د ایرلنډ مرستیال لومړی وزیر: بریتانیا د روانډا پلان سره کډوال زموږ تر پولو را رسوي

د اروپايي ټولنې په پاڼه په خپره شوې خبرپاڼه کې راغلي، د ۲۰۲۳ کال له جنورۍ څخه د ۲۰۲۴ کال تر اپرېل پورې له پاکستان او ایرانه څه باندې ۱.۵ مېلیونه افغانان راستانه شوي دي.

د دغې ټولنې په وینا، د کډوالۍ نړۍواله اداره به د روغتیایي پاملرنې، حقوقي مرستې، حرفوي زده‌کړې او تعلیم په برخه کې ځینې اسانتیاوې هم چمتو کړي.
دغه ټولنه ټینګار کوي، چې په راستنېدونکو کسانو کې تر ټولو ډېر ښځې او ماشومان زیانمنونکي دي چې دوی ته تر ټولو ډېر لومړیتوب ورکوي.
په افغانستان کې د کډوالۍ نړۍوالې ادارې مشرې ماریا مویتا وویل:« له اروپايي ټولنې سره دوامداره ملګرتیا زموږ د ډلو په پیاوړتیا کې د سلګونه زرو راستنېدونکو او نورو زیان منونکو کسانو ته د رسېدو لپاره خورا اړینه ده.»

له بل پلوه همدا تېره ورځ په کراچۍ کې د طالبانو کونسلګرۍ خبر ورکړ، چې په سند صوبه کې د ښځو او ماشومانو په ګډون ۶۳ افغان بندیان له زندانه خوشې شول.

په کراچۍ ښار کې د طالبانو تر کنټرول لاندې د افغانستان کونسلګرۍ د یوې خبرپاڼې په خپرولو سره ویلي، یاد شمېر کسان تر هغه وروسته نیول شوي وو، چې په خپله خوښه یې غوښتل دغه هېواد پرېږدي او د افغانستان خوا ته روان وو.

دغو هېوادونو د یرغمل شویو بندیانو د خلاصون په بدل کې په غزه کې د سمدستي او اوږدمهاله اوربند وړاندیز وکړ.

د امریکا د متحده ایالتونو، ارجنټاین، اتریش، برازیل، بلغاریا، کاناډا، کولمبیا، ډنمارک، فرانسې، جرمني، هنګري، پولنډ، پرتګال، رومانیا، سربیا، هسپانیا، تایلنډ او بریتانیا هېوادونو مشران د دغې لیک لاسلیک کوونکي دي.

د دغو هېوادونو په ګډ لیک کې چې د پنجشنبې په ورځ خپور شو، راغلي: «موږ د ټولو هغو یرغمل شویو کسانو د سمدستي خوشې کېدو غوښتنه کوو چې حماس له ۲۰۰ورځو راهیسې په غزه کې ساتلي دي. په دوی کې زموږ خپل وګړي هم شامل دي."

دوی زیاته کړه: "موږ ټینګار کوو چې د یرغمل شویو خوشې کولو له پاره تر لاس لاندې هوکړه به په غزه کې د سمدستي او اوږد مهاله اوربند لامل شي، چې دا به په غزه کې د اړتیا وړ بشري مرستو زیاتیدل اسانه کړي او د شخړو د پاې ته رسولو لامل به شي."

خو د حماس یوه جګپوړي چارواکي سامي ابوزهري رویټرز خبري اژانس ته ویلي، چې دغه ډله به له یاد لیک څخه اغیزمنه نه شي او د امریکې فشار ورته ارزښت نه لري.

د حماس دغه جګپوړي چارواکي ټینګار کړی چې امریکا باید اسراییل دې ته اړ کړي چې په غزه کې خپل پوځي "تېري" پای ته ورسوي.

رویټرز د یوه امریکايي چارواکي له قوله لیکلي: "داسې نښې شته چې ښايي د یرغمل شویو کسانو په اړه یوې موافقې ته د رسېدو لپاره یوه لاره وي، خو دا لاره لا معلومه نه ده."

خو یوه جګپوړي امریکايي چارواکي رسنیو ته د دغه لیک په اړه څرګنده کړې چې په غزه کې د حماس مشر یحیی سنوار د اوربند پر ځای د یرغمل شوو ساتل غوره بولي.

د حماس وسله والو د تېر کال د اکټوبر په اوومه د اسراييل پر سویلي سيمو په بريد کې تر ۲۵۰ډېر کسان يرغمل کړل. وروسته، ۱۰۵ کسان یې د تیر نومبر په میاشت کې د یوې اونۍ اوربند په ترڅ کې د فلسطیني بندیانو سره تبادله کړل.

دا لیک په داسې حال کې خپریږي چې اسراییل د غزې په سویلي ښار رفح کې له مخکې د ځمکني عملیاتو د پیلولو پلان لري.

اسراییلي رسنیو ویلي، چې د دغه هیواد پوځ حکومت د عملیاتو له پاره چمتو دی.

د ترکیې د کورنیو چارو وزارت د پنجشنبې په ورځ (د غویي ۶مه) په اېکس ټولنیزي شبکې خپرې کړې اعلامیه کې ویلي، چې ۲۳ کسان یې د داعش د غړیتوب په شک نیولي دي.

دغه کسان د چاناک قلعه، هاتای، قونیه، ساکاریا، تکیرداغ، یالوا او یوزګات په ښارونو کې نیول شوي دي.

په مسکو کې د داعش - خراسان ډلې له برید وروسته ترکیې په خپلو بېلابېلو ښارونو کې له داعش سره د همکارۍ په تور د مشکوکو کسانو د پېژندلو او نیولو عملیات چټک کړي دي.

د هغو بریدګرو له ډلې څخه یوه بریدګر چې تېره میاشت یې په مسکو کې د کروکوس کنسرت پر تالار برید وکړ، له ترکیې څخه الوتنه کړې وه.

د پاریس په سوربون پوهنتون کې په یوه وینا کې، هغه دا هم وویل، چې دغه لویه وچه باید د متحده ایالاتو تابع نه اوسي.

ماکرون وویل: "دا خطر شته چې زموږ اروپا له منځه ولاړه شي. موږ د خطرونو سره د مقابلې لپاره مجهز نه یو."

۴۶ کلن مکرون چې د خپلې ولسمشرۍ په دویمه او وروستۍ دوره کې دی او د واک یې یوازې درې کاله پاتي، غواړي خپلو منتقدینو ته وښیې چې هغه انرژي او نوي فکر چې نوموړی یې په ۲۰۱۷ کال کې واک ته رسولی و، اوس هم ورسره شته دی او دا چې اوس کوم تنبل مشر نه دی.

نوموړي په دغه وینا کې، چې نږدې دوه ساعته یې دوام وکړ، خبرداری ورکړ چې پوځي، اقتصادي او نور فشارونه کولی شي د ۲۷ هیوادونو اروپايي ټولنه کمزورې او سره وویشي.

هغه وویل، چې روسیې ته باید اجازه ورنکړل شي چې په اوکراین کې بریا ترلاسه کړي. نوموړي په اروپا کې د انټرڼیټي امنیت د ظرفیت د لوړولو، له بریکسټ وروسته له بریتانیا سره د نږدې دفاعي اړیکو او د لوړ پوړو پوځي پرسونل د روزنې لپاره د اروپا د اکاډمۍ د جوړولو غوښتنه وکړه.

هغه وویل، اروپایان باید د اروپا جوړ شوي پوځي تجهیزاتو اخیستلو ته لومړیتوب ورکړي.

ښاغلي مکرون وايي: "موږ باید ډیر تولید وکړو، موږ باید چټک تولید وکړو، او موږ باید اروپايي تولید ولرو. "

دغه وینا، په اروپايي ټولنې کې د مکرون د اصلي ملګري، د المان لومړي وزیر اولاف شولز ملاتړ هم ترلاسه کړی دی. سره له دې چې دواړو خواوو د دفاعي برخو او تجارت په اړه سره فکري تفاوتونه لرلي دي.

شولز په یوه اعلامیه کې وویل: "فرانسه او المان غواړي چې اروپا پیاوړې وي. ستاسو وینا دې موخې ته د رسیدو لپاره ښه ټکي لري."

مکرون له اوږدې مودې راهیسې د اروپا د "ستراتیژیکې خپلواکۍ" غوښتنه کړې او ویلي یې دي، چې باید په متحده ایالاتو لږه تکیه وشي.

د پاکستان دولتي راډیو وايي، چې پوځ په خیبر کې د دریو وسلوالو پر وژلو سربېره وسلې او مهمات هم موندلي دي.

د پوځ د نن ورځې عملیات په دغه سیمه کې د ۱۵ ملېشه ځواکونو له ټپي کېدو یوه ورځ وروسته شوي دي.

د پاکستان پوځ له نږدې دوو میاشتو راهیسې په خیبر کې د وسلوالو پرضد عملیات پیل کړي دي، خو لا هم د دې پر دوی د پخوا په څېر بریدونه کېږي.