هرات کې د طالبانو د اطلاعاتو او فرهنګ رییس عتیقالله عزیزي وايي، د کوترو د تاریخي کوټنیو د خوندي کولو، ساتنې، ترمیم او بیارغونې لپاره له همکارو ادارو سره خبرې کوي. نوموړي زیاته کړې، دغه تاریخي کوټنۍ د کرنې او مرغانو د ساتنې په برخه کې د پخوانیو نسلونو پوهه، هنر او نوښت څرګندوي.
د طالبانو د عامې روغتیا وزارت د روغتیايي خدمتونو وړاندې کولو مرستیال عبدالولي حقاني وايي، تېرکال په افغانستان کې دوه مېلیونه، ۲۰۸زره او ۴۴ کسانو د رواني روغتیا اړوند خدمتونه ترلاسه کړي دي.
د فرانسې د کورنیو چارو وزارت اعلان کړی، چې د شنبې په ورځ (د تلې ۲۵مه) په دغه هېواد کې تر پراخو لاریونونو وروسته شاوخوا ۲۴۰۰ کسان نیول شوي دي. دغه لاریونونه چې په سلګونه زره کسانو پهکې برخه اخیستې وه، په یوشمېر ښارونو کې د نښتو، اورلګېدنې او د هټیو د لوټلو لامل شوې دي.
د طالبانو تر واک لاندې د سوداګرۍ او پانګونې خونې خبر ورکړی، چې افغان سوداګرو او پانګهوالو د اندونیزیا د سوداګرۍ او صنایعو خونې او د بهرنیو چارو وزارت له استازو سره په لیدنه کې غوښتنه کړې، چې د کانونو، کرنې، برېښنا او انرژۍ، صنعت او نورو تولیدي سکتورونو کې پانګونه پراخه کړي.
د روغتیا نړۍوال سازمان (WHO) وایي، چې د اېټالیا حکومت په مالي ملاتړ یې په ننګرهار او لغمان ولایتونو کې تر ۶۸زره ډېرو کسانو ته لومړني روغتیايي خدمتونه وړاندې کړي دي.
د ملګرو ملتونو د کډوالو عالي کمېشنرۍ په خپل نوي اوونیز راپور کې ویلي، چې د ۲۰۲۶کال د اکتوبر له ۱۱مې تر ۱۷مې نېټې پورې له پاکستان، ایران او تاجکستان نه د ښځو او ماشومانو په ګډون لږ تر لږه ۶۰۰ افغان کډوال هېواد ته ستانه شوي دي.
د پاکستان د بهرنیو چارو وزارت وایي، د دغه هېواد د لومړي وزیر مرستیال او د بهرنیو چارو وزیر اسحاق ډار د ایران د بهرنیو چارو له وزیر عباس عراقچي سره په ټیلیفوني خبرو کې د سیمهییزو ننګونو حل لپاره د خبرو اترو او ډیپلوماټیکو هڅو پر دوام ټینګار کړی دی.
د ازبکستان رسنیو راپور ورکړی، چې د امریکا او د منځنۍ اسیا پنځو هېوادونو (C5+1) د بهرنیو چارو وزیرانو غونډه به د دوشنبې په ورځ (د تلې ۲۷مه) د ازبکستان په سمرقند ښار کې ترسره شي.
په بامیان کې د طالبانو د شهیدانو او معلولینو چارو ریاست وایي، د روان کال په لومړیو شپږو میاشتو کې یې یتیمانو، بېوزله ښځو او معلولیت لرونکو کسانو ته نږدې ۸۰ مېلیونه افغانۍ مرسته وېشلې ده.
د دوغارون سرحدي ترمینل مشر محسن رکني وايي، چې دوغارون بندر د دواړو هېوادونو د سوداګرۍ له اصلي لارو ګڼل کېږي. نوموړي زیاته کړې، چې د روان کال په لومړۍ نیمايي کې له دې لارې افغانستان ته ۷۰ سلنه صادرات شوي دي.
د پاکستان او افغانستان ترمنځ د سوداګریزو لارو د تړل کېدو له امله د دواړو هېوادونو ترمنځ سوداګري په بېساري ډول کمه شوې او د پاکستان د ټرانسپورټ، درملو او کرنیزو محصولاتو پر سکټورونو یې منفي اغېز کړی دی.
د کډوالۍ نړۍوال سازمان (IOM) په خپل تازه راپور کې ویلي، چې د ۲۰۲۶کال د سپټمبر له ۲۷مې د اکتوبر تر ۱۰مې پورې ۹۹زره او ۷۶۹ کسان افغانستان ته ستانه شوي او ۳۹زره او ۵۴۰ نور له دغه هېواده وتلي دي.
د هرات یو اوسېدونکی چې په اونۍ کې دوه ځلې اسلامکلا پولې ته تګراتګ کوي وایي، پر لار د هر موټر څخه د تګ پرمهال ۸۰ افغانۍ او د بېرته ستنېدو پرمهال هم ۸۰ افغانۍ اخیستل کېږي. نوموړي پوښتنه کړې، چې دغه قراردادونه له چا سره شوي او راټولې شوې پیسې چېرته ځي.
یوشمېر بهرني سېلانیان او د خواله رسنۍ چلوونکي افغانستان ته په سفر له وسلهوالو طالبانو سره تصویرونه کاږي او په خواله رسنۍ کې له سېلانیانو سره د یادې ډلې د مثبت چلند ویډیوګانې خپروي، چې له دې سره د طالبانو مثبت انځور وړاندې کوي.
د اسیا په بازارونو کې د تېلو بیې د راکړې ورکړې په لومړیو ساعتونو کې وروسته له هغه راټیټې شوې، چې د امریکا ولسمشر ډونالډ ټرمپ د روسیې پر وړاندې د نویو بندیزونو او د تعرفو لګولو بهیر وځنډاوه.
د ازبکستان چارواکو او په افغانستان کې د یونېسف استازي د دغه هېواد د درملو برابرولو په اړه خبرې کړې دي. دغه خبرې داسې مهال شوې، چې له پاکستان سره د سوداګریزو لارو تر تړل کېدو او د پاکستاني درملو پر واردولو تر بندیز وروسته په افغانستان کې ځینې درمل کم شوي او بیې یې هم لوړې شوې دي.
د ایران د لارو او ښار جوړونې وزیرې فرزانه صادق د قزاقستان په پلازمېنه استانه کې د ټرانسافغان دهلېز غونډه کې له هرات نه د ازبکستان تر ترمذ پولې پورې د اوسپنې پټلۍ د غځولو غوښتنه وکړه.
د افغانستان د بدن ښکلا فدراسیون په نړۍوالو سیالیو کې د پنځو لوبغاړو د ګډون خبر ورکړی، چې ټاکل شوې په راتلونکې میاشتې کې د لاووس په پلازمېنه وینټیان کې ترسره شي.
والسټریټ ژورنال راپور ورکړی، چې د روسیې ولسمشر خپلو امریکایي او چینایي سیالانو ته، د اوکراین جګړې د پای لپاره د یوې درې اړخیزې غونډې وړاندیز کړی دی. په دغه طرحه کې د اوکراین ولسمشر او اروپايي هېوادونو ته د ګډون بلنه نه ده ورکړل شوې.
پر سعودي عربستان د ایران له ملاتړه برخمنو حوثیانو د بریدونو د دوام په ترڅ کې مصر د یکشنبې په ورځ اعلان وکړ، چې د سعودي عربستان د امنیت او ثبات د دفاع لپاره هر ډول اړین ملاتړ برابرولو ته چمتو دی.
د اسراییل لومړي وزیر بنیامین نتنیاهو ویلي، له ایران سره د روسیې همکاري د اسراییل له ګټو سره په بشپړ ډول په ټکر کې ده او د مسکو له لوري د تهران ملاتړ د اسراییل لپاره د اندېښنې وړ دی.