په ارجنټاین کې د یوې «اسلامي ډلې» ۷ غړي په یهودانو د برید د پلانولو په تور نیول شوي
د ارجنټاین د ملي امنیت وزارت ویلي، چې د دې هېواد پولیسو د "اسلامي ترهګرې ډلې" یو سازمان نیولي چې پلان یې درلود د مندوزا په یهودي ټولنه برید وکړي.
د ارجنټاین د ملي امنیت وزارت ویلي، چې د دې هېواد پولیسو د "اسلامي ترهګرې ډلې" یو سازمان نیولي چې پلان یې درلود د مندوزا په یهودي ټولنه برید وکړي.
څیړنې وروسته له هغې پیل شوې، چې یو خبریال وګواښل شو او د دې برید د پلانولو په اړه اړیکې وموندل شوې.
د ارجنټاین د ملي امنیت وزیر، پاتریشیا بولریچ وویل، چې فدرالي پولیسو اوه شکمن کسان نیولي چې «په میندوزا ښار کې یې د یهودانو په ټولنې د برید پلان درلود.»
ارجنټاین تېر کال هم د جدي په میاشت کې د سوریې او لبنان درې وګړي د «ترهګریز پلان جوړولو» په شک نیولي وو.
دغه کسانو په هېواد کې د یهودي ټولنې اړوند د یوې سترې سپورتي غونډې نه مخکې نیول شوي وو.
بولریچ په یهودانو د برید د پلان جوړولو په تور د اوو نویو کسانو د نیول کیدو په اړه ویلي: «موږ له دې هر یو مجرم له شر څخه خلاصيږو، چې د ارجنټاین خلکو په مینځ کې د ویرې رامینځته کولو هڅه کوي.»
په ارجنټاین کې د اړوندو بنسټونو د راپور له مخې، دغو کسانو پر واتس اپ او ټیلیګرام پیامونو لیږدولو له لارې، پر یهودي ټولنې د برید په اړه پلان جوړوه.
ارجنټاین په لاتینې امریکا کې ترټولو لویه یهودي ټولنه لري، چې غړي یې په تېرو وختونو کې (۱۳۷۱ او ۱۳۷۳) د دوو لویو بریدونو موخه شوي وو.
له دغو بریدونو څخه یو یې د اسراییل پر سفارت او بل یې د یهودانو پر یو مرکز شوي و.
د ۱۳۷۳ کال د چنګاښ په ۲۷مه په بوینوس ایرس کې د یهودانو په مرکز کې چاودنې ۸۵ تنه ووژل او ۳۰۰ ارجنټایني یهوديان یې ټپیان کړل.
د ارجنټاین ولسمشر خاویر میلي د دغه هېواد د یهودانو په مرکز د برید د ۳۰مې کلیزې په مناسبت ژمنه وکړه چې د اسلامي جمهوریت له چارواکو سره نه به د دغې چاودنې حساب اخلي.
میلي، چې د یهودي ټولنې او اسراییل کلک ملاتړی دی، ژمنه وکړه چې یوه داسې لایحې به وړاندیز کړي، چې له مخې به یې د برید شکمن کسان په غیابي توګه محاکمه شي.
