د طالبانو د اقتصاد وزارت ویاند وایي، په افغانستان کې اوسمهال شاوخوا ۷۲۰ کورنۍ او بهرنۍ موسسې فعالیت کوي. عبدالرحمن حبیب زیاتوي، له دې موسسو ۱۸۲ بهرنۍ او پاتې نورې یې کورنۍ موسسې دي.
د نوموړي په وینا، دغه موسسې په اوو سکټورونو لکه کرنه، ټولنیز خوندیتوب، پوهنه او د روغتیا په برخه کې فعالیتونه کوي.
عبدالرحمن حبیب د طالبانو تر واک لاندې ملي ټلویزیون سره په خبرو کې وویل، چې دغه وزارت د اسلامي ارزښتونو او ملي ګټو په چوکاټ کې د اسانتیاوو په رامنځته کولو سره له دغو بنسټونو سره همکاري کوي.دا په داسې حال کې ده، چې په افغانستان کې د طالبانو له خوا پر ښځو د کار له بندیزونو وروسته ډېر شمېر نادولتي موسسو خپل فعالیتونه بند کړل.که څه هم دغو موسسو له طالبانو وغوښتل، چې د ښځو په کارونو بندیزونه لېرې کړي، خو طالبانو خپله پرېکړه بدله نه کړه.له دې سره ځيني نا دولتي ادارو بیا په ځلونو ویلي، چې طالبان د دغو ادارو په چارو کې لاسوهنې کوي.خو طالبان بیا دغه ادعاوې ردوي.
د طالبانو باخبره سرچینو د افغانستان انټرنشنل ـ پښتو خبریال عبدالحق عمري سره په دې هکله د ملا هبت الله په مشرۍ د طالبانو د یوې غونډې جزیات شریک کړي دی.
د ملا هبت الله مشرۍ دا غونډه د کندهار په ولایت مقام کې د طالبانو په منځ کې د مغرضانه او خپلسرو اقداماتو د مخنیوي په هکله جوړه شوې وه.
د ترلاسه شوو معلوماتو پر بنسټ په دې غونډه کې په دوحه کې د طالبانو سیاسي دفتر کې د طالبانو د دفاع وزارت او استخباراتو لوی ریاست مسوولینو د ناستو او د بهرنیو هېوادونو له استازو سره د لیدنو یادونه او د مخنوي پرېکړې یې شوې ده.
لومړۍ پرېکړه دا شوې ده، چې په دوحه کې د طالبانو سیاسي دفتر په خپلسر له بهرنيو استازو سره نشي لیدلی.
دوهمه پرېکړه دا چې په دوحه کې د ورته غونډو لپاره د طالبانو سیاسي دفتر غړي او په کابل کې طالب چاروکي کې هلته د سفر او لیدنو جربات څو ورځې مخکې د طالبانو د مشر دفتر ته ورسوي.
په پرېکړه کې زیاته شوې چې د مشر دفتر کوم هدایت نه وي کړی، نو طالب چارواکي دې په دې تړاو دې هیڅ اقدام نه کوي، ځکه چې دا نه یوازې «د امیر له حکم سرغړونه ده بلکې په ښګاره ډول دوښمن ته د اسلامي امارت په سپیڅلي صف کې د درز او اختلاف پيدا کولو ته لاره پرانیځي.»
په دې ناسته کې ویل شوي چې «د دوښمن موخه یوازې دا نه ده چې د طالبانو مشران د داعش په واسطه په نښه کړي بلکې د دوښمن ځانکړې هڅه داده، چې د طالبانو په صف کې د اختلافانو پیدا کولو له لارې ځان ځای کړي او پر څو ډلو تر وېشلو وروسته خپل هدف ته ځانونه ورسوي.»
سرچینو افغانستان انټرنشنل ـ پښتو ته وویل، چې له دې غونډې وروسته د ملا هبت الله دفتر یو حکم په دوحه کې د طالبانو سیاسي دفتر ته لېږلی دی.
افغانستان انټرنشنل ـ پښتو د دې مکتوب یوه کاپي له خپلو سرچینو ترلاسه کړې ده.
په دغه حکم کې په دوحه کې د ملګرو ملتونو په مشرۍ د امریکا متحده ایالاتو له استازو سره د طالب چارواکو د لیدونو یادونه شوې ده او لیکل شوی چې د طالبانو له پرلپسې غوښتونو سره تر اوسه په ملګرو ملتونو کې د افغانستان څوکۍ دوی ته نه ده سپارل شوې او د ځانګړي استازي د ټاکلو لپاره هڅې کوي چې دا اقدام په هېڅ صورت طالبانو د منلو نه دی.
په دوحه کې د طالبانو سیاسي دفتر ته د ملا هبت الله د لېږلي حکم په کې اخر کې د سیاسي دفتر له ټولو غړو غوښتنه شوې، چې د حکم پر منلو او عملي کولو کې موکلف دي.
د طالبانو مشر ملا هبت الله په داسې حال کې دا اقدام کوي چې له دې وړاندې د طالبانو دفاع وزارت سرپرست ملا یعقوب مجاهد،د طالبانو د بهرنیو چارو وزیر امیر خان متقي او د استخباراتو لوی رییس عبدالوثیق ترڅنګ ځینې طالب چارواکي دوحې تګ او راتګ لري.
طالبانو ځینې مشران چې په دوحه کې د طالبانو د سیاسي دفتر غړي دي اوس د دغې ډلې په حکومت کې وزیران دي، کورنۍ په دوحه کې اوسیږي.
اوس پوښتنه دا ده چې له دې حکم وروسته به ملا هبت الله د هغو طالب مشرانو د لیدنو مخه ونیسي چې په دوحه کې مېشت دي او په پټه د بهرنیو هېوادونو له استازو سره لیدنې کوي؟
