د پاکستان په بلوچستان کې په یوې چاودنه کې د سرتېرو په ګډون اوو تنو ته مرګ ژوبله اوښتې

د راپورونو له مخې، په دې پېښه کې د چمن یو بل ماشوم او یو پاکستانی سرتېری هم ټپي شوی دی او په مقابل کې د کندهار لور ته هم دوه کسان ټپیان شوي دي.

چمن کې د پېښې ټپیان او مړي ځايي سرکاري روغتون ته وړل شوي دي.

خواله رسنیو کې د دوو ماشومانو او یوه بوډا انځورونه هم لاس په لاس کېږي چې ویل کېږي د نننۍ پېښې قربانیان دي.

د چمن مرستیال کمشنر په یوه بیان کې وايي، چې مازیګر ځايي وخت څلور بجې «افغان ځواکونو ډزې پیل کړې چې له امله یې ۱۲ کلن ماشوم او ۷۰ کلن بوډا مړه شول.»

دی وايي امنیتي ځواکونه تیارسي شول، خو ځوابي دزې ونه شوې او وروسته بېرته دروازه هم پرانیستل شوه.

لا هم طالبانو او پاکستاني چارواکو د دې پېښې د لامل په اړه څه نه دي ویلي، خو ځینې سرچینې وايي، دا پېښه افغانستان ته د بندیانو د سپارلو پر مهال شوې ده.

په چمن کې یوې سرچینې افغانستان انټرنشنل ته وویل، د بندیانو سپارلو پر مهال «د افغانستان له لوري د پاکستان خوا ته ډزې شوې دي او له امله یې دا ټوله مرګ ژوبله اوښتې ده.»

د سرچینو په خبره، د دې تاوتریخوالي له امله تر نیم ساعت لار هم بنده وه، خو وروسته پرانیستل شوه.

په دې کتنه کې په ننګرهار کې د طالبانو د کډوالو چارو رييس باز محمد عبدالرحمان له خيريه موسسو وغوښتل، چې له کډوالو سره مرسته وکړي.

د طالبانو د کډوالو چارو وزارت په یوه خبرپاڼه کې لیکلي، چې دغه غونډه د چهارشنبې په ورځ (د تلې په ۱۲مه) په جلال اباد ښار کې جوړه شوې وه.

د پاکستان موقت حکومت په دغه هېواد کې په غیر قانوني توګه مېشتو بهرنیو اتباعو ته یوه میاشت وخت ورکړی، چې له پاکستانه ووځي.

پاکستاني چارواکو ویلي دي، چې که بهرني اتباع د اکټوبر تر پایه له قانوني اسنادو پرته له دغه هېواده ونه وځي نو په زور به وشړل شي.

له بلې خوا په اسلام اباد کې د طالبانو سفارت د سې شنبې په ورځ (د تلې۱۱مه) وویل، چې پاکستاني پولیسو په تېرو دوو اونیو کې د ښځو او ماشومانو په ګډون تر زرو زیات افغان مهاجرین نیولي دي.

دغه سفارت ویلي، چې نیمايي بندیانو قانوني اسناد درلودل.

په ورته وخت کې د طالبانو ویاند له پاکستانه غوښتي، چې د افغان کډوالو د ویستلو پر پرېکړې له سره غور وکړي.

د پاکستان د پوځ عامه اړیکو دفتر په یوه بیان کې ویلي چې دا عملیات یې پرون د ټانک ضلعې په پیزو سیمه کې کړي دي.

د پوځ په خبره، د عملیاتو پرمهال د امنیتي ځواکونو او وسلوالو ترمنځ ډزې هم شوې دي.

پوځ دا هم وايي، چې دغو وژل شویو وسلوالو د امنیتي ځواکونو او ولس پرضد په ډېرو بریدونو کې لاس درلود.

پوځ دا هم وايي چې په دې عملیاتو کې یې ډېره اندازه وسله، مهمات او باروت کشف کړي دي.

د پاکستاني طالبانو ویاند محمد خراسانی د دې عملیاتو په تایید سره وايي، په دې نښته کې د دې ډلې شپږ وسلوال او په مقابل کې پنځه پاکستاني پوځیا ووژل شول.

نوموړی په اعلامیه کې زیاتوي، پوځ اول ډرون برید وکړ او وروسته یې په عملیاتو کې درې چورلکو هم برخه درلوده.

د پاکستان ځايي چارواکو هم ویلي چې دوه چورلکې یې په دې عملیاتو کې ښکېلې وې.

د نړیوال بانک چارواکي وایي، د پاکستان د پارلمان او کابینې غړي، د خزانې وزیر د کابینې کمېټه او د نورو کمېټو غړي د مالیې یا ټېکس لپاره په پالیسۍ جوړولو کې خپل اغېز او لاسوهنې سره په دې برخه کې د اصلاحاتو مخه نیسي.

د جیو نیوز د راپور له مخې، نړیوال بانک په پاکستان کې د اقتصادي حالت د سمون لپاره سپارښتنه کړې چېد سبسیډي د کمولو لپاره د مالیې په برخه کې ټولیز اقدامات وشي او د کلني مالي کسر یا خسارې د کمولو لپاره مصارف کم شي.

نړیوال بانک وايي، پاکستان د ډېرو نغدو پیسو له رېسک، د اسعارو د کمو زېرمو، بې ټیکاوه سیاسي چاپېریال او خارجي حسابونو د نوسان په ګډون له مختلفو خطرو سره مخ دی.

د راپورونو له مخې؛ د پاکستان په بېلابېلو سیمو کې د ترهګرو پر ضد عملیات چټک شوي او لا هم روان دي.

په پاکستان کې د ترهگرۍ ضد عملیاتو د پلي کیدو لړۍ په داسې حال کې چټکه شوې ده، چې د پاکستان د امنیتي څېړنو او مطالعاتو مرکز په خپل نوي رپوټ کې ویلي، چې تېرو اتو کلونو ته په کتو دا مهال په پاکستان کې د وسله والو سره په جگړه کې د امنیتي ځواکونو تلفات "تر ټولو لوړې کچې" ته رسېدلي دي.

د دغه مرکز د شمېرو له مخې؛ یوازې په تېرو ۹ میاشتو کې د پاکستان د امنیتي ځواکونو ۳۸۶ غړي وژل شوي دي.

د دغو بریدونو ډېری مسوولیت تحریک طالبان پاکستان پر غاړه اخیستی، چې د پاکستاني چارواکو په وینا په افغانستان کې حضور لري.