آرشیف

طالبانو په کابل او بامیان ولایتونو کې ۱۸ کسان د غلا، الکولي مشروباتو، شیشې او نشه‌یي تابلیتونو د پلور او قاچاق په تور په عام محضر کې په دُرو ووهل.

اروپايي ټولنه وايي، چې په افغانستان کې یې له شخړو سره همهاله د بېلابېلو توکو یوه چوپه د یوې الوتنې له لارې کابل ته لېږدولې ده. د یادې ټولنې په وینا، د اغیزمنو افغانانو د ملاتړ لپاره یې په ۲۰۲۵ کال کې د ۱۶۰ میلیون یورو بشري مرستې کړې دي.

د سولې، امنیت او د ښځو د وضعیت په تړاو د جورج‌ټاون انسټیټوټ ۱۸۱ هېوادونه ارزولي چې افغانستان د ښځو پر وړاندې د تر ټولو کمزوري وضعیت له امله یو ځل بیا د ۱۸۱م مقام په ترلاسه کولو سره د لېست په پای کې راغلی.

د پاکستان د اطلاعاتو او خپرونو وزیر عطاالله تارړ د سې‌شنبې په ورځ تایید کړه، چې طالبانو د بلوچستان په شمال کې ۴۱ او په خیبر پښتونخوا کې په ۱۲ ځایونو بریدونه کړي دي. د هغه په وینا؛ په دغه بریدونو کې ټول‌ټال ۶۷ طالبان وژل شوي دي.

ملګرو ملتونو ويلي، اروپايي ټولنې د يونېسف په همکارۍ افغانستان ته د ژوند ژغورنې تغذيوي توکي لېږلي چې له مخې به يې ۲۰زره سخت خوارځواکه ماشومان تر درملنې لاندې ونيول شي.

د اسراییل پوځ د سې‌شنبې په ورځ (د کب ۱۲مه) ویلي، چې په بیروت کې یې د حزب‌الله د استخباراتو د مرکزي دفتر، د وسلو ډیپوګانو او مخابراتي زېربناوو په وړاندې د بریدونو یوه څپه بشپړه کړې ده.

د طالبانو مرستیال ویاند حمدالله فطرت وايي، د ملګرو ملتونو امنیت شورا خپل اغېز او اعتبار له لاسه ورکړی او د افغانستان په تړاو مناسب دریځ نه‌لري؛ نو له همدې امله تمه هم ترې نه‌شي کېدای.

په افغانستان کې د ملګرو ملتونو سیاسي استازولۍ (یوناما) په یوه راپور کې ویلي، چې د طالبانو او پاکستان ترمنځ په پنځه ورځنۍ جګړه کې په افغانستان کې ۴۲ کسان وژل شوي او ۱۰۴ نور ټپيان شوي دي. یوناما ویلي، چې د همدې جګړې له کبله ۱۶زره کورنۍ بې‌ځایه شوې دي.

د طالبانو د کورنیو چارو وزارت د سې‌شنبې په ورځ ویلي، په ۴ ولایتونو کې یې د غلا په تور ۱۸ کسان نیولي چې دا مهال ورڅخه پوښتنې ګروېږنې روانې دي. یاد وزارت زیاته کړې، چې دغه کسان یې د بېلابېلو عملیاتو پرمهال نیولي دي.

په نیمروز کې د طالبانو د ګمرک مسوولین وايي، چې په دغه ولایت کې له ګمرکي‌تصفیې پرته د ۲ ټنو او ۲۰۰ کیلو ګرامه انساني درملو او نورو توکو د قاچاق مخه نیول شوې. د دوی په وینا؛ یوشمېر کسانو یاد درمل له پاکستان نه نیمروز ولایت ته قاچاق کول.

د پاکستان د پنجاب ایالت په راولپنډۍ ښار کې پاکستاني پولیسو د افغان کډوالو پر وړاندې عملیات پراخ کړي دي. د پاکستان د امنیتي ادارو په وینا؛ د دغه هېواد حکومت لارښوونه کړې، حتی هغه افغانان چې قانوني ویزې لري، باید ونیول شي او د کډوالو په لنډمهاله مرکز کې ځای پرځای شي.

د طالبانو له پېښو سره د مبارزې چمتووالي ادارې رييس نورالدین ترابي د سولیډریټي انټرنشنل موسسې له رييسې مرچولن کترن باس سره په کتنه کې وویل، په کابل کې زیات کډوال مېشت دي او لا هم مرستو او په ځانګړي ډول نغدو پیسو ته اړتیا لري.

کابل کې د ترکیې شارژدافیر سادین اییلدیز وايي، د چاپېریال ساتنې برخه کې نړۍوال د افغانستان پوروړي دي، ځکه افغانستان د اقلیمي بدلون له ناوړه اغېزو څخه ډېر زیانمن دی. دا په داسې حال کې ده، چې د طالبانو له بیا واکمنېدو وروسته د چاپېریال ساتنې اړوندې نړۍوالې پروژې په ټپه درېدلي دي.

د «طالبانو بېرته راستنېدل» کتاب لیکوال او نامتو څېړونکی ډاکټر حسن عباس باور لري، چې د طالبانو او اسلام‌اباد ترمنځ جګړه کولای شي د پاکستان سرچینې کمې کړي، پانګوال ووېروي، داخلي درزونه ژور کړي او په پایله کې پاکستان ته زیان ورسوي.

له اسلام‌اباده خپرېدونکې ډان ورځپاڼې د پاکستان د يوه لوړپوړي امنيتي چارواکي له قوله ليکلي، چې هېواد یې د «غضب‌للحق» عملياتو د پای ته رسولو لپاره بېړه نه‌لري او په افغانستان کې دننه د وسله‌والو پر پټنځايونو خپلو بريدونو ته به دوام ورکړي.

د اتلانتیک شورا لوړپوړی څېړونکی مایکل کوګلمن وايي، د ایران د جګړې له پیلېدو سره په منځني ختیځ کې د نښتو پراخېدل د اسلام‌اباد او طالبانو په تاوان تمامېدای شي، د هغوی اختلافات نور هم ژور کولی شي او د سیمې ثبات ته پراخ ګواښونه پېښوي.

په کابل کې د روسیې سفارت وايي، چې پاول دمچنکو هغه روسي وګړی چې په افغانستان کې د طالبانو له‌خوا نیول شوی و، خوشې شوی دی. د روسیې د دولتي خبري اژانس «ټاس» په حواله، دمچنکو په ننګرهار کې د جاسوسۍ په تور نیول شوی و او بیا کابل ته لېږدول شوی و.

د هند دفاع وزیر راجنات سینګ وايي، د پاکستان پر ضد د هند «سندور» عملیات لا هم نه‌دي درول شوي او همداراز یې پاکستان ته خبرداری ورکړی، که دغه هېواد د هند پر وړاندې له خپلو ناسمو چلندونو لاس وانخلي، دا ځل به داسې ځواب ورکړي چې نړۍ به یې ننداره کوي.

د افغانستان او پاکستان د واکمنو اړیکې د وروستیو لسیزو تر ټولو خطرناک پړاو ته رسېدلې دي. دواړه لوري له ۲۰۲۶ کال راهیسې په هغه پوځي کړکېچ کې ښکېل دي چې پاکستان یې «پرانیستی جنګ» بولي او طالبان یې «ځوابي عملیات» ګڼي.

د امرالله صالح په مشرۍ زرغون بهیر وايي، چې پاکستان د طالبانو پر وړاندې څو اړخیزه تګلاره تعقیبوي او د دې ډلې له مخالفو ځواکونو سره د طالبانو د حاکمیت تر سقوط وروسته دورې د ترتیباتو په اړه مشورې کوي.

د طالبانو ویاند مرستیال وايي، چې د طالبانو د ریاست الوزرا رییس دفتر ملا عبدالواسع د افغانستان لپاره د بریتانیا ځانګړي استازي سره انلاین ناسته کړې ده. ریچرډ لینډزي ویلي چې «جنګ د حل لاره نه ده، نو ښه به وي چې منځګړي هیوادونه لاس په کار او ستونزې د خبرو له لارې حل شي.»