د پاکستان د نوي حکومت ستونزې

افغانستان بیا نه پاېیدونکي دولتونه لري، نه پیاوړی پوځ او نه هم ښه اقتصاد، خو دغه هېواد یو پیاوړی ملت لري، ځکه خو پاکستان ترې ویریږي او تل یې د بې ثباتۍ په لټه کې دی.»

ښايي پاکستان د زېږېدو له لومړۍ ورځې راپه دېخوا په دغه راز پوهېده او – د انګریز په لارښوونه – یې د افغانستان د بې‌ٍثباتۍ لپاره پيچلي پلانونه طرحه کړل، مدرسې یې تاسیس او اسلامي بنسټپالې ملیشې یې جوړې کړې، دوی ته انګریز په غوږ کې ورڅڅولي وو، چې د افغانستان د بې‌ثباتي کیلي هلته د مذهبي او عقدتي شخړو راپیلول دي. پاکستان تر ټولو پیاوړی او تاریخي روایت Narrative راوپنځاوه : «اسلام په خطر کې دی!»دغه روایت کار وکړ او افغانان یې یو د بل وژلو ته راوپارول.

د پاکستان تر جوړېدو وروسته، څو ځلې دغه جعلي پوځي چوڼی له راړنګېدو سره مخامخ شوه، خو هرځل په افغانستان کې داسې واکمن و، چې یا یې نه غوښتل او یا پرې نه پوهېدل، چې څنګه خپله تاریخي خاوره راخپله او پاکستان د تاریخ دوزخ ته ورټېل وهي.

یوه له داسې تاریخي دورو همدا اوس راپېښه ده.پاکستان د خپل تاریخ په تر ټولو بد حالت کې دی. اقتصادي کړکېچ، په کور دننه سیاسي دوښمنۍ او ویش، د پوځ د مصنوعي پرستیژ ماتېدل، امنیتي بې‌ثباتي او نړۍواله انزوا یې لوی شاخصونه دي، له بلې خوا ښايي د هغې نړۍوالې اړتیا لپاره چې پاکستان د دویمې نړۍوالې جګړې تر پای ته رسېدو وروسته او د ښکېلاکي زمانې په پای کې جوړ کړل شوی و، هم مخ په پوره کېدو ده او دا شونې ده، چې نور نو د پانګوالو ستراتيژيستانو لپاره پاکستان په دغه بڼه پکار نه وي.

خو په خواشینۍ سره چې په همدې کړکېچن حالت کې هم پاکستان پر افغانستان رابلوسي او پکتیکا، خوست او کونړ بمباروي.

پر افغانستان واکمنو د پاکستاني مدرسو فارغانو هم د داخلي مصرف لپاره څه لوڅې پوڅې وکړې، خو مه دې شه، ځکه په دې ټوله لوبه کې د افغانستان ملت ـ هغه څه چې پاکستان ورڅخه تر بل هر څه زیات ډاریږي – بې مشره، بې برخلیکه، بې مدیریته او په فکري تشه کې پاتې دی. د پاکستان بخت ستوری ځکه ځلیږي، چې پر افغانستان د رابلوسېدو پرمهال یې یوازې د خپلو مدرسو او د احسانونو پوروړي واکمن په وړاندې درېدلي، هغوی چې د افغانستان ملت دوی ته او دوی ملت ته شا ورګرځولې ده.

هېچا دغه ملي شعور راویښ نه کړلای شو، چې پاکستان څه غواړي او د دغو بمباریو تبعات څومره ګواښمن دي؟

ولس له مستبدو واکمنو د خپلو لوڼو د تعلیمي محرومیت، ولږې، سختګیرۍ او تعصب، وزګارۍ او د نفی و انحصار سیاستونو په خاطر غوسه او خواشینی دی. بلخوا عامه افکارو په کلکه دا منلې، چې پاکستان او د پاکستاني مدرسو فارغ واکمن هېڅکله یو د بل دوښمن کېدلای نه شي او دا ډز و ډوز یو زرګري او مدیریت شوی جنګ دی، چې لوی هدف یې د افغانستان لاندې کول او په مجموع کې پښتانه له پښو غورځول دي.

پاکستان ټولو پښتنو ته د خپلو ستراتيژيکو دوښمنانو په سترګه ګوري او بس هرچېرته چې د پښتانه ترمنځ شخړې و جګړې وي، نو دی یې پخپله ګټه بولي.

د پښتنو په جنګولو کې د پاکستان شعار دا دی، چې : « زه هرطرف که شود کشته، خیر پاکستان است!»

سپین بیرغ د تور بیرغ په ضد، شمالي وزیرستان د جنوبي، داوړ د وزیر، وزیر د مسید، پښتون پولیس و خاصه دار د پښتون طالب او پښتون طالب د پښتون فوجي، ملا فضل رحمن د نشنلیانو، نشنلیان د محمود خان، محمود خان د عمران خان، جیش د سپاه او سپاه د جمعیت په ضد جنګوي او دا ټول بیا د ریښتینو مبارزینو ( د پښتون ژغورنې غورځنګ) په وړاندې لمسوي، چې تکفیر یې کړي. بس لوبه یې ګرمه کړې او پښتون په پښتون وژني. په پنجاب و سېند کې کراره کراري ده، بربنډې ښځې په جوماتونو کې ناڅي او پوځي جنرالان په غلا کړیو ډالرو ځانونو ته ماڼۍ او ټاپوګان اخلي.

پر افغانستان د پاکستان تر روستیو بمباریو روسته دا خبره راپورته شوه، چې افغانستان څه باید وکړی؟ څنګه یې باید وکړي؟

بله خبره دا وه، چې واکمنو وویل: زموږ وس همدومره دی، نور څه مو له واکه پوره نه دي.

له پاکستان سره مخامختیا او تقابل ملي تقابل دی. ملي جنګ ملتونه کوي، ډلې او حتی حکومتونه یې کړلای نه شي.د پاکستان پلندر (انګریز) په افغانستان کې د افغان ملت له خوا په ګونډو شوی دی، نه کومې اورپکې ډلې او نه هم تر اماني هغې وړاندې ورستو واکمنیو دا کار کړی دی.

د افغانستان په تاریخ کې لومړی ځل چې ملت و واکمني په یوه فکر او واحد دریځ له انګریز سره مخامخ شول د اعلیحضرت امان الله شاه غازي زمانه وه، چې هم استقلال وګټل شو او هم د هېواد نړۍوال پرستیژ اسمان ته وخوت.

اوس که د انګریز خلف (پاکستان) په ګونډو کول غواړو، نو دا ولاړېدنه به ملت کوي، خو له بده مرغه چې ملت تر ګونډو لاندې دی. ملت د پاکستاني مدرسو شاګردانو تر ګونډو لاندې کړی، ښوونځي و پوهنځي یې ورتړلي، واک یې له ولس څخه اخیستی، جوړ او منظم حکومت یې له پښو غورځولی، پیاوړې اردو یې ورړنګه کړې او د ملي پوځ لویه برخه حساس تجهیزات ترې پاکستان لوټلي دي.

پاکستان د خپلې محاسبې له مخې افغانستان ته د ننوتلو لپاره تر دې بل مناسب وخت موندلای نه‌شي. داسې ټک و ټوک یې راننوتلو ته لاره هواروي. د افغانستان ملت هسې هم تر ګونډو لاندې دی او واکمن خو ورسره له پخوا یرغمل دي.

هرڅوک که ریښتیا غواړي د پاکستان ګواښ دړې وړې کړي او د ننګرهار د تاریخي حماسې په شان یې یرغلګرې فرقې له خاورو سره خاورې کړي، باید ملت په پښو ودروي.

ملت باید د استبداد او د دین په نامه د ظلم له ګونډې لاندې وژغورل شي. هرڅوک چې پاکستان ګواښ ګڼي، باید د ملت پښو ته وغورځیږي او بښنه ترې وغواړي. د نجونو تعلیمي حق یې ورکړي، د ملت سیاسي اراده په رسمیت وپېژني او په ریښتینې مانا ولسواکي راستنه کړي.

که دا ملت سره یو شو، راپاڅېد او شعوري د پاکستان په وړاندې ودرېد، نو دا ځل به پاکستان د تل لپاره هغه ګړنګ ته وغورځيږي، چې اوس یې پرغاړه ولاړ دی.

یادونه: افغانستان انټرنشنل - پښتو د یوې بې پرې رسنۍ په توګه د ټولو لیکوالو نظریاتو ته درناوی لري؛ خو د چا د نظر ملاتړ نه کوي.

دې ورځپاڼې لیکلي: "حافظ ګل بهادر چې یو وخت د 'ښه طالب' په نوم پېژندل کېده، په بد طالب بدل شوی دی.»

په دغه شننه کې چې د پنجشنبې په ورځ د وري په دويمه ورځ خپره شوې راغلي: "د حافظ ګل بهادر د خپلوانو پر وژلو سربېره د پاکستان د پوځ تاکتيکونو د پاکستان له حکومت سره د هغه د دښمنۍ په زياتېدو کې مرسته کړې ده."

د دې شننې ليکوال ضياء الرحمن د يوې سرچينې په حواله ليکلي: "حافظ ګل بهادر له پاکستان سره د خپلې ډلې د پخوانيو همکاريو له امله د عملياتو پر مهال د دغه هېواد له پوځ څخه د نرم چلند تمه درلوده؛ خو دا تمه بې ځايه وه.په پوځي عملياتو کې يې کورونه ويجاړ او کورنۍ يې بې ځايه شوې.»

دغې سرچینې ډان ورځپاڼې ته ویلي: "د پاکستان بې پروا چلند د دې لامل شوې چې حافظ ګل بهادر د پاکستان ضد دریځ خپل کړي."

د دې شننې لیکوال د افغانستان او پاکستان پر پوله وروستیو بریدونو ته په اشارې سره لیکلي دي، چې تحریک طالبان پاکستان د پاکستان د امنیتي ځواکونو پر ضد څو لوی بریدونه ترسره کړي دي.

په دې شننه کې د حافظ ګل بهادر د ژوند یوه لنډه برخه هم راخیستل شوې او په ۲۰۰۶کال کې د پاکستان له حکومت سره د هغه د سولې تړون ته هم اشاره شوې ده.

د دې شننې لیکوال وايي؛ دا تړون په ۲۰۱۴کال کې په شمالي وزیرستان کې د پاکستان له لویو عملیاتو وروسته پای ته ورسېد.

په دې شننه کې د سرچینو په حواله ویل شوي، چې د ګل بهادر ځواکونو د حقاني شبکې د مشرانو ملاتړ هم تر لاسه کړی دی.

دغې ورځپاڼې لیکلي: «د راپورونو له مخې په دې ملاتړ کې په افغانستان کې خوندي پټنځایونه، اضافي ځواکونه، مالي سرچینې او حتا له امریکايي ځواکونو څخه پاتې شوې پرمختللې وسلې شاملې دي.»

په دې وروستیو کې پاکستان په خوست او پکتیکا کې د حافظ ګل بهادر پر ځواکونو هوايي بریدونه وکړل. افغان طالبان وايي، چې په دې عملیاتو کې یې ګڼو ولسي وګړو ته مرګ ژوبله اړولې ده.

حافظ ګل بهادر د تحریک طالبان پاکستان یو له مهمو قوماندانانو څخه دی، چې د پاکستان په وینا په افغانستان کې اوسیږي.

المرصاد “د پاکستاني جنرالانو ترهګریز روش” تر عنوان لاندې یو مطلب کې لیکلي‌، چې د دوی د کره معلوماتو له مخې؛ په کندهار کې د پنجشنبې ورځې ځانمرګی برید د پاکستان د پوځ د کوټې په ګارنیزون کې د ای ایس ای د افسرانو له خوا پلان شوی او په دغه برید کې د داعش ډلې یو ځانمرګی کارول شوی و.

دغې وېبپاڼې لیکلي: “د پاکستان د خراب امنیتي وضعیت او د ناامنيو په کنټرولولو کې له ناکامۍ وروسته پاکستاني اسټیبلشمنټ (پوځ)‌ هڅه وکړه، چې پر ګاونډي افغانستان د هوايي بریدونو په کولو خپله مایوسي لري کړي.”

د طالبانو پلوي دغه وېبپاڼه ادعا کوي،‌ چې په کندهار کې د داعش له خوا د برید موخه دا وه، چې پاکستان طالبانو ته دا پیغام ورکړي، چې دوی د افغانستان د ناامنۍ توان لري.

دغه وېبپاڼه وايي، چې د پاکستان د هوایي بریدونو په اړه د دغه هېواد د ادعاو له ناکامېدو وروسته، پاکستان د خپلو نیابټي جنګیالو په کارولو سره په کندهار کې ځانمرګی برید کړی.‌

د المرصاد په خبره؛ د ګاونډیو هېوادونو په چارو کې لاسوهونکي پاکستان او جنرالانو یې تل د نورو په تاوان کې خپلې ګټې لټولې او د خپلې ناکامۍ پړه یې پر نورو واچولې ده.

د المرصاد په خبره؛ پاکستان هڅه کوي چې له ټولو شونو لارو په افغانستان کې ګډوډي رامنځته کړي او د دغې وېبپاڼې په خبره ښايي په نږدې راتلونکي کې په افغانستان کې بریدونه نور هم ډېر شي.

تر دې وړاندې په یو بل مطلب کې طالبانو ته نږدې دغې وېبپاڼې د پاکستاني طالبانو د پخواني ویاند له خولې لیکلي وو، چې داعش د پاکستاني استخباراتو له خوا په دولتي مېلمستونونو کې ساتل کیږي.

په دغه مطلب کې د پاکستاني طالبانو پخواني ویاند احسان الله احسان ویلي وو، چې داعش ته دنده ورکړې شوې چې تحریک طالبان پاکستان مات کړي او جګړه د پاکستان پر ځای افغانستان ته یوسي.

دغې ویبپاڼې په یو مطلب کې لیکلي وو،‌ چې د داعش خراسان څانګې رهبري او مسوولان د افغانستان په ګاونډیو هېوادونو کې مېشت دي.

د ویبپاڼې په وینا؛ د مفتي ابو عثمان، ابو احمد ترڅنک د خان په نوم د داعش مهم کسان په پاکستان کې اوسیږي او هلته داعش د پلانونو په عملي کولو کې فعاله ونډه لري او په ځانګړي توکه د وسلو برابرولو په برخه کې مرسته کوي.

سپینې ماڼۍ د امریکا د مختلفو ایالتونو واليانو ته په یوه رسمي لیک کې پورته یاد شوي بریدونه، د څښاک اوبو سرچینو ته د لاسرسي د ګډوډولو احتمال سربېره، احتمالي قربانیانو ته د جبران د ورکړې یادونه هم کړې ده.

د خبرداري دا لیک د ملي امنیت سلاکار جیک سلیوان او د متحده ایالاتو د چاپیریال ساتنې ادارې رییس مایکل ریګن لاسلیک کړی.

د لیک لاسلیکوونکو ټینګار کړی، چې د څښاک اوبه او د فاضله اوبو سیسټمونه د سایبر بریدونو لپاره یو زړه راښکونکی هدف دی.

په دغه لیک کې د امریکا د مختلفو ایالتونو واليان اړ شوي، چې په دې برخه کې د سایبر امنیت پروسیجرونه په هر اړخیزه توګه وارزوي ترڅو زیانمنونکې برخې وپیژني.

سپینې ماڼۍ د ایران سربېره د چین له حکومت سره تړلي هکران هم په دې برخه کې د جدي ګواښ په توګه پېژندلي دي.

له دې وړاندې هم له ایران سره تړلو هکرانو د پنسلوانیا ایالت د الیکویپا د اوبو د څانګې پر تاسیساتو برید وکړ او د دوو ښارونو د اوبو پمپ کولو وسایل یې غیر فعال کړل.

د امریکا د اوبو د سوداګرۍ ټولنې لوړ پوړو چارواکو د کانګرس له استازو سره په ځانګړې ناسته کې په دې برخه کې د فعالو ځواکونو د روزنې او د حکومتي هکرانو د سایبري بریدونو سره د مبارزې لپاره د لا زیاتو پیسو غوښتنه وکړه.

د سویلي او مرکزي اسیا لپاره د بهرنیو چارو وزارت لوړپوړي استازي ډونالډ لو، د کانګرس یوې کمیټې ته ویلي، " که د پاکستان د ټاکنو کمیسیون په ټاکنو کې بې نظمۍ ثابتې کړي، باید په هغو ټاکنیزو حوزو کې چې لاسوهنه شوې،‌ باید ټاکنې له سره ,شي."

د پاکستان ټاکنې د فبرورۍ په لومړیو کې له رای اچونې مخکې د ځینو کسانو له نیولو او تاوتریخوالی سره مل وې.

د ټاکنو په ورځ د انټرنیټ بند شوی او په غیر معمولي ډول د ټاکنو د پایلو اعلان ځڼډيدلی وو، هغه څه چې په ټاکنو کې د درغلیو تورونو لامل شو.

شهباز شریف د مارچ په څلورمه وروسته له هغه د لومړی وزیر په توګه وټاکل شو، چې ګوند یې د پخواني لومړي وزیر عمران خان په ملاتړ د کاندیدانو په پرتله لږې څوکۍ وګټلې خو وتوانیده چې د بیلابیلو ګوندونو د ایتلاف مشري ترلاسه کړي.

ښاغلي لو چې د استازو جرګې د بهرنیو چارو کمیټې ته د پاکستان ډیموکراسي او د امریکا سره د دغه هیواد د اړیکو په اړه معلومات ورکول، وویل: "موږ هیڅکله د پاکستان د ټاکنو لپاره د 'آزاد او عادلانه' ټاکنو اصطلاح نه ده کارولې."

هغه وویل: «مونږ د ټاکنو څخه مخکې د حاکمې فضا په اړه جدي اندېښنې څرګندې کړې وې، لکه: د ترهګرۍ له خوا رامنځ‌ ته شوې تاوتریخوالی او سیاسي تاوتریخوالی.»

هغه زیاته کړه: "مونږ د انفرادي نوماندانو او سیاسي ګوندونو د نوم لیکنې د نه ترسره کیدو، د اپوزیسیون د غړو د ډله ییزو نیولو، د انټرنیټ بندول، او په خبریالانو باندې د سانسور او فشار په اړه اندیښنه څرګنده کړې وه."

بریتانیا او اروپايي ټولنې هم د پاکستان په انتخاباتو کې د بې نظمیو په اړه اندیښنه څرګنده کړې او د پلټنو غوښتنه یې کړې ده.

د ملګرو ملتونو سرمنشي انتونیو ګوتریش د تاوتریخوالي او د مخابراتي خدماتو د ځنډولو په اړه اندیښنه څرګنده کړې ده.

د استازو پوښتنو په ځواب کې، ښاغلي لو د عمران خان هغه تورونه رد کړل چې په ​​۲۰۲۲ کې له واکه د هغه په لرې کیدو کې ګواکي ده لاس لروده.

ښاغلی لو وویل، "دا تورونه، دا د توطیې تیوري، درواغ دي. دا یو بشپړ دروغ دی."

خان د پاکستان د ځواکمن پوځ سره له لانجو وروسته له واکه ګوښه شو. خو پوځ په سیاست کې مداخله ردوي. عمران خان تور لګولی چې د امریکا او د پاکستان پوځ د پارلمان له خوا د هغه نه د اعتماد رای په اخیستو کې لاس لري.