د پاکستان د رخت د توليد فابريکو د ټولنې یو شمېر سرچينې وايي، چې د پېسو نړۍوال صندق او د پاکستان حکومت د ناسمو پاليسیو له کبله ډېرې فابرېکې تړل شوې دي. په تېرو دوو کلونو کې په پاکستان کې د برېښنا او ګازو بيې ۱۷۰ سلنه لوړې شوې دي.
جيونيوز د یکشنبې په ورځ د پاکستان د ټوکر جوړولو او توليد فابرېکې د يو شمېر سرچينو له قوله ليکلي، چې د ټوکرانو جوړولو د ۵۰ کارخونو په ګډون ۱۰۰ لويي فابريکې تړل شوي او زرګونه کسان بې دندو شوي دي.
سرچينې د برېښنا او ګازو د بیو د لوړوالي اړوند وايي: « په ۲۰۲۲ کې د برېښنا کیلو واټ په ۱۶ کلداري و، چې اوس په ۴۲ شوی او په ۲۰۲۲ کې فابريکو ته یو کيلو ګاز په ۱۴ کلداري ورکول کېده، چې اوس په ۴۰ شوی دی.»
د سرچينې د معلوماتو له مخې، چې په دوو کلونو کې د ټوکر صادرات له ۱۹ میليارډو ډالرو څخه ۱۶ ميليارډ ډالرو ته را ټيت شوي دي.
باید وویل، شي، چې تېره مياشت د پاکستان لومړي وزير شهباز شريف د صنعت کارخونو لپاره د برېښنا په برخه کې څه باندي لس کالداري کمښت اعلان کړی و.
د خيبر پښتونخوا د دېره اسماعيل خان پولیسو دغه مکتوب کې د جمعیت علمای اسلام ګوند له مشر فضل الرحمان څخه غوښتنه کړې، چې غیر اړینو سفرونو او سیاسي ناستو کې له تګ څخه ډډه وکړي.
د مکتوب په یوه بله برخه کې ویل شوي دي: «مولانا فضل الرحمان باید د سفر کولو په صورت کې له امنیتي ادارو سره مشوره وکړي.»
په دغه مکتوب کې بیا دا روښانه شوې نه ده، چې پر نوموړي دا برید د چا له خوا کیږي.
د یادولو ده، چې د پاکستان د جمعیت علمای اسلام مشر ملا فضل الرحمان څه موده وړاندې ویلي وو، داسې ښکاري چې په راتلونکو درېیو میاشتو کې به ټي ټي پي د خیبرپښتونخوا ایالت سیمې تر خپلې ولکې لاندې راولي.
نوموړي تل د پاکستان په امنیتي ادارو هم نیوکه کړې، چې په دې هېواد کې د امنیت په ټینګښت کې پاتې راغلي.
د نوموړي په خبره؛ د دې هېواد پوځ غواړي له بېلابېلو لارو خپله ماته پټه کړي.
د پاکستان د جمعیت علمای اسلام ګوند مشر مولانا فضل الرحمان دا هم ویلی وو، چې د پاکستان پوځ دې پر افغانستان د برید پر ځای په پاکستان کې دننه ترهګري ورکه کړي.
پاکستان چې د سیمې په کچه په خپله خاوره کې له کلونو راهیسې بېلابېلو ترهګرو ډلو ته امن ځای ورکړی و، اوس خپله له ترهګریزو ستونزو سره لاس او ګرېوان دی.
پاکستان بیا په دې هېواد کې د ناامنیو زیاتېدل پر افغانستان ور اړوي او وایي، چې پر افغانستان د طالبانو له واکمنېدو وروسته دغې ډلې په دې هېواد کې د ټي ټي پي په ګډون ترهګرو ډلو ته ځای ورکړی دی.
دا په داسې حال کې ده، چې د پاکستان د بهرنیو چارو وزارت ویاندې ممتاز زهرا بلوڅ دوه ورځې وړاندې وویل، چې پاکستان تمه لري څو طالب چارواکي به د هغو ډلو پر ضد ګام واخلي، چې په پاکستان کې ترهګریز بریدونه کوي.
هغې له طالب چارواکو وغوښتل، د هغو ترهګریزو ډلو پر ضد اقدام وکړي چې د دوی په خاوره کې پټنځايونه لري او له پولې دې خوا د ترهګریزو بريدونو لپاره يې کاروي.
د طالبانو ویاند ذبیح الله مجاهد تل د پاکستان ورته تورونه رد کړي دي او له دغه هېواد څخه یې غوښتي، چې د تورونو پرځای دې د خپل هېواد امنیت وساتي.