د ځایي سرچینو د راپورونو پر بنسټ، د تمدن ټلویزیون خبریال عبدالرحیم محمدي له تېرو شپږو ورځو راهیسې د طالبانو په بند کې دی. د سرچینې په خبره، نوموړی له نږدې یوې اونۍ راهیسې د استخباراتو له خوا د نامعلوم دلیل له امله نیول شوی دی.
د عبدالرحیم محمدي ورور له افغانستان انټرنشنل سره په خبرو کې وویل: «ورور مې تېره اونۍ د دوشنبې په ورځ تر هغه وروسته بیرته کور ته رانغی چې د استخباراتو له خوا وغوښتل شو او بیا لا درکه شو.»
نوموړی وایي چې، د تمدن ټلویزیون د مسوولانو او د خبریالانو د ځایي ملاتړو ادارو له خوا د هغه د خوشې کیدو په اړه هڅې روانې دي.
په داسې حال کې چې په افغانستان کې پر نا دولتي رسنیو او د هغوی پر کارکونکو فشارونه په زیاتېدو دي، د جلا وطنه افغان خبریالانو فډراسیون بیا په دې برخه کې له نړیوالو بنسټونو همکاري غواړي.
د جلا وطنه افغان خبریالانو د فډراسیون ویاند حشمت الله وجداني له رسنیو سره په خبرو کې ویلي چې، په ټوله کې په افغانستان کې رسنۍ له بېلابېلو فشارونو سره مخامخ دي.
د یادولو ده چې، د ازادو رسنیو د ملاتړ بنسټ یا (نی) د راپورونو له مخې، پر افغانستان د طالبانو د څه باندې دوو کلونو واکمنۍ پر مهال د افغانستان شاوخوا ۵۰ سلنه رسنۍ له کاره لوېدلې او د رسنیو ۷۰ سلنه کارکونکي یا هم خبریالان وزګاره شوي دي.
هغه په اېکس پاڼه د طنز په ډول لیکلي: «مرغان هغه سره کیني چې بڼې يو رنګ وي.»
د شنبې په ورځ د ایران بهرنیو چارو وزیر له طالبانو وغوښتل چې له نورو ډلو سره واک شریک کړي. په ورته وخت کې هغه له نورو ډلو وغوښتل چې طالبان د افغانستان د «واقعیت» په توګه ومني.
د نوموړي داسې غوښتنه د یو شمېر افغان سیاستوالو له توند غبرګون سره مخ شوې.
رحمت الله نبیل په خپل ایکس پاڼه لیکلي: «د ښاغلي عبداللهیان دا خبرې ته د پښتو متل وايم چې مرغان هغه سره کیني چې بڼې یې یو رنګ وي.»
ایران هڅه کړې چې له طالبانو سره ښې اړیکې ولري. ښاغلی نبیل وايي چې دا ښې اړیکې د دوی د يو ډول والي ښکاره نښه ده.
هغه په طنزیه ژبه لیکلي: «له همفکره ملا او طالب څخه نو تر دې لوړه تمه نه شي کیدای!»
