ملګري ملتونه: د اسراییل پوځ زغره‌والو هغه خبریالان په نښه کړل، چې له ورایه پېژندل کېدل

د اسراییل لومړي وزیر په دې وروستیو ورځو کې د امریکا او د اروپايي ټولنې د مخالفتونو او خبرداریو سره، سره د غزې په لویدیځ رفح کې پر ځمکنیو عملیاتو ټینګار کړی او دا یې هم ویلي و، چې د دغه هېواد پوځ به په رفح کې چارې بشپړې کړي.

حسن نصرالله چې د روژې د پیل په اړه یوې جوړې شوې غونډې ته غږېده وویل:« په سیمه کې د غزې په ملاتړ جبهې به په ټول ځواک سره په دغې مبارکه میاشت کې حضور ولري.»

هغه وویل:« په غزه کې مقاومت ټوله نړۍ حیرانه کړې او تر ډېره یې د یوې معجزې بڼه غوره کړې ده.»

د لبنان د حزب الله مشر زیاته کړه:« په لبنان او یمن کې به مقاومت دوام ولري او په عراق کې به اسلامي مقاومت د بې پیلوټه الوتکو او پر اسراییل د توغندیو په توغولو سره روان پاتې شي.»

هغه وویل:«په غزې، لبنان او لویدیځه غاړه کې اسراییلي پوځ، ډېر ستړی شوی. د اسراییل د دفاع وزیر او د دغه هېواد د پوځ قوماندان ویلي، چې د لبنان په شمالي څنډو کې د دوی ځواکونو ته درانه زیانونه اوښتي دي.»

حسن نصرالله وویل:« مقاومت اسراییل دې ته اړ اېستی، چې په لبنان کې له جګړې لاس په سر شي.»

د لبنان د حزب‌الله مشر پرته له دې چې په لبنان کې د اسراییل په بریدونو کې د حزب الله لوري ته د اوښتو زیانونو په اړه اشاره وکړي، وویل:«اسراییل په شمالي جبهه کې خپلې غاړې ته اوښتي زیانونه او مرګ ژوبله پټه ساتلې.»

په وروستیو څو ورځو کې د اسراییلي پوځ او حزب الله تر منځ جګړه سخته شوې ده.

اسراییلي جنګي الوتکو د دوشنبې او سه شنبې په ورځو د بقاع په دره کې د حزب الله په مورچلو بریدونه وکړل او حزب الله هم د سه شنبې په ورځ له سلو زیات د کاتیوشا توغندي پر اسراییل توغولي دي.

حسن نصرالله همدارنګه د خبرو او اوربند په اړه وغږېد او ویې ویل:« حماس د ټول مقاومت په مشرۍ د خبرو په حال کې دی. د یرغل درېدل د خبرو اترو ښه لاره ده؛ خو نتنیاهو د خبرو له هر ډول پایلو پر وړاندې خنډ ګرځي.»

هغه اسراییل ته په وینا کې وویل:« که حماس ماتې وخوړه؛ نو له چا سره به خبرې کوئ؟»

د لبنان د حزب‌الله مشر له امریکا وغوښتل، چې په غزه کې دې جګړه ودروي.

نصرالله وویل:« داسې څوک شته، چې دا ومني چې بایډن دې د جګړې په درولو کې برلاسی نه وي؟ هغه کولای شي د وسلو وېش ودروي او د ملګرو ملتونو د امنیت شورا پرېکړه رد کړي.»

که څه هم چې دغه لایحه د دواړو خواوو جمهوري غوښتونکو او ډیموکراټانو له‌خوا تصویب شوه؛ خو هغه مهال به قانوني بڼه خپله کړي، چې د مشرانو جرګه یې تایید او ولسمشر یې لاسلیک کړي.

د چیني کمپنۍ د ټولنیزو رسنیو خاوند بایټ ‌ډنس، شپږ میاشتې وخت لري چې په ټیک ټاک کې خپله ونډه د دغه شرکت څخه د وتلو لپاره وپلوري، له هغې پرته به دغه اپلېکېشن په امریکا کې بند شي.

ټیک ‌ټاک د خپلو ونډو د پرېښودو لپاره د چین اجازې ته اړتیا لري او بیجېنګ ویلي، چې له هغې سره به مخالفت وکړي.

امریکایي قانون جوړوونکي له ډېرې مودې راهیسې په ټیک ټاک کې د چین له نفوذه اندېښنمن وو.

د بایټ ‌ډنس کمپنۍ په چین کې ده او د چین د ملي امنیت د قانون له مخې دغه کمپنۍ اړه ده، چې خپلې ټولې ورکړې د چینایي چارواکو سره شریکې کړي.
خو ټیک‌ ټاک امریکايي قانون جوړوونکو ته ویلي، چې د بایت ډنس کارکوونکي په امریکا کې ۱۵۰ مېلیونه کاروونکو ته لاسرسی نه لري. ځکه د ټیک ټاک سرورونه په چین کې نه شته.
د وال ستریټ جورنال د سږکال د جنورۍ د میاشتې څېړنو وښوده، چې دغه سیسټم لا هم "زیانمنوونکی" دی او ورکړې یې په نارسمي بڼه د امریکا او په چین کې د بایټ ډنس د کمپنۍ تر منځ شریکېږي.

د امریکا په استازو جرګه کې د دغې لایحې د تصویبولو په غبرګون د ټیک ټاک مینه‌وال د سپینې ماڼۍ د باندې راټول شوي وو.

د ټولنیزو رسنیو په منځ کې ټیک ټاک په ځوان کول کې زیات خوښوونکي لري او په امریکا کې یې ۱۵۰ مېلیونه خلک کاروي.

بایډن یوه میاشت وړاندې د نومبر په ټاکنو کې د ځوان کول د راماتولو په موخه له ټیک ټاک سره یوځای شوی و.

د روانډا سره نوی تړون د حکومت له هغه ټړون څخه جلا دی، چې ډېری پناه غوښتونکي یې په زوره ختیځ افریقايي هېواد ته شړلي وو؛ کوم چې تېر کال د برېتانیا د سترې محکمې له خوا ناقانونه اعلان شو.

د حکومت د موجوده پالیسۍ له مخې هر هغه پناه غوښتونکی به پیسې ترلاسه کړي کوم چې په روانډا کې د ژوند کولو موافقه وکړي.

د سوداګرۍ وزیر کیون هولینریک د چهارشنبې په ورځ وویل، چې نوې پالیسي د عامه پیسو ښه ګټه اخیستنه وه؛ ځکه چې دا په برېتانیا کې د هغو پناه غوښتونکو د ساتلو لګښت څخه چې غوښتنلیکونه یې رد شوي خو تر اوسه نه دي شړل شوي ارزانه ده.

په برېتانیا کې په لسګونو زره پناه غوښتونکي شته چې د پناه غوښتنه یې رد شوې؛ خو حکومت اجازه نه لري چې خلک جګړه ځپلي هېواد ته ستانه کړي یا هم هغه هېواد ته ستانه کړي چې د بشري حقونو ریکارډ یې ضعیفه وي.

هولینریک ایل بي سي راډیو ته وویل: «۳زره پونډه ډېرې پیسې دي؛ خو برېتانیا کې د هغو خلکو ساتل چې پناه غوښتنې یې رد شوي تر دې هم ډېر لګښت لري.»

د برېتانیا لومړي وزیر ریشي سوناک په لویه کچه سیاسي پانګونه کړې ترڅو د هغو پناه غوښتونکو د راتګ مخه ونیسي چې د برېتانیا سویلي ساحل ته په وړو کښتیو کې له اجازې پرته راځي.

د پلان له مخې؛ حکومت غواړي په زرګونو خلک روانډا ته واستوي، خو سترې محکمې تېر کال دا پالیسي ناقانونه وبلله ځکه چې دا به د برېتانیا او نړۍوالو بشري حقونو قوانینو سرغړونه وي.

د محکمو د مقاومت د له منځه وړلو په هڅه کې د سوناک حکومت د پارلمان له لارې قانون تصویبوي چې له مخې به یې روانډا د پناه غوښتونکو لپاره خوندي هېواد اعلان شي چې له دې سره به د قانوني ننګونو مخنیوی وکړي.

روانډا اوس مهال له برېتانیا څخه په کال کې د څو سوو پناه غوښتونکو د منلو ظرفیت لري، د برېتانیا حکومت ویلي، دا ظرفیت به لوړ شي.

سوناک ویلي دي، چې هغه غواړي د اخراج لومړنۍ الوتکه په راتلونکو څو میاشتو کې ترسره شي.

د لوبې پچه ایرلنډ وګټله او د توپ اچونې پرېکړه یې وکړه. افغان لوبډلې د ټولو اورونو په لوبولو او لوبغاړو په سوځوېدلو سره سیالې لوبډلې ایرلنډ ته د ۲۳۷ منډو هدف وټاکه.

ایرلنډ لوبډلې په ۳۵ اورونو کې د ټولو لوبغاړو په سوځېدلو سره ۱۱۹ منډې جوړې کړې او لوبه یې د ۱۱۷ منډو په توپیر وبایله.

نننۍ لوبه کې افغان الرونډر محمد نبي او ننګیال خروټی ښه وځلیدل.

نبي د ایرلنډ ۵ او ننګیال خروټي ۳ ویکټې تر لاسه کړې.

په توپوهنه کې حشمت الله شهیدي ۶۹ منډې، رحمان الله ګربز ۵۱ او نبي ۴۸ منډې وکړې.

دا لومړی ځل دی، چې ننګیال خروټي په نړۍوال کرېکټ کې ویکټې ترلاسه کوي.

د افغانستان او ایرلنډ ترمنځ درېیمه یوه ورځنې لوبه د شارجه کریکټ لوبغالي کې ترسره شوه.

له دې سره افغان لوبډلې د درې یو ورځنیو نړۍوالو سیالیو لوبلړۍ ۲-۰ په خپل نوم پای ته ورسوله.

محمد برکت د خپل مسلکي ژوند په بهیر کې په نړیوالو او سیمه ییزو لوبو کې ۱۱۴ ګولونه کړي او د خان یونس د ځوانانو د کلب کپتان هم و.

راپورونه وايي، چې د دوشنبې په ورځ سهار وختي اسراییلي ځواکونو د خان یونس پر ځینې سیمو بمبار وکړ، چې د محمد برکت په ګډون پکې یو شمېر نور لوبغاړي هم وژل شوي دي.

نوموړی په غزه کې د فوټبال لومړنی لوبغاړی و، چې له سلو زیات ګولونه یې کړي وو.

برکت په اشغال شوې لویدیځه سیمه او اردن کې د الوحدت په ګډون د څو کلبونو لپاره هم لوبېدلی او په فلسطین کې د زیات شهرت خاوند و.

د تایید شویو راپورونو له مخې په غزه کې تر دا مهاله د بېلابېلو سپورتي ډلو غړي په بېلابېلو بمباریو کې وژل شوي دي.

الجزیره په یوه راپور کې کاږي، چې په روانه جګړه کې د باسکیټبال ۲۷ کلن لوبغاړی باسم النبهین، د فوټبال بل ۲۸ کلن لوبغاړی راشد دابور او د نورو سپورتونو ګڼ لوبغاړي وژل شوي دي.

که څه هم د روژې په درناوي په غزه کې د اوربند لپاره د مصر په ګډون ګڼو هېوادونو هڅې وکړې، خو یاد مذاکرات بې نتیجې پای ته رسېدلي دي.

په روانه اونۍ کې د امریکا ولسمشر جوبایډن هم ویلي وو، چې د اسراییل لومړی وزیر بنیامین نتنیاهو د غزې په جګړه کې اسراییل ته زیان رسوي.