د استخباراتو یو غړی په سپین بولدک او بل غړی یې د کندهار ښار په ۱۵مه ناحیه کې د جنګیالیو له لوري په نښه شوی دی.
د طالبانو د ریاستالوزرا د مصوبې لهمخې په هلمند کې هر معلول یا ټپي طالب ته د استوګنې یوه نمره ورکول کېږي. طالبانو له تېرو پنځو کلونو راهیسې خپلو جنګیالیو ته له هېڅ راز امتیاز ورکړې ډډه نهده کړې او ان د کارپوه دولتي مامورینو پر ځای یې هم ګمارلي دي.
د طالبانو مخالفې ډلې، ازادۍ جبهې ویلي چې د دغې جبهې ځواکونو د چهارشنبې په ورځ، د ۱۴۰۵ کال د زمري په ۱۴مه د بدخشان ولایت د زېباک په ولسوالۍ کې یې د دوی پر قرارګاوو د طالبانو وسلهوال برید پر شا تمبولی او د پنځو طالبانو د وژلو سربېره یې ۱۱ نور ټپیان کړي دي.
د طالبانو د زابل امنیه قوماندانۍ ویلي چې د دغه ولایت په مرکز کلات او یو شمېر ولسوالیو کې د عملیاتو پر مهال کشف شوي ۹ زره او ۴۷۶ کیلوګرامه «اومان» یې له منځه وړي دي.
د امریکا د مرکزي استخباراتو ادارې (سي اې ای) پخوانۍ ماموري سارا اډمز ادعا کړې چې په دې وروستیو کې د طالبانو د استخباراتي او تبلیغاتي شبکې یوه برخه، چې د طالبانو استخباراتو ریاست تر مدیریت لاندې فعالیت کوي، خپلې هڅې لا پراخې کړې دي.
د بریتانیا حکومت د بهرنیو او پرمختیايي چارو وزارت د ۲۰۲۷ کال لپاره د بریتانیا د چیونینګ تعلیمي بورسیو له نوملړ څخه افغانستان حذف کړی. بریتانیا هر کال د نړۍ له بېلابېلو هېوادونو مستعدو کسانو ته د لوړو زدهکړو زمینه برابروي، څو له زده کړو وروسته په خپلو ټولنو کې مثبت بدلون راولي.
د اسراییل لومړي وزیر بنیامین نتنیاهو ویلي، که د امریکا او ایران ترمنځ هوکړه وشي او که ونه شي، اسراییل به د ایران د اټومي پروګرام پر وړاندې خپلو اقداماتو ته دوام ورکړي او د خپل امنیت او راتلونکي د خوندي کولو لپاره به هر اړین ګام پورته کړي.
د خوړو نړیوال پروګرام( ډبلیو ایف پي) خبرداری ورکړی چې د بودیجې د کمښت له امله په افغانستان کې د ماشومانو د خوارځواکۍ وضعیت مخ پر خرابېدو دی او د ژغورونکو خوراکي پروګرامونو محدودېدل ښايي په راتلونکو میاشتو کې زرګونه ماشومان له جدي ګواښ سره مخ کړي.
د افغانستان د فوټسال ملي لوبډلې د ۲۰۲۶ کال د تایلنډ د کانټیننټل فوټسال نړیوالو سیالیو په درېیمه لوبه کې د نړۍ د درجهبندۍ له اووم مقام لرونکې روسیې سره ۳ – ۳ مساوي وکړه.
د ازادۍ جبهې د سیاسي کمېټې مسوول داوود ناجي یو ځل بیا له طالبانو سره پر مبارزې ټینګار کړی دی. هغه ویلي، هر هغه څه چې له طالبانو سره د مبارزې تمرکز بل لوري ته اړوي، په ناخبره توګه د طالبانو په ژرنده کې د اوبو اچول دي.
د طالبانو د سرحدي پولیسو ریاست وایي، په حیرتان بندر کې یې د څه باندې ۱،۱ میلیون ډالرو په ارزښت د بهرنیو اسعارو د قاچاق مخه نیولې ده. د یاد ریاست په وینا، دغه اسعار د یوه مسافروړونکي موټر په بدنه کې په ماهرانه ډول ځای پر ځای شوي وو.
د بنګله دېش پخوانۍ لومړۍ وزیرې شیخ حسینې له واکه د لرې کېدو د دویمې کلیزې په مناسبت د رسنیو یوې غونډې ته په غږیز پیغام کې د خپل ګوند «عوامي لیګ» د بندیز د لرې کېدو غوښتنه کړې او ویلي دي چې د روان کال په ډسمبر میاشت کې به خپل هېواد ته ستنه شي.
د کابل د «امید سبز» ښارګوټي څښتن محمدنبي خلیلي له طالبانو غوښتي چې د ښارګوټي د ضبط او تخلیې پرېکړه له سره وارزوي. هغه وایي، ښارګوټی د شرعي قبالو، د ملکیت د رسمي اسنادو او قانوني جوازونو پر بنسټ جوړ شوی او ټینګار کوي چې دوسیه یې باید په بې طرفه او عادلانه توګه وڅېړل شي.
د ملګرو ملتونو د خوړو او کرنې سازمان خبرداری ورکړی، چې د ایران او اوکراین جګړې او د اقلیم بدلون به د لګښتونو د زیاتوالي او د غلو دانو د حاصلاتو د کمېدو لامل شي. یاد سازمان ویلي چې نړۍ د خوړو د نوي انفلسیون له څپې سره مخ ده.