په امریکا کې یوې محکمې د دغه هېواد د ولسمشر زوی هانټر بایډن د وسلو د پېرلو پرمهال په درواغ ویلو تورن کړ.
ښاغلي بایډن د وسلو د پېرلو په فورمه کې په مخدره توکو د خپل روږدي توب په اړه له ویلو ډډه کړې.
دا لومړی ځل دی چې د امریکا د ولسمشر زوی په محکمه کې تورنېږي.
د امریکا د قانون له مخې، هغه کسان چې په نشهیي توکو روږدې وي، د وسلو د پېرلو اجازه نهلري.
هانټر بایډن د وسلو د پېرلو پر مهال د درواغ ویلو په درېیو موردو تورن شوی.
هغه دغه وسله د ۲۰۱۸ کال په اکټوبر میاشت کې پېرلې وه.
هغه د مالیاتو قانون په سرغړونې هم تورن شوی؛ خو د دلاور ایالت محکمې په دې تړاو څه نه دي ویلي. ښاغلي بايډن تر دې وړاندې د خپلو دوو مالیاتي تورونو په اړه اعتراف کړی.
دا د امریکا په تاریخ کې لومړی ځل دی، چې د دغه هېواد د ولسمشر زوی په یوې محکمه کې تورن پېژندل کېږي.
کارپوهان وایي، چې په هانټر بایډن دغه لګېدلي تورونه به په راتلونکو ټاکنو کې د جوبایډن پر بیاځلې نوماندېدو اغېز وکړي.