سرچینو افغانستان انټرنشنل ته وویل، چې طالبانو د خورشید تلویزیون پخوانی انځور اخیستونکی حسیب سادات نیولی دی. د دغه خبریال خپلوانو وویل، چې طالبانو شاوخوا لس ورځې وړاندې ښاغلی سادات نیولی او لا یې برخلیک څرګند نه دی.
د دغه خبریال خپلوانو افغانستان انټرنشنل ته وویل، چې د یکشنبې په ورځ (د چنګاښ ۲۴مه) طالبانو له کوم دلیل پرته هغه له ځان سره بیولی دی.
طالب چارواکو تر اوسه په دې اړه څه نه دي ویلي.
د سرچینو په وینا؛ د طالبانو له واکمنۍ مخکې حسیب سادات د خورشید تلویزیون لپاره د انځور اخیستونکي په توګه دنده ترسره کوله او له ۲۰۲۱ کال راهیسې په ټولنیزو رسنیو کې د محتوا د جوړونکي په توګه په کار بوخت و.
په تېرو درېیو کلونو کې طالبانو په ټول هېواد کې یو شمېر خبریالان د بېلابېلو دلایلو له مخې نیولي دي.
په دې وروستيو کې د دې ډلې استخباراتو په کندهار کې سيمه ييز خبريال محمديار مجروح نيولى چې تر اوسه يې برخليک معلوم نه دى.
د افغانستان د خبريالانو د مرکز د موندنو له مخې؛ د ۲۰۲۴ کال په لومړيو شپږو مياشتو کې د خبريالانو او رسنيو له حقونو څخه د سرغړونې ٨٩ قضيې، چې ٦٠ د ګواښونو او ٢٩ د نيولو قضيې په کې شاملې دي، د طالبانو تر کنټرول لاندې افغانستان کې ثبت شوي دي.
ښاغلي فضلي د سې شنبې په ورځ (د زمري ۲مه) پر خپل اېکس پاڼه لیکلي: «په دې وروستیو کې د ګیله من د "شهادت" پېښې د پښتون ژغورنې غورځنګ غږ دومره لوړ کړ، چې په ټول افغان وطن کې د جبر او استبداد پر وړاندې په خورا یووالی او اتحاد بدرګه شو. دا د افغانستان په معاصر تاریخ کې د یو دولت له مداخلې او ملاتړ پرته د ټولنیز انسجام او غبرګون یوه بې سارې پېښه وه.»
محمود فضلي وایي، چې دوی په بر افغان وطن کې د پښتون ژغورنې غورځنګ د واحد فکر، قوي هوډ او سازماندهۍ څخه الهام اخلي او دغه الهام یوازې په پاکو او لنډمهاله احساساتو او عواطفو پورې محدود نه دی، بلکې دوی ته د زدهکړې لپاره روښانه درسونه او لارښوونې لري.
فضلي د دغو زده کړو تر ټولو مهم په سختو شرایطو او لوړو - ژورو کې د دغه غورځنګ د روایت ثبات او دوامداره خپرېدل یاد کړل او ویې ویل، چې په دې کې دوه نقطې ډېرې مهمې دي: «لومړی؛ د مخالف لوري یا دښمن کره او واضح پېژندنه او دویم؛ منظم سازماني فعالیت، چې فرد محوره نه دی، بلکې د یوه ډسیپلین لرونکي ټیم په وسیله د کړنلارو ترتیب او د پرېکړو عملي کول دي. »
ښاغلي فضلي د خپل اېکس لیک په وروستۍ برخه کې لیکلي: «په افغانستان کې د اوسني حاکم استبداد په وړاندې مذبذب، متردد او ګونګ دریځ نه یوازې دا چې د اوسنۍ غمیزې د سمون لپاره مرسته نه کوي، بلکې د اوسنۍ فاجعې د لا ځواکمنېدو او دوام سبب ګرځي. موږ ګورو چې څنګه ځینې کسان په یو وخت غازي امان الله خان او ملا هبت الله ته خپل اتل وایي.»
بل خوا د پښتون ژغورنې غورځنګ مشر د بنو معترضینو ته په وینا کې ویلي: «هغه ورځ لېرې نه ده، چې له بلواکۍ او زورواکۍ څخه خپل تاریخي وطن ازاد کړو.»
منظور پښتین د بنو پرلت والو او معترضینو سره په کتنه کې وویل، چې په ولسونو کې ملي حرکت ورځ تر بلې زیاتېږي.
د پښتون ژغورنې غورځنګ مشر په وروستیو کې د قومي عدالت اعلان کړی، چې د راتلونکي اکټوبر میاشتې په یوولسمه نېټه به جوړ شي.
