افغان لامبوزن چې د نړۍ د پوهنتونونو په سیالیو کې د ګډون لپاره د طالبانو د لوړو زدهکړو وزارت لهخوا لېږل شوی و، د سیالۍ له پیل وروسته د سیالیو په ځای کې په اوبو کې ډوب شو، چې د ژغورنې ټیم هغه د اوبو څخه راواېست.
له دغې پېښې وروسته ځینو روسي رسنیو دغه راپور خپور کړ، چې پر یوې طنزي سوژې واوښوته.
افغانستان د پوهنتونونو په نړیوالو سیالیو کې د لامبو، کښتۍ، بوکس، ټکوانډو او جوډو په برخو کې ګډون کړی دی.
د نن ورځې په پايلو سره، تاجکستان چې د دغو سياليو کوربه و، د درېيو برياوو او نهو نومرو په لرلو سره د درجه بندۍ په سر کې دی.
ازبکستان چې تر دې دمه یې ماتې نه وه خوړلې، لومړۍ ماتې یې وخوړه او د شپږو نمرو په لرلو سره درېیم مقام ته ولوېد او افغانستان د شپږ نومرو او د ښه هدف په توپیر دویم ځای ته ورسېد.
قرغزستان به د راتلوکې ورځې په لوبو کې چې د یکشنبې په ورځ ترسره کېږي؛ ونه لوبېږي، ځکه دغې لوبډلې څلور لوبې کړ اېو ټولې یې بایللي او پرته له کومو نومرو د جدول په پای کې راغلی دی.
ایران چې اوس په درېیو لوبو کې درې نومرې لري، د اتلولۍ او دویم مقام د ګټلو چانس یې له لاسه ورکړی دی.
د اتلولۍ برخلیک د افغانستان، تاجکستان اوازبکستان د لوبډلو ترمنځ دی، که څه هم د نورو لوبډلو پرتله د تاجکستان چانس زیات دی.
په وروستۍ ورځ به افغانستان د ازبکستان او تاجکستان له ایران سره لوبه وکړي.
افغانستان به په هغه صورت کې د دې ټورنمېنټ اتلولي ترلاسه کړي، چې ازبکستان ته په دوو ګولونو ماتې ورکړي او تاجکستان له ایران څخه پنځه ګولونه ترلاسه کړي.
تاجکستان د ۹ نومرو او ۷ مثبتو ګولونو په توپیر سره د اتلولۍ د ګټلو لومړی چانس لري او د افغانستان او ازبکستان لوبډلي شپږ، شپږ نومرې لري او افغانستان د دویم مقام تر لاسه کولو لپاره د ازبکستان سره د یوې لوبې مساوي کولو ته اړتیا لري او ازبکستان د دویم مقام ترلاسه کولو لپاره باید افغان لوبډلې ته ماتې ورکړي.
