منظور پښتین: په پاکستان کې ټول ترهګریز بریدونه د دغه هېواد د پوځ په سلا مشورو کېږي
د پښتون ژغورنې غورځنګ مشر منظور پښتین وایي، په پاکستان کې ټول ترهګریز بریدونه د دغه هېواد د پوځ په سلا مشورو کېږي او ترهګرې ډلې هم همدغه پوځ جوړې کړې دي.
د پښتون ژغورنې غورځنګ مشر منظور پښتین وایي، په پاکستان کې ټول ترهګریز بریدونه د دغه هېواد د پوځ په سلا مشورو کېږي او ترهګرې ډلې هم همدغه پوځ جوړې کړې دي.
منظور پښتین د امریکا غږ اشنا ټلویزیون سره په مرکه کې ویلي، چې له پاکستانه د افغان کډوالو د ستنولو ډرامه هم له نړۍوالو څخه د پیسو د ترلاسه کولو لپاره جوړه شوې ډرامه ده.
منظور پښتین دغه څرګندونې د هغه ضرب الاجل د بشپړېدو په درشل کې کړې، چې له مخې یې افغان کډوال په جبري توګه له پاکستانه خپل هېواد ته ستنول کېږي.
منظور پښتین وايي، په پاکستان کې هغه افغانان چې کاروبار لري، حاکمه اداره غواړي له هغوی څخه پیسې وشکوي او هغوی مجبور دي، چې د خپلو پانګو د خوندي ساتلو لپاره د پاکستاني چارواکو هره غوښتنه ومني.
ښاغلی پښتین زیاتوي، پاکستان دا رنګه غواړي له نړۍوالو بنسټونو څخه د کډوالو په نامه پیسې ترلاسه کړي.
تر دې وړاندې پاکستان په وار، وار ویلی دي، چې افغان کډوال که له یوې خوا په ترهګریزو بریدونو کې لاس لري، له بلې خوا تر ډېره د هند په اشاره او مرسته دلته نا امني جوړوي؛ خو منظور پښتین وايي، که خبره د هند سره د تربکنۍ پالل وي، نو د هند سره پاکستان په خپله خاوره اوږده پوله لري؛ نو بیا ولې هلته د هند سره دغه تربګني نه پالي چې زور یې له بې وزله افغانانو باسي.
پښتین وايي، دوی هند ته کشمیر پرې اېښی او افغانستان چې د هنده زیات واټن لري بیا ولې پاکستان په دې پلمه چې ګواکې هند د افغانستان له خاورې غواړي په پاکستان کې کړکېچ ته لمن ووهي، بې وزله افغانان ځوروي او هغوی ته لا نورې ستونزې راټوکوي.
خو پاکستاني چارواکو تل په کور دننه د سیاستوالو دغسې نېوکې بابېزه ګڼلي او هغه یې د خپل حکومت او نظام پر وړاندې تبلیغاتي دسیسه بللې.
د ځايي سرچینو د معلوماتو له مخې د طالبانو پکتيا ولايت د بدني روزنې او سپورټ رياست تر چتر لاندې د نیزه بازۍ فدراسیون له لوري د ۶۰ لوبغاړو تر منځ په لومړي ځل د ۱۴۰۲ کال له پاره په ولايتي کچه د غوراوي سېالۍ ترسره شوې.
سرچینې زیاتوي چې د افغانستان په کچه د نیزه بازۍ د ملي لوبډلې د جوړېدو په موخه په هغو ولايتونو کې د نیزه بازانو تر منځ سیالۍ کیږي چې هلته تر دې مخکې په ولسي کچه د نیزه بازۍ لوبې کېدلې.
ويل کیږي دا لومړی ځل دی چې د هيواد په کچه د نیزه بازۍ ملي لوبډلې د جوړېدو هڅې پیل شوې.
په پکتیا کې د نیزه بازۍ په دغه سیالۍ کې چې یوه ورځ يې دوام درلود، ۱۶ تنه نیزه بازان د ۱۴۰۲ لمریز کال د ولايتي لوبډلې لپاره غوره شول چې د هیواد په کچه به د نیزه بازۍ په ملي سیالیو کې د پکتیا استازيتوب کوي.
نیزه بازي هم د بزکشۍ په ډول یوه لرغونې لوبه ده چې د افغانستان په ځينو ولايتونو کې له ډیر پخوا راهیسې دود ده،
نیزه بازان وايي د دغې لوبې له پاره ځانګړی آس چې د لوبې پر ډګر د یرغه ځغاستې وړتیا لري روزل کیږي.
د نیزه بازۍ د لوبې ډګر په عادي هواره ځمکه چې اوږدوالی يې د شاوخوا یو کیلو متر په اندازه وي، د ډګر په منځ کې اېښودل شوې نښه په رنګینو ټوګرو نښه شوې او د نښې د ښې څرګندیدا په موخه يې مخې ته آینه اېښول وي چې په آس سپور کس يې له ورایه ووينې او په نیزې سره یې له ځمکې وباسي.
نيزه د اوسپنې څخه هغې جوړې شوې ښاخۍ ته وايي چې درې څوکې لري او درې متره د نري لرګي لاستی لري چې په آس سپور نیزه باز د همدې نیزې په مټ د آس ځغاستو پر مهال اېښودل شوی نښه (مېږوی) له ځمکې پې را وباسي.
هر هغه څوک چې د نیزه بازۍ له پاره يې آس په سم ډول روزلی وي او خپله هم د دې وړتیا لري چې پر آس سپور د ځغاستې پر مهال په نیزه باندې په ځمکې کې خښ شوی (مېږوی) له ځمکې وباسي او په نيزه کې یې له ځان سره یوسي هغه د لوبې بریالی کس دی.
د پاکستان حکومت لهخوا د ورکړل شوي ضرب الاجل نن وروستۍ ورځ ده او سر له سبا به په دغه هېواد کې د ناقانونه کډوالو د نیونو په برخه کې پراخ چاڼیز عملیات پیل شي.
په خواله رسنیو کې په خپرو شویو ویډیوګانو کې ښکاري، چې د جوماتونو کې ویل شوي هغه ناقانونه بهرنیان چې د اوسېدو اسناد نه لري ژر تر ژره دې دغه هېواد په خپله خوښه پرېږدي؛ کنه له قانوني چارو سره به مخامخ شي.
د پاکستان دغه پرېکړې نه یوازې ناقانونه؛ بلکې نور هغه افغان کډوال چې قانوني اسناد هم لري اندېښمن کړي دي، دوی د پاکستاني پولیسو له ناوړه چلنده په وېره کې دي.
سر له سبا د پاکستان حکومت د ناقانونه کډوالو پر وړاندې چاڼیز عملیات پیلوي او ټول ناقانونه کډوال به بېرته خپل هېواد ته ستانه کړي.
