د پاکستان لومړی وزیر په نړیواله اقتصادي غونډه کې د ګډون لپاره ریاض ته لاړ

د امریکا ولسمشر جوبایډن د چهارشنبې په ورځ (د غویي ۵مه) له اوکراین، اسراییل او تایوان سره د ۹۵ میلیارده ډالرو مرستې سند لاسلیک کړ او ویې ویل، چې دا مرستې به په څو ساعتونو کې پیل شي.

د مرستو په دغه بسته کې له اوکراین سره ۶۱ میلیارده ډالره، اسراییل سره ۲۶ میلیارده ډالره او ټایوان سره ۸ میلیارده ډالره مرستې شاملې دي.

سټولټنبرګ له اوکراین سره د امریکا مرستو ته په اشارې سره وویل، چې د بریتانیا، جرمني او هالنډ په ګډون نورو هېوادونو هم نوې ژمنې کړې دي.

هغه وویل، «اوس زموږ دنده دا ده چې دغه ژمنې د وسلو او مهماتو په بستو بدلې کړو، او دا کار به په چټکۍ سره ترسره کړو.»

سټولټنبرګ په چین هم نیوکه وکړه او بیجینګ یې روسیې ته د پرمختللې ټکنالوژۍ په ورکولو تورن کړ. هغه وویل، چې چین «د روسیې جګړه ییز اقتصاد ته وده ورکړې»، او کولای شي له دغو پیسو د ټانکونو، توغندیو او الوتکو په جوړولو کې استفاده وکړي.

هغه وويل: «چين وايي له لوېديځ سره د ښو اړیکو غوښتونکی دی. خو په ورته وخت کې، بیجینګ د دویمې نړیوالې جګړې وروسته د اروپا تر ټولو سترې جګړې ملاتړ ته دوام ورکوي.»

هغه چین ته خبرداری ورکړ چې په یو وخت کې دواړه لوري نشي نیولی.

وانګ يي د خبردارۍ په ډول ویلي: «ایا چین او امریکا باید د ثبات پر لور ولاړ شي که د کړکیچ پر لور؟

هغه زیاته کړه، چې هغه سخت کړکېچونه چې تېر کال د دواړو هېوادونو ترمنځ و تر یوه حده راکم شوي او اړیکې د ثبات په لور روانې دي. هغه د هغو منفي عواملو په اړه هم خبرې وکړې چې د دواړو هېوادونو ثبات له ګواښ سره مخامخ کولای شي.

د چین د بهرنیو چارو وزیر وویل: «د [امریکا او چین] په اړیکو کې کړکیچ دوام لري، او دا اړیکې له ګڼو اختلالاتو سره مل دي.

که څه هم وانګ يي د دغو منفي عواملو ماهيت روښانه نه کړ، خو ښايي په دې کې د سوداګرۍ، د بشري حقونو موضوع، تايوان او د سویلي چين په سیند کې پوځي فعاليتونه شامل وي. هغه ویلي دي، چې هېوادونه کولی شي همکارۍ یا جنجال کې ښکیل شي او حتی «جګړې ته لاړ شي.»

انتوني بلنکن چې له يوه کال څخه په کمه موده کې چين ته په خپل دویم سفر تللی دی، په ډېرې محتاطه لهجې د فعالې ډيپلوماسۍ لپاره د دواړو هېوادونو پر ژمنو او د اړيکو پر پرمختګ ټينګار کړی.

هغه وویل، چې دی به د دواړو هېوادونو ترمنځ د اختلافاتو په اړه په ښکاره او مستقیمه توګه خبرې وکړي ترڅو د غلطو محاسبو مخه ونیول شي.

که څه هم دا غونډه د واشنګټن او بیجینګ ترمنځ د ډیالوګ او ډیپلوماسۍ د پام وړ زیاتوالي برخه ده، خو د اوکراین جګړه، تایوان او سوداګرۍ په ګډون د بېلابېلو مسایلو له امله د دواړو هېوادونو ترمنځ د کړکېچ کچه لا هم لوړه ده.

د بریتانیا لومړۍ وزیر ریشي سونګ تمه لري چې لومړۍ الوتنې به له ۱۰ څخه تر ۱۲ اونیو کې ترسره شي.

د بريتانيا پارلمان د همدې اونۍ په سر کې روانډا ته د پناه غوښتونکو د لېږد لايحه تصويب کړه. دغه پلان د بشري حقونو د سازمانونو له خوا په پراخه کچه تر نیوکو لاندې راغی.

رونډا، چې د کډوالو د هرکلي مخښینه لري، د هغو پناه غوښتونکو له پاره چې له بریتانیا څخه لیږدول کیږي موقت استوګنځي چمتو کړي دي. په دغو استوګنځیو کې به د پناه غوښتونکو د پناه غوښتنې بهیر ترسره کیږي او د هغوې د اوسیدو ځایونه به په کې وي.

د روندا د حکومت د ویاند مرستیال وویل، چې دغه هېواد لا د پناه غوښتونکو د انتقال د پیل، شمېر او نېټې په اړه کوم معلومات نه دی ترلاسه کړی.

بریتانیا وايي، چې دا پلان پهه وړو کښتیو کې د مانش له خطرناکه کانال څخه د پناه غووښتونکو د راتګ مخه نیسي.

بریتانیا لا دمخه روانډا ته د دې طرحې له پاره له ۲۰۰ میلیونه پونډ (۲۵۰ میلیون ډالرو) څخه ډېرې پیسې ورکړي دي او کیدی شي شاوخوا ۳۰۰ پناه غووښتونکو ته د استوګنې برابرول، له ۶۰۰ میلیونه پونډو څخه ډېر لګښت ولري.

ښاغلي شویګو نن د قزاقستان په پلازمېنه استانه کې د شانګهای همکارۍ سازمان د دفاع وزیرانو په غونډه کې د امریکا پر هغو هڅو نیوکه وکړه چې له افغانستانه له وتلو وروسته یې په سویلي او منځنۍ اسیا کې واک ته د بیا رسیدلو لپاره کوي.

په افغانستان کې د افراطي وسله والو ډلو شتون او د دغو ډلو په ځانګړې توګه د داعش خراسان له خوا د بهرنیو بریدونو زیاتوالي د منځنۍ اسیا هېوادونو ته امنیتي اندېښنې رامنځته کړې دي.

د روسیې دفاع وزیر په سیمه کې د امریکا د پوځي بنسټونو جوړول د شانګهای د همکاریو سازمان د ثبات لپاره مستقیم ګواښ وباله او ویې ویل چې دغه «هدفونه باید د شانګهای همکاریو سازمان د ثبات لپاره مستقیم ګواښ» وګڼل شي.

د هغه په ​​وينا، امريکا هڅه کوي، چې د خپلې واکمنۍ لپاره په اسيا او اقیانوسیه کې نوی امنيتي سيسټم تحمیل کړي.

د شانګهای همکارۍ سازمان د دفاع وزیرانو په غونډه کې د وینا پر مهال، سرګي شویګو پر ګډونوالو غږ وکړ چې د بهرنیو له"ویجاړونکي نفوذ" د سازمان ثبات وساتي.

هغه په ​​ځانګړې توګه د "رنګي انقلابونو" هڅو ته اشاره وکړه او د یو داسې سیسټم د جوړیدوغوښتنه یې وکړه چې په هغه کې د ټولو اوراسیا یا یوریشیا هېوادونو امنیت یو شان تضمین شي.

د دغې ماشومې پالونکی ډاکټر وايي، پر هغې صابرین الروح نوم ایښودل شوی و.

د هغې مور، صبرین السکاني د شنبې په شپه هغه مهال سخته ټپي شوه کله چې اسراییل د غزې سویل ته په رفح ښار کې د هغوی په کور بمبار وکړ.

په دغه برید کې د نوموړې میړه شکري او د هغوی درې کلنه لور ملکه ووژل شول.

صبرین السکاني چې د ۳۰ اونیو میندواره وه، په رفح کې د اماراتو روغتون ته وړل شوې وه. هغه د خپلو ټپونو له امله مړه شوه، خو ډاکټرانو یې ماشومه وژغورله.

د اماراتو په روغتون کې د نوزېږو د بیړنۍ څانګې مشر ډاکټر محمد سلامه وویل، چې دغې ماشومې د تنفسي ستونزو او د معافیت د ضعیف سیسټم له امله د پنجشنبې په ورځ خپل ژوند له لاسه ورکړی دی.

د هغې کوچنی جسد په رفح ښار کې د شګو هدیره کې خاورو ته وسپارل شو.

ډاکټر محمد سلامه رویټرز ته د ټلیفون له لارې وویل: "ما او نورو ډاکټرانو د هغې د ژغورلو هڅه وکړه، خو هغه مړه شوه. زما لپاره په شخصي توګه، دا یوه ډیره سخته او دردونکې ورځ وه."

سلامه وايي: "هغه په داسې حال کې زېږېدلې وه چې تنفسي سيستم يې د فعالیت کچې ته نه و رسیدلی او د معافيت سيستم يې ډېر کمزورى و او همدا د هغې د مړينې لامل شو. هغه د يوې شهيدې په توګه له خپلې کورنۍ سره يو ځاى شوه."

د غزې د روغتیا وزارت د معلوماتو له مخې، په غزه کې د اسراییل او حماس وسله والو ترمنځ په شپږ میاشتنۍ جګړه کې تر ۳۴ زرو ډېر فلسطینیان چې ډېری یې ښځې او ماشومان دي، وژل شوي دي.

اسراییل دا ردوي چې د حماس د له منځه وړلو په جګړه کې په قصدي ډول ملکي وګړي په نښه کوي.