پاکستانۍ رسنۍ: خیبرپښتونخوا کې پوځ په عملیاتو کې اوو تنو وسله والو ته مرګ ژوبله اوړولې

د سپینې ماڼۍ یو چارواکي ویلي، د لیدنې تمرکز به په غزه کې د فلسطینیانو د مرګ ژوبلې کمول، موقتي اوربند، د اسراییلي برمته شوو خوشې کول او غزې ته د مرستو زیاتول وي.

د سپینې ماڼۍ دغه چارواکي ویلي، چې کامالا هریس به په دې غونډه کې په رفح ښار کې د څه باندې یو نیم میلیون وګړو د امنیت په اړه خپله اندېښنه څرګنده کړي. همدا راز، د سپینې ماڼۍ چارواکي زیاته کړې، چې اسراییل هم حق لري چې د حماس د «ترهګریزو بریدونو» په وړاندې له خپل ځان څخه دفاع وکړي.

د سپینې ماڼۍ دغه چارواکي ټینګار کړی، چې مېرمن هریس او ښاغلی ګانتز به د غزې د جګړې له پای ته رسېدو وروسته د غزې د ادارې پر جوړولو هم خبرې وکړي.

د رویټرز خبري اژانس د راپور له مخې، د اسراییل د پوځ پخوانی مشر او د دفاع وزیر بني ګانټز، د ځینو نظر پوښتنو له مخې د اسراییل د لومړي وزیر بنیامین نتانیاهو سیاسي سیال دی او واشنګتن ته د هغه سفر ښایي نتانیاهو خپه کړي.

د ډسمبر په میاشت کې، د متحده ایالاتو ولسمشر جو بایډن ویلی و، چې اسراییل د غزې د "بې توپیره" بمبارۍ له امله خپل ملاتړ له لاسه ورکوي او نتانیاهو باید خپل دريخ بدل کړي.

د غزې د روغتیايي چارواکو په وینا، پر غزې د اسراییل په بریدونو کې تر ۳۰زره ډېر فلسطینیان وژل شوي او ملګرو ملتونو خبرداری ورکړی چې د سیمې څلورمه برخه نفوس له قحطۍ یو ګام لرې دی.

دې ټاکنو ته د ميا محمد شهباز شريف او عمر ايوب خان د نوماندۍ اسناد منظور شوي دي.

د پارلمان مشر د اسنادو له کنټرول وروسته د دغو دوو کسانو نوماندي تایید کړې ده.

بل خوا، د پښتونخوا ملي عوامي ګوند مشر محمود خان اڅکزي د پاکستان د پیپلز ګوند د مشر اصف علي زرداري پر وړاندې د پاکستان ولسمشرۍ ته نوماند شوی دی.

د دغې سیمې یوه اوسیدونکې سویتلانا تاکاچینکو وايي: "زما میړه په چټکۍ سره د خلکو د مرستې لپاره منډه کړه ... بیا ما ولیدل چې خلک په تیښته دي، زه پوهه شوم چې خلک هلته وژل شوي دي."

د اوکراین ولسمشر ولادیمیر زیلینسکي پر ټیلیګرام لیکلي: "روسیه له ملکي وګړو سره جګړې ته دوام ورکوي ... د دښمن یوې بې پیلوټه الوتکې په اوډیسا ښار کې د استوګنې پر ودانۍ برید کړی. اتلس کورونه ویجاړ شوي دي."

د اوکراین د بیړنیو خدمتونو څانګې پر ټیلیګرام د دې پیښې د انځورونو په خپرولو سره، چې د یو درې کلن ماشوم جسد هم پکې لیدل کیږي، لیکلي: "داسې پیښې په هیڅ کله هم هیرې نشي! د دې پیښو بخښل هم ناشوني دي." دغه ادارې ویلي چې د یوه ماشوم په ګډون پنځه کسان یې له نړیدلو ودانیو ژوندي ژغورلي دي.

د اوډیسا سیمې والي اولیه کیپر وايي، چې په دې برید کې اته تنه ټپیان شوي او ژغورونکې ډلې لا هم تر خاورو لاندې د نورو کسانو په لټه کې دي.

د زیلینسکي په وینا، دغه برید د ایران له خوا د جوړو شوو شهید نومې بې پیلوټه الوتکې له خوا ترسره شوی دی.

په ترکیه کې "موږ د ښځو پر وړاندې د جرمونو مخه نیسو" ټولنې دا پېښې د ښځو پر وړاندې د حکومت ضد سیاستونو پایله بللې او ویلي یې دي، چې د کب په ۱۳مه به په استانبول کې لاریون کوي.

د کب په اتمه، اته ښځې په سو ازمیر، بورسا، سقاریه، ارزروم، دنیزلي او استانبول کې په ډزو یا په چړو وژل شوي دي.

اووه ښځې چې د خپلو اوسنیو یا پخوانیو میړونو له خوا وژل شوې دي، ای کارلي، خاتون اکرم اصلان، امینه اولکو اراز، اوزلم چانکایا، طوبا اتشچي، طوبا ا، نسیم ګل کریمي او الیف سایدام نومیږي.

۱۹ کلنه دیلان اوزدمیر د خپل پلار له خوا په چړو وژل شوې ده.

«د ښځو پر وړاندې د جرمونو مخه نیسو» ټولنه، چې د ښځو د حقونو د خوندیتوب په برخه کې یوه نا دولتي اداره ده، د دغو اتو وژنو په غبرګون کې ویلي، چې دا وژنې تصادفي نه دي، بلکې د حکومت د کړنو پایله ده.

د دغې ډلې په اعلامیه کې ټینګار شوی: «هغه کسان چې د ښځو د وژنې د پاې ته رسولو لپاره حل لاره نه ګوري، هڅه کوي دا ستونزه له پامه وغورځوي. مګر ټولنه په دې پوهیږي چې دا پیښې تصادفي نه دی.»

په دغه اعلامیه کې راغلي، چې دا ښځې د کور دننه وژل شوي دي.

د ښځو د شوراګانو اتحادیې په دې وروستیو کې د ښځو د نړیوالې ورځې په مناسبت یوه اعلامیه کې ویلي، چې د تېر کال د مارچ له اتمې نېټې راهیسې په ترکیه کې د هرچا او په ځانګړې توګه د ښځو او د ال جي بي تي کیو ټولنې لپاره ژوند ډېر ستونزمن شوی دی.

د ښځو د شورا دغه سازمان ټینګار کړی، چې د ښځو د حقونو د خوندیتوب په اړه د مدني قانون ۶۲۸۴ ماده باید پلي شي.

په دغه بیانه کې ټینګار شوی چې دوی به د دغو وژنو په غبرګون کې د مارچ په درېیمه (د کب ۱۳مه) د ماسپښین په درې نیمو بجو به د استانبول په کادیکوی سیمه نه د اپرای ثریا ماڼۍ مخې پورې لاریون وکړی.

دغې ټولنې تر دې مخکې په یوه څېړنیز راپور کې ویلي و، چې په ۲۰۲۳ کال کې په ترکیه کې د ښځو د وژنې ۳۱۵ پېښې او د ښځو د مشکوک مړینې ۲۴۸ پیښې ثبت شوې دي.

په ترکیه کې د ۲۰۲۴کال له پیل راهیسې او یوازې په دوو میاشتو کې د ښځو د وژنې ۶۸ پېښې ثبت شوې دي.

د نورو څېړنو پایلې ښيي چې له ۲۰۱۶څخه تر ۲۰۲۱پورې په ترکیه کې په اوسط ډول هره ورځ یوه ښځه وژل شوې ده.

د امریکا د پوخ په وینا، درې سی – ۱۳۰ ډوله پوځي الوتکو د ۳۵ زره کسانو لپاره خواړه په داسې یوه سیمه غورځولي، چې د ملګري ملتونه په وینا د نفوس څلورمه برخه له قحطۍ څخه یو ګام لرې ده. په همدې حال کې، فلسطینیانو پر ټولنیزو رسنیو له هوا د مرستو د بستو د راښکته کیدو ویډيوکانې خپرې کړې دي.

سپینې ماڼۍ ویلي، چې غزې ته د هوا له لارې د مرستو رسول به دوام وکړي، او دا چې اسراییل هم د دغو عملیاتو ملاتړ کوي.

په داسې حال کې چې په مصر کې د غزې د اوربند خبرو د بیا پیلیدو په اړه شکونه رامنځ ته شوي، د یکشنبې په ورځ د غزې د روغتیا وزارت ویلي، چې لږ تر لږه ۱۱ فلسطینیان هغه مهال وژل شوي، کله چې اسراییلي هوايي‌ ځواک په رفح ښار کې پر یوې خیمې بمبار کړی دی.

د دغه وزارت په وینا، د رفح ښار په تل السلطان سیمه کې یو روغتون ته څیرمه د اسراییل په یو بل هوايي برید کې ۵۰ کسان ټپیان شوي دي. په وژل شوو کسانو کې یو ډاکټر هم شامل دی. د اسراییل پوځ د دغو بریدونو په اړه له څرګندونو ډډه کړې ده.

د پیښې یو عیني شاهد د نوم نه ښودلو په شرط رویټرز ته ویلي: "هواي برید پر یوه خیمه وشو، چیرې چې خلکو له جګړې پناه وړې وه. زه مې ملګرو سره په روغتون کې ناست وو چې د بمونو پارچې دننه روغتون ته هم راننوتې، مونږ د یوې معجزې په توګه وژغورل شو."

د اسرائیلو پوځ ویلي، چې د دوی ځواکونو په خان یونس کې اته وسله وال وژلي، شاوخوا شل وسله وال یې د غزې په مرکزي برخه کې او درې نور یې د غزې ښار ته نژدې په رمل کې وژلي دي.