د طالبانو د دفاع سرپرست وزير د تخنيکي او مسلکي زده کړو د معیننيت په فراغت غونډه کې ويلي، چې «د دين او د دوی دوښمنان» پرله پسې هڅې کوي، چې د بې باورۍ فضا رامنځته کړي. ملا یعقوب مجاهد زياتوي، چې د دیني او عصري زده کړو کسان بايد په ګډه کار وکړي.
د طالبانو د فاع سرپرست وزير ملا یعقوب مجاهد د سې شنبې په ورځ همدې فراغت غونډه ته په وینا کې وويل: «دوښمن دومره هڅې وکړې او دومره امکانات يې په کار واچول، چې موږ په منځ کې بې باروي، بې اعتمادي رامنځته کړي.»
نوموړي که څه هم د کوم کس، ډلې او هېواد نوم یاد نه کړ؛ خو زياته يې کړه، چې همدا دوښمن په تېرو لسیزو کې د بې باروۍ په رامنځته کولو بريالی شوی و.
ملایعقوب مجاهد د کورنيو مشرانو ته په خطاب کې وويل، چې «هر کور باید په ديني او عصري برخه کې اولادونه وروزي، تر څو له هره کوره د يوالي ناره پورته او د دوښمن د تخريب هڅې ناکامه شي.»
مجاهد زياتوي، چې د بې باروۍ، بې اتفاقۍ، تخريب او یو د بل په وړاندي د درېدو ذهنيت بايد ورک شي.
ښاغلي فضلي د سې شنبې په ورځ (د زمري ۲مه) پر خپل اېکس پاڼه لیکلي: «په دې وروستیو کې د ګیله من د "شهادت" پېښې د پښتون ژغورنې غورځنګ غږ دومره لوړ کړ، چې په ټول افغان وطن کې د جبر او استبداد پر وړاندې په خورا یووالی او اتحاد بدرګه شو. دا د افغانستان په معاصر تاریخ کې د یو دولت له مداخلې او ملاتړ پرته د ټولنیز انسجام او غبرګون یوه بې سارې پېښه وه.»
محمود فضلي وایي، چې دوی په بر افغان وطن کې د پښتون ژغورنې غورځنګ د واحد فکر، قوي هوډ او سازماندهۍ څخه الهام اخلي او دغه الهام یوازې په پاکو او لنډمهاله احساساتو او عواطفو پورې محدود نه دی، بلکې دوی ته د زدهکړې لپاره روښانه درسونه او لارښوونې لري.
فضلي د دغو زده کړو تر ټولو مهم په سختو شرایطو او لوړو - ژورو کې د دغه غورځنګ د روایت ثبات او دوامداره خپرېدل یاد کړل او ویې ویل، چې په دې کې دوه نقطې ډېرې مهمې دي: «لومړی؛ د مخالف لوري یا دښمن کره او واضح پېژندنه او دویم؛ منظم سازماني فعالیت، چې فرد محوره نه دی، بلکې د یوه ډسیپلین لرونکي ټیم په وسیله د کړنلارو ترتیب او د پرېکړو عملي کول دي. »
ښاغلي فضلي د خپل اېکس لیک په وروستۍ برخه کې لیکلي: «په افغانستان کې د اوسني حاکم استبداد په وړاندې مذبذب، متردد او ګونګ دریځ نه یوازې دا چې د اوسنۍ غمیزې د سمون لپاره مرسته نه کوي، بلکې د اوسنۍ فاجعې د لا ځواکمنېدو او دوام سبب ګرځي. موږ ګورو چې څنګه ځینې کسان په یو وخت غازي امان الله خان او ملا هبت الله ته خپل اتل وایي.»
بل خوا د پښتون ژغورنې غورځنګ مشر د بنو معترضینو ته په وینا کې ویلي: «هغه ورځ لېرې نه ده، چې له بلواکۍ او زورواکۍ څخه خپل تاریخي وطن ازاد کړو.»
منظور پښتین د بنو پرلت والو او معترضینو سره په کتنه کې وویل، چې په ولسونو کې ملي حرکت ورځ تر بلې زیاتېږي.
د پښتون ژغورنې غورځنګ مشر په وروستیو کې د قومي عدالت اعلان کړی، چې د راتلونکي اکټوبر میاشتې په یوولسمه نېټه به جوړ شي.
