ایران: په افغانستان کې د نشه یي توکو تولید ډېر شوی

AP ۱۴۰۲ لیندۍ ۱۲

د ایران د مخدره توکو پر وړاندې د مبارزې مشر سکندر مومني په افغانستان کې د مخدره توکو د کښت د کموالي په اړه له راپورونو سره - سره په دغه هېواد کې د نشه یې توکو د تولید د ډېرېدو په اړه خبرداری ورکړی.

مومني ویلي، چې په افغانستان باید د مخدره توکو سره د مبارزې، د روږدي کېدو او د مخدره توکو د قاچاق د مخنیوي او د روږدو کسانو د درملنې لپاره یوه هر اړخیزه پالیسي جوړه کړې.

نوموړي ویلي، چې د مخدره توکو د کرکیلې په اړه د طالبانو ادعاوې سمې نه دي او د کرکیلې د کمېدو په اړه کوم شواهد هم نه لیدل کیږي؛ بلکې د هغه څه پر خلاف چې طالبان یې ادعا کوي، د مخدره توکو تولید په افغانستان کې ډېر شوی چې ټولې نړۍ ته یو ګواښ جوړوي.

د ایراني چارواکو په وینا؛ په افغانستان کې د مخدره توکو د تولید د ډېرېدو له امله په ایران کې د مخدره توکو د نیولو په قضیو کې ۱۱ سلنه ډېروالی راغلی او یوازې سږکال د مخدره توکو د نیولو پر مهال د مخدره توکو سره د مبارزې د ادارې ۱۳ کارکوونکو خپل ژوند له لاسه ورکړی دی.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ