۷.۴ درجې زلزلې د ټایوان ختیځې سیمې لړزولې او د څونامي خبرداری ورکړل شوی
د امریکا د ځمک پېژندنې ادارې د راپور له مخې په ټایوان کې د چهارشنبې په ورځ د ریښتر په کچه ۷.۴ درجې زلزله شوې. تر اوسه د یادې زلزلې د ځاني زیانونو په اړه راپور نه دی ورکړل شوی.
د امریکا د ځمک پېژندنې ادارې د راپور له مخې په ټایوان کې د چهارشنبې په ورځ د ریښتر په کچه ۷.۴ درجې زلزله شوې. تر اوسه د یادې زلزلې د ځاني زیانونو په اړه راپور نه دی ورکړل شوی.
د رسنیو د معلوماتو له مخې، د سه شنبې په ورځ د (وري ۱۵مه) سهار په ټایوان کې د ریښتر په کچه ۷.۴ درجې زوروره زلزله وشوه.
د دغې زلزلې مرکز د ټایوان د هوالین ښار سویلي سیمه ښودل شوې.
د ټایوان د دفاع وزارت په هوالین ښار کې د زلزلې له امله د ویجاړو شویو کورونو انځورونه خپاره کړي.
د رسنیو د راپورونو له مخې په ټایوان کې د میټرو خدمات ځنډېدلي دي؛ خو د دغه هېواد په پلازمېنه کې حالت عادي خوا ته روان دی او ماشومان په عادي ډول خپلو ښوونځیو ته ځي.
د ټایوان د زلزلې د څارنې د ادرې مشر وو چیان فو رسنیو ته ویلي، چې د چین له سواحلو څخه د ټایوان تر کنټرول لاندې جزیرې کېنمن ته هم د دغې زلزلې اغېزې رسیدلې دي.
د نوموړي په خبره، له لومړۍ زلزلې وروسته په تایپې کې د څو نورو زلزلو ټکانونه هم احساس شوي.
تر دې مهاله په ټایوان کې د شوې زلزلې له امله د ځاني زیانونو په اړه کوم معلومات نه دي خپاره شوي.
دغه زلزله په ټایوان کې د ۱۹۹۹ کال راهیسې تر ټولو ستره او زوروره زلزله بلل شوې ده.
