په بدخشان کې د غورځول شويو ډرونونو جوړښت د طالبانو ډرون ټکنالوژۍ ته ورته دی

د افغانستان د پخواني ولسمشر لومړي مرستیال امرالله صالح نن شنبه، د زمري پر درېیمه، په خپله اېکس پاڼه لیکلي چې د طالبانو ماته به د خلکو لپاره یو ملي جشن وي او د هېواد د اوسېدونکو په مخونو کې به د خوښۍ نښې راڅرګندې شي.

نوموړي زیاته کړې چې د طالبانو تر بیرغ او جوړښت لاندې ملي یووالی نه‌ یوازې ممکن نه دی، بلکې ورځ تر بلې د له منځه تلو په حال کې دی.

د هغه په وینا، افغانستان به د یو واحد هېواد په توګه پاتې شي او هېڅکله به تجزیه نه شي.

هغه همداراز د طالبانو پر وړاندې مبارزه د سیاسي او پوځي لیدلوري له مخې د نویو ایتلافونو د رامنځته کېدو لامل وبلله چې په افقي توګه به له یو بل سره تعامل ولري.

امرالله صالح د «ټولګډونه حکومت» اصطلاح یوه بې‌مانا او غولوونکې کلمه بللې او ټینګار یې کړی چې داسې حکومت به هېڅکله جوړ نه شي.

هغه ویلي چې افغانستان به په راتلونکي کې د یو ملي او ولسي حکومت خاوند شي چې نوې نسل او عام خلک به پکې د رایې ورکولو له لارې د واک برخلیک ټاکي.

د هغه په وینا، «منافقین» افشا شوي او د هېواد راتلونکی سیاسي افق به روښانه وي.

د پخواني ولسمشر لومړي مرستیال د خپلو څرګندونو په دوام کې ویلي، چې د طالبانو تر واکمنۍ لاندې به د ټاپي پروژه پلې نه شي او چین به هم د عینکو د مسو کان استخراج نه کړي.

هغه همداراز د عزیزي بانک د ۱۰ زره میګاواټه برښنا پروژه یوازې یو بې‌محتوا سرلیک بللی او له خلکو یې غوښتي چې د مطبوعاتي تبلیغاتو ښکار نه شي.

صالح زیاته کړې چې د واک د وېش مساله به په راتلونکي کې د ټولپوښتنې، لویې جرګې یا اساسي قانون له لارې حل شي.

د طالبانو د صنعت او سوداګرۍ وزارت په وینا، دغه پلاوي ته د کابل په نړیوال هوايي ډګر کې د صنعت او سوداګرۍ وزیر نورالدین عزیزي هرکلی ووایه.

وزارت وايي، کابل ته د ازبکستاني پلاوي د سفر موخه د طالبانو له چارواکو او د افغانستان له خصوصي سکتور سره لیدنې او خبرې او همدارنګه په سوداګریز فورم کې ګډون دی.

ټاکل شوې چې د پلاوي د سفر پر مهال د دواړو هېوادونو ترمنځ د سوداګریزو او اقتصادي همکاریو د پراختیا په اړه خبرې وشي او د خصوصي سکتورونو ترمنځ د اړیکو د پیاوړتیا لپاره د ګډو فرصتونو په اړه بحث وشي.

په دغه پلاوي کې د ازبکستان د سردریا ولایت سوداګر او پانګوال هم شامل دي، چې څو ورځې وړاندې د افغانستان د څه باندې ۱۰۰ سوداګرو کوربه و.

د طالبانو او ازبکستان ترمنځ په دې وروستیو کې اقتصادي او سوداګریزې اړیکې پراخې شوې او د دواړو خواوو جګپوړو پلاویو له دې وړاندې هم سره لیدلي دي.

د افغانستان لپاره د مېرمنو سازمان دا لیک په خپل اېکس کې خپور کړی او ټینګار یې کړی چې دا ډول تعامل باید له ساده مشورو هاخوا لاړ شي او په سیاسي پروسو کې د افغان ښځو او نورو ښکېلو غاړو رښتینې ونډه باوري کړي.

په دغه پرانیستي لیک کې د ملګرو ملتونو د امنیت شورا د ۲۷۲۱ پرېکړه لیک پر بنسټ د خپلواکې ارزونې د سپارښتنو پر بشپړ پلي کېدو او د افغانستان لپاره د ملګرو ملتونو د ځانګړي استازي پر ټاکلو ټینګار شوی دی.

د سیاسي پرمختګونو د ارزونې لپاره د روښانه شاخصونو ټاکل او په ټولو سیاسي خبرو اترو کې د ښځو بشپړ، برابر او مانا لرونکی ګډون د دغه لیک نورې مهمې غوښتنې دي.

دغه سازمان د ملګرو ملتونو د مرستندویه ماموریت یا یوناما د روڼتیا او حساب ورکونې د پیاوړتیا غوښتنه هم کړې ده.

د افغانستان لپاره د مېرمنو سازمان پر ملګرو ملتونو غږ کړی چې د دغو وړاندیزونو د عملي کولو او د اغېزناک مشرتابه له لارې د یوې داسې باوري او ټولشموله سیاسي پروسې لپاره لاره هواره کړي چې د افغانستان د ټولو وګړو د ارادې ښکارندویي وکړي.

دغه سازمان د ټولنیزو رسنیو له لارې هم پر نړیواله ټولنه غږ کړی چې په افغانستان کې د یوه رښتیني سیاسي بهیر د رامنځته کېدو ملاتړ وکړي.

د هلمند ولایت د طالبانو د اطلاعاتو او کلتور ریاست د شنبې په ورځ د رسنیو له مسوولانو سره د همغږۍ غونډه کې غوښتي، چې د خپلو خپرونو کیفیت او محتوا ته پام وکړي او د هغو مطالبو له خپرولو ډډه وکړي چې ددوی په وینا، د اسلامي اخلاقو او افغاني ټولنې خلاف وي.

د طالبانو د فرهنګ او ګرځندوی امر حیات الله یوسف په غونډه کې ټینګار کړی چې څوک په رسنیو کې د ویاند، کوربه یا شنونکي په توګه کار کوي، باید د خپلې موضوع په اړه بشپړ چمتووالی ولري او له ناسمو او پاروونکو څرګندونو ډډه وکړي.

هغه زیاته کړې چې رسنۍ پر عامه ذهنیت مستقیم اغېز لري او باید د داسې مطالبو له خپرولو ډډه وکړي چې په ټولنه کې د «فساد او اختلاف» لامل کېږي.

د طالبانو له بیا ځلي واک ته رسېدو سره دې ډلې په افغانستان کې رسنۍ سانسور کړې دي او رسنۍ په ازاده توګه فعالیت نه شي کولی.

د طالبانو د کرنې، اوبو لګولو او مالدارۍ وزارت نن شنبه، د زمري په درېیمه، وویل چې په دې لیدنه کې دواړو لوریو د افغانستان او ترکیې ترمنځ د اقتصادي همکاریو پر پیاوړتیا ټینګار وکړ.

د طالبانو د کرنې وزیر له ترکي ډیپلومات څخه وغوښتل چې د افغان سوداګرو او ناروغانو لپاره د ویزو په ترلاسه کولو کې لازمې اسانتیاوې برابرې کړي څو دوه اړخیزه سوداګري او تګ راتګ اسانه شي.

د طالبانو د کرنې، اوبو لګولو او مالدارۍ وزارت په یوه خبرپاڼه کې ویلي چې په دې کتنه کې د کرنې په سکتور کې د ترکیې د پانګونې او د افغاني کرنیزو محصولاتو لپاره د بازار موندنې په اړه هم خبرې وشوې.

عطاءالله عمري ویلي چې افغانستان د کرنې په برخه کې د پانګونې لپاره ښه فرصتونه لري او دوی په دې برخه کې د ترکي پانګوالو ملاتړ کوي.

د طالبانو کرونې وزارت د ترکیې شارژدافیر ساډین اییلډیز له قوله ویلي، چې هغه د کرنې او مالدارۍ په برخو کې د همکاریو د دوام ډاډ ورکړی او ژمنیه یې کړې، چې د افغان سوداګرو د ستونزو د هوارولو او د ویزو په برخه کې د اسانتیاوو برابرولو په تړاو به له اړوندو ترکي چارواکو سره وغږیږي.