د «اوپنهایمر» فلم چې د لومړي اټومي بم د جوړولو کیسه یې انځور کړې د اسکار دیارلسو جایزو ته نوماند شوی، چې د نوماندانو په منځ کې یې لومړی ځای خپل کړی. د کریستوفر نولان دغه درې ساعته فلم د اسکار جایزې ته تر نورو ټولو هغو مخکښ فلم ګڼل کېږي.
له اوپنهایمر وروسته د «بېچارهگان یا بېوزلو» په نامه فلم د یورګوس لانتیموس په لارښوونه جوړ شوي فلم اسکار جایزې ته د ۱۱ نوماندانو په منځ کې وتوانېد، چې دویم ځای خپل کړي.
دغه دوه فلمونه د اسکار په سیالیو کې تر نورو مخکې دي، لکه د «قاتلان ماهگل»، «باربی»، او «ماسترو» فلمونه چې اوس سره په سیالۍ کې دي.
کریستوفر نولان چې د اوپنهایمر په سیالیو کې د ښه کارګردان په توګه نوماند دی وايي، چې دا «یوه رښتیني تلوسه» چې وینم فلم مې د ګڼو نورو فلمونو په منځ کې د اسکار جایزې ته نومول کېږي.
ښاغلی نولان چې د هالیووډ فلم جوړوونکو په منځ کې ستایل شوی کس یادېږي، تر اوسه یې کوم فلم د اسکار جایزه نه ده اخیستې.
اوپنهایمر همدا رنګه د لومړي رول له پاره کیلیان مورفي ونوماوه، چې د اټومي بم د جوړولو کارپوه په توګه د «جي رابرت اوپنهایمر»، رول یې لوبولی دی.
میلی بلانت او رابرت داوني هغه دوه نور لوبغاړي دي، چې د اسکار جایزې له پاره یې په فلم کې بشپړ رول ادا کړی دی.
