د م.م د کرنې او خوراکي توکو اداره: افغانستان کې د وچکالۍ د مخنیوي لپاره د اوبو زېرمې جوړوو
د ملګرو ملتونو د کرنې او خوراکي توکو اداره (اېف اې او) وايي، په افغانستان کې به د اوبو داسې زېرمې جوړې کړو چې په راتلونکې کې د وچکالۍ مخه ونیسي.
د ملګرو ملتونو د کرنې او خوراکي توکو اداره (اېف اې او) وايي، په افغانستان کې به د اوبو داسې زېرمې جوړې کړو چې په راتلونکې کې د وچکالۍ مخه ونیسي.
دغې ادارې په خپلې اېکس پاڼه لیکلي، چې دغه زېرمې به د ولسي خلکو او ځینو نورو مرستندویه ټولنو په همکارۍ د افغانستان په بېلابېلو سیمو کې جوړې شي، چې پر مټ به یې هم د سېلابونو مخه ونیوله شي او هم به د کېدونکو ورښتونو اوبه په دغو زېرمو کې خوندي وساتل شي.
دغې ادارې ویلي، چې افغانستان یو کرنیز هېواد دی او د ګڼو اوسېدونکو اقتصادي ستنې یې په کرنه او مالدارۍ ولاړې دي او په وروستیو کلونو کې د وچکالۍ له امله د دغه هېواد اقتصادي ستنې کمزورې شوي او خلک د سختو ستونزو سره مخامخ دي.
د اوبو د زېرمه کولو دا خبر داسې مهال مخې ته راځي، چې د ملګرو ملتونو د مرستو د همغږۍ ادارې (اوچا) په دې وروستیو کې د افغانستان په بېلابېلو برخو کې د ورښتونو د کمي له امله اندېښنه ښودلې وه او په راتلونکي کال کې یې د سختې وچکالۍ اټکل هم کړی و.
