بیجینګ واشنګټن ته خبرداری ورکړی چې د چین له سرې کرښې دې نه تیریږي
د چین د بهرنیو چارو وزیر له خپل امریکايي سیال سره په لیدنه کې د چین حاکمیت، امنیت او پرمختګ د دغه هیواد سره کرښه بللې او له واشنګټنه یې غوښتي چې له دې کرښې تېر نه شي.
د چین د بهرنیو چارو وزیر له خپل امریکايي سیال سره په لیدنه کې د چین حاکمیت، امنیت او پرمختګ د دغه هیواد سره کرښه بللې او له واشنګټنه یې غوښتي چې له دې کرښې تېر نه شي.
وانګ يي د خبردارۍ په ډول ویلي: «ایا چین او امریکا باید د ثبات پر لور ولاړ شي که د کړکیچ پر لور؟
هغه زیاته کړه، چې هغه سخت کړکېچونه چې تېر کال د دواړو هېوادونو ترمنځ و تر یوه حده راکم شوي او اړیکې د ثبات په لور روانې دي. هغه د هغو منفي عواملو په اړه هم خبرې وکړې چې د دواړو هېوادونو ثبات له ګواښ سره مخامخ کولای شي.
د چین د بهرنیو چارو وزیر وویل: «د [امریکا او چین] په اړیکو کې کړکیچ دوام لري، او دا اړیکې له ګڼو اختلالاتو سره مل دي.
که څه هم وانګ يي د دغو منفي عواملو ماهيت روښانه نه کړ، خو ښايي په دې کې د سوداګرۍ، د بشري حقونو موضوع، تايوان او د سویلي چين په سیند کې پوځي فعاليتونه شامل وي. هغه ویلي دي، چې هېوادونه کولی شي همکارۍ یا جنجال کې ښکیل شي او حتی «جګړې ته لاړ شي.»
انتوني بلنکن چې له يوه کال څخه په کمه موده کې چين ته په خپل دویم سفر تللی دی، په ډېرې محتاطه لهجې د فعالې ډيپلوماسۍ لپاره د دواړو هېوادونو پر ژمنو او د اړيکو پر پرمختګ ټينګار کړی.
هغه وویل، چې دی به د دواړو هېوادونو ترمنځ د اختلافاتو په اړه په ښکاره او مستقیمه توګه خبرې وکړي ترڅو د غلطو محاسبو مخه ونیول شي.
که څه هم دا غونډه د واشنګټن او بیجینګ ترمنځ د ډیالوګ او ډیپلوماسۍ د پام وړ زیاتوالي برخه ده، خو د اوکراین جګړه، تایوان او سوداګرۍ په ګډون د بېلابېلو مسایلو له امله د دواړو هېوادونو ترمنځ د کړکېچ کچه لا هم لوړه ده.
