د پاکستان لومړی وزیر شهباز شريف د نړيوال اقتصادي فورم په ځانګړې غونډه كې د ګدون لپاره د د سعودي عربستان پلازمينې رياض ته لاړ.۔ د پاکستان دولتي رسنۍ له خپلو سرچېنو خبر ورکړی، چې شهباز شریف به د سعودي ولي عهد محمد بن سلمان ال سعود سره هم وګوري.
د پاکستان ملي راډیو ټلوېزیون وايي، لومړی وزیر د نړیوال اقتصادي فورم د مشر کلوس شواب په بلنه دې غونډې ته ورغلی دی.
په دغه راپور کې راغلي، چې شهباز شریف به د نړيوالې روغتیا٬ مالي ټېکنالوژي٬ معلوماتي ټېکنالوژي٬ ټولیز پرمختګ٬ سيمه یيزې همکارۍ او د نړیوالې پراختیا په چوکاټ کې د انرژۍ د متوازن استعمال په اړه د پاكستان دريځ وړاندې کړي.
په دې سفر کې به لومړی وزیر د نړۍ له مهمو مشرانو، د نړيوالو ادارو له مشرانو او نورو مهمو شخصيتونو سره هم لیدنې ولري.
د پاکستان د لومړي وزیر سره په دغه سفر کې د دې هېواد د مالیې وزیر اسحاق ډار او د خزانې وزیر محمد اورنګزېب په شمول یو لوړ رتبه پلاوی یې ملتیا کوي.
په وروستیو کې پاکستان له اقتصادي بحران سره لاس او ګرېوان دي، چې یوازې تمه یې د پیسو نړیوال صندوق ته ده، چې پور ورکړي.
