د مهالوېش له مخې به دغه سیالۍ د روانې اګست میاشتې په ۳۰مه نېټه د پاکستان په ملتان ښار کې پیل شي، چې د راتلونکې سېپټمبر میاشتې تر ۱۷مې نېټې پورې به د پاکستان او سریلانکا هېوادونو په بېلابېلو ښارونو کې روانې وي.
د افغانستان کرېکټ بورډ د غوراوي کمېټې مشر ښاغلي اسدالله خان د یوې خبري ناستې پر مهال د افغانستان کرېکټ ملي لوبډلې ۱۷کسیز نوملړ اعلان کړ، چې حشمت الله شهیدي لوبډلمشر، رحمت شاه زرمتی مرستیال لوبډلمشر، رحمن الله ګربز او اکرام علي خېل وېکېټ ساتونکي، ابراهیم ځدراڼ، ریاض حسن، نجیب الله ځدراڼ، محمد نبي، کریم جنت، ګلبدین نایب، راشد خان، عبدالرحمن، شرف الدین اشرف، مجیب الرحمن، نور احمد، محمد سلیم ساپی او فضل الحق فاروقي په کې شامل دي.
افغان کرېکټ ملي لوبډله به د اسیا جام سیالیو په لړ کې، خپله لومړنۍ لوبه د راتلونکې سېپټمبر میاشتې په درېیمه نېټه د بنګله دېش او دویمه لوبه د همدې میاشتې په پنځمه نېټه د سریلانکا پر وړاندې ترسره کړي، چې دواړه سیالۍ به د پاکستان په لاهور ښار کې ترسره شي.
د نن ورځې په پايلو سره، تاجکستان چې د دغو سياليو کوربه و، د درېيو برياوو او نهو نومرو په لرلو سره د درجه بندۍ په سر کې دی.
ازبکستان چې تر دې دمه یې ماتې نه وه خوړلې، لومړۍ ماتې یې وخوړه او د شپږو نمرو په لرلو سره درېیم مقام ته ولوېد او افغانستان د شپږ نومرو او د ښه هدف په توپیر دویم ځای ته ورسېد.
قرغزستان به د راتلوکې ورځې په لوبو کې چې د یکشنبې په ورځ ترسره کېږي؛ ونه لوبېږي، ځکه دغې لوبډلې څلور لوبې کړ اېو ټولې یې بایللي او پرته له کومو نومرو د جدول په پای کې راغلی دی.
ایران چې اوس په درېیو لوبو کې درې نومرې لري، د اتلولۍ او دویم مقام د ګټلو چانس یې له لاسه ورکړی دی.
د اتلولۍ برخلیک د افغانستان، تاجکستان اوازبکستان د لوبډلو ترمنځ دی، که څه هم د نورو لوبډلو پرتله د تاجکستان چانس زیات دی.
په وروستۍ ورځ به افغانستان د ازبکستان او تاجکستان له ایران سره لوبه وکړي.
افغانستان به په هغه صورت کې د دې ټورنمېنټ اتلولي ترلاسه کړي، چې ازبکستان ته په دوو ګولونو ماتې ورکړي او تاجکستان له ایران څخه پنځه ګولونه ترلاسه کړي.
تاجکستان د ۹ نومرو او ۷ مثبتو ګولونو په توپیر سره د اتلولۍ د ګټلو لومړی چانس لري او د افغانستان او ازبکستان لوبډلي شپږ، شپږ نومرې لري او افغانستان د دویم مقام تر لاسه کولو لپاره د ازبکستان سره د یوې لوبې مساوي کولو ته اړتیا لري او ازبکستان د دویم مقام ترلاسه کولو لپاره باید افغان لوبډلې ته ماتې ورکړي.
