د ټرمپ په اړه د بایډن ټوکه: زه هغه لوی سړی یم چې له شپږ کلن ماشوم سره سیالي کوي

پاکستاني رسنۍ وايي، د پاکستان په اړه تېر کال د ملګرو ملتونو د یوه راپور له مخې، په دغه هېواد کې ۲۲ میلیونه نا واده کړي هلکان او نجونې د واده کولو په تمه دي.

د راپورونو له مخې، د نجونو د غوښتلو لپاره د مناسبو کورنیو نه شتون له امله د نجونو مور او پلار خپلې لوڼې د خپل کاکا یا ماما اولادونو ته ور ودوي، که هغه نه وي بیا یې نورو خپلوانو او یا په خپل قوم کې چاته ور واده کوي، او که هغه هم نه وي بیا یې په زړه نا زړه حالت کې له خپلې کورنۍ او قوم څخه د باندې کوم چاته ور په نکاح کوي.

بل خوا په پاکستان کې د واده کولو مشهور اپلیکېشن (دل کا رشته) تر ډیره د هغو کسانو ستونزه حل کړې ده چې د واده کولو لپاره مناسبې کورنۍ نه ورته پیدا کیږي. او ډیری پاکستاني نجونې او هلکان د دغه اپلیکېشن له لارې د خپل ژوند ملګری ځانته پیدا کوي.

د پاکستاني رسنیو د راپورونو له مخې د یاد اپلیکېشن له لارې سلګونه زره کسان یو بل ته ور پېژندل شوي او زرګونو کسانو د یاد اپلیکېشن له لارې په بریالیتوب واده کړی دی.

د پولیسو چارواکو ویلي، چې د انډیانا پوهنتون له زده‌کړیالانو یې وغوښتل، چې خپلې خیمې لیرې کړي، خو هغوی له دغه امره سرغړونه کړې. د پولیسو په وینا یو شمېر یې د همدې سرغړونې له امله نیولي دي.

په بوسټن کې د نورډ ایسټرن پوهنتون هم په یوه خبرپاڼه کې لیکلي چې پوهنتون ته یې هغه مهال پولیس راوبلل کله چې د لاریونونو یو شمیر سمبالوونکو چې له پوهنتون سره یې تړاو نه لرل د لاریون کوونکو محصلانو په ډله کې ننوتي وو.

۶۹ نور اعتراض کوونکي زده‌کړیالان د ایروزونا ایالت په پوهنتون کې هم نیول شوي.

دغه پوهنتون هم په یوه بیان کې لیکلي، چې د دغه پوهنتون د زده‌کړیالانو، استادانو او کارکوونکو له ډلې نه دي، یوې ډلې چې د اعتراض خیمې درولې، د پولیسو له امر څخه له سرغړونې وروسته نیول شوي دي.

دفلسطین پلوه محصلانو لاریونونه هغه مهال د امریکا په ټولو پوهنتونونو کې پراخ شول چې پولیسو تېره اونۍ د کولمبیا په پوهنتون کې شاوخوا ۱۰۰ لاریون کوونکي زده‌کړیالان ونیول.

دا کړنه د دې لامل شوه چې لاريونونه نورو پوهنتونونو ته وغځېدل او پوليسو ګڼ شمېر زده‌کړیالان ونيول.

دغه زده‌کړیالان په غزه کې د اوربند، د اسراییلي پوځ اړوند شرکتونو سره د خپلو پوهنتونونو د اړیکو د ختمولو او دغه راز له دغه هیواد سره د امریکا د پوځي مرستو د بندېدو غوښتنه کوي.

د لاریون کوونکو په نورو غوښتنو کې د هغو محصلانو او کارکوونکو لپاره بخښنه ده چې د اسراییل پر ضد د لاریونونو په ترڅ کې د انضباطي ګامونو او ګوښه کولو سره مخامخ شوي دي.

تر دې دمه د امریکا په بېلابېلو پوهنتونونو کې سلګونه محصلان نیول شوي چې د پولیسو له لوري د لاریونونو له ځای څخه د وتلو امر یې نه دی منلی.

د محصلانو د دغه غورځنګ فعالانو له پراخو نیول کېدو سره هم خپلو لاریونونو ته د دوام ورکولو ژمنه کړې ده.

د هغه قانون له مخې چې یوه نخسه یې رویټرز له نږدې لیدلې، د قانون هدف «د نړۍ په کچه د همجنسبازۍ له پراخې بلنې او عراقي ټولنه له اخلاقي فساد څخه ساتل دي.»

په دغه لایحه کې مخکې همجنسبازانو ته د مرګ سزا شامله وه، خو مخکې له دې چې تصویب شي د امریکا او اروپايي هېوادونو له سخت مخالفت وروسته بدله شوه.

د شنبې تر ورځې پورې، عراق کې په ښکاره توګه د همجنسبازۍ اړیکه جرم نه بلل کېده، که څه هم د دې جزا کوډ کې تعریف شوي اخلاقي بندونه د نرښځيانو په نښه کولو لپاره کارول شوي.

د عراق د فحاشۍ او همجنسبازۍ ضد قانون د همجنسبازۍ اړېکې ته د لږ تر لږه ۱۰ کلونو او پورته ۱۵ کلونو بند سزا ورکوي، او هغه کسان چې همجنسبازۍ یا فحشا ته وده ورکوي لږ تر لږه په اوه کاله بند محکوموي.

د هغو کسانو لپاره چې خپل «بیولوژیکي جنس» بدلوي یا په قصدي ډول د ښځو په څېر جامې اغوندي د یو څخه تر دریو کلونو پورې د بند سزا هم ورکوي.

د بشري حقونو د څار په اداره کې د نرښځيانو د حقونو د پروګرام مرستیالې، راشا یونس وویل: «د عراق د پارلمان لخوا د نرښځيانو ضد قانون تصویب په عراق کې د نرښځيانو له حقونو څخه د سرغړونې یو ریکارډ رامینځته کوي او د بشر اساسي حقونو لپاره یو جدي ګوزار دی.»

لویو عراقي ګوندونو په تیر کال کې د نرښځيانود حقونو په اړه خپلې نیوکې زیاتې کړې، او د واکمن او اپوزیسیون ګوندونو محافظه کاره شیعه ډلو لخوا تیر کال د لاریونونو په ترڅ کې، زرغونه لروونکي بیرغونه په ځلونو وسوځول شول.

د راپورونو له مخې، له ۶۰ څخه ډیر هیوادونه همجنسبازي جرم ګڼي، په داسې حال کې چې په ۱۳۰ هیوادونو کې همجنسبازي په قانوني ډول ترسره کیږي.

د پاکستان ملي راډیو ټلوېزیون وايي، لومړی وزیر د نړیوال اقتصادي فورم د مشر کلوس شواب په بلنه دې غونډې ته ورغلی دی.

په دغه راپور کې راغلي، چې شهباز شریف به د نړيوالې روغتیا٬ مالي ټېکنالوژي٬ معلوماتي ټېکنالوژي٬ ټولیز پرمختګ٬ سيمه یيزې همکارۍ او د نړیوالې پراختیا په چوکاټ کې د انرژۍ د متوازن استعمال په اړه د پاكستان دريځ وړاندې کړي.

په دې سفر کې به لومړی وزیر د نړۍ له مهمو مشرانو، د نړيوالو ادارو له مشرانو او نورو مهمو شخصيتونو سره هم لیدنې ولري.

د پاکستان د لومړي وزیر سره په دغه سفر کې د دې هېواد د مالیې وزیر اسحاق ډار او د خزانې وزیر محمد اورنګزېب په شمول یو لوړ رتبه پلاوی یې ملتیا کوي.

په وروستیو کې پاکستان له اقتصادي بحران سره لاس او ګرېوان دي، چې یوازې تمه یې د پیسو نړیوال صندوق ته ده، چې پور ورکړي.

د امریکا ولسمشر جوبایډن د چهارشنبې په ورځ (د غویي ۵مه) له اوکراین، اسراییل او تایوان سره د ۹۵ میلیارده ډالرو مرستې سند لاسلیک کړ او ویې ویل، چې دا مرستې به په څو ساعتونو کې پیل شي.

د مرستو په دغه بسته کې له اوکراین سره ۶۱ میلیارده ډالره، اسراییل سره ۲۶ میلیارده ډالره او ټایوان سره ۸ میلیارده ډالره مرستې شاملې دي.

سټولټنبرګ له اوکراین سره د امریکا مرستو ته په اشارې سره وویل، چې د بریتانیا، جرمني او هالنډ په ګډون نورو هېوادونو هم نوې ژمنې کړې دي.

هغه وویل، «اوس زموږ دنده دا ده چې دغه ژمنې د وسلو او مهماتو په بستو بدلې کړو، او دا کار به په چټکۍ سره ترسره کړو.»

سټولټنبرګ په چین هم نیوکه وکړه او بیجینګ یې روسیې ته د پرمختللې ټکنالوژۍ په ورکولو تورن کړ. هغه وویل، چې چین «د روسیې جګړه ییز اقتصاد ته وده ورکړې»، او کولای شي له دغو پیسو د ټانکونو، توغندیو او الوتکو په جوړولو کې استفاده وکړي.

هغه وويل: «چين وايي له لوېديځ سره د ښو اړیکو غوښتونکی دی. خو په ورته وخت کې، بیجینګ د دویمې نړیوالې جګړې وروسته د اروپا تر ټولو سترې جګړې ملاتړ ته دوام ورکوي.»

هغه چین ته خبرداری ورکړ چې په یو وخت کې دواړه لوري نشي نیولی.