ټيټيپي: سویلي وزیرستان کې پوځ د لوټ او تالان په موخه خلک اړ کړي، چې له خپلو کورونو ووځي
تحریک طالبان پاکستان (ټيټيپي) وايي، د سویلي وزیرستان په بدر او شاوخوا سیمو کې تېره شپه ځايي خلکو ته ویل شوي چې خپل کورونه خوشې او نورو سیمو ته دې کډه شي.
تحریک طالبان پاکستان (ټيټيپي) وايي، د سویلي وزیرستان په بدر او شاوخوا سیمو کې تېره شپه ځايي خلکو ته ویل شوي چې خپل کورونه خوشې او نورو سیمو ته دې کډه شي.
د دغې ډلې لهخوا په هغې خبرپاڼه کې چې بېګا ناوخته خپره شوې او یوه کاپي یې افغانستان انټرنشنل ته هم رسېدلې لیکل شوي، چې تر دې وړاندې هم پاکستاني پوځ په سویلي وزیرستان کې ورته کړنې ترسره کړي چې په پایله کې یې د ځايي خلکو کورونه لوټ شوي یا هم ویجاړ کړل شوي دي.
د پاکستاني طالبانو په خبرپاڼه کې له خلکو غوښتل شوي، چې د پوځ دغسې کړنو ته دې غاړه نه ږدي او د خپلو کلیو او کورونو ساتنه او پالنه دې وکړي.
په خبرپاڼه کې راغلي، چې پاکستاني چارواکي سره له دې چې تل پر افغان طالبانو تور پورې کوي چې پاکستاني طالبانو ته یې په خپله خاوره کې پناه ورکړې؛ خو د دوی دغه کړنې دا څرګندوي، چې د دغې ډلې ټول غړي په وزیرستان کې مېشت دي او له همدغو سیمو د پاکستان پر امنیتي ځواکونو بریدونه پلانوي.
د خبر پاڼې په وروستۍ برخه کې له پاکستاني چارواکو غوښتنه شوې، چې د دغه شان کړنو دې لاس پر سر شي او د خلکو په بېځایه کولو سره دې نورې اجنډاوې نه پلې کوي، چې په دې سره به د خلکو او د دوی تر منځ راغلی واټن نور هم پراخ او ولسونه به یې پر ضد راپورته شي.
په همدې حال کې د فلسطین اسلامپالې ډلې حماس له څو کلونو وروسته په اسراییل کې د ځانمرګو بریدونو د بیا پیلولو اعلان کړی او اسراییل هم په ټول ځواک سره په غزه کې خپلو هوايي بریدونو ته دوام ورکړی، هغه څه چې د یوې هوکړې په اړه امیدواري کمرنګه کوي.
حماس او د اسلامي جهاد په نوم یوې بلې وسله والې ډلې ویلي، چې دوی د یکشنبې په ورځ په تل ابیب کې یو سنیګاک (د یهودو عبادتځی) ته څېرمه د چاودنې مسوولیت لری.
هغه چاودنه چې بریدګر پکې وژل شوی او یو بل کس یې ټپي کړ.
حماس په یوه اعلامیه کې ویلي، چې د غزې د جګړې د دوام په صورت کې به ځانمرګي بریدونه له سره پیل کړي.
د غزې په اړه په قطر کې روانې خبرې اترې تېره اونۍ له کوم پرمختګ پرته ودرول شوې؛ خو د امریکا د وړاندیز پر بنسټ به دغه خبرې اترې روانه اونۍ بیا پیل شي.
بلېنکن د دوشنبې په سهار د اسراییل له ولسمشر اسحاق هرزوګ او لومړي وزیر بنیامین نتنیاهو سره کتلي دي.
بلېنکن له هرزوګ سره له کتنې مخکې خبریالانو ته وویل: "دا یوه پرېکړه کونکې شېبه ده، شاید تر ټولو ښه، شاید وروستی فرصت وي چې یرغمل شوي خپلو کورونو ته ستانه شي، اوربند وشي او هر څوک د تلپاتې سولې او امنیت لپاره ښه لاره پرانیزي."
د مياشتو - مياشتو پرله پسې خبرو وروسته اسرایيل وايي؛ جګړه يوازې د پوځي او سياسي ځواک په توګه د حماس په له منځه تللو سره پای ته رسېدی شي او حماس وايي، چې يوازې دايمي اوربند مني، نه موقتي.
د متحده ایالاتو د خوشبینۍ څرګندولو سربېره اسراییل او حماس دواړو ویلي، چې یو تړون رامنځته کېدل به ستونزمن وي.
حماس د یکشنبې په ورځ نتنیاهو تورن کړ چې "د منځګړیتوب هڅې یې شنډې کړې" او ترکیې وویل، چې د حماس استازو ورته ویلي، چې د متحده ایالاتو چارواکي "ډیر خوشبینه انځور رامنځته کوي".
نتنیاهو د یکشنبې په ورځ د اسراییل کابینې ته وویل، چې "موږ خبرې اترې ترسره کوو خو دا به یوازې داسې سناریو نه چې مونږ به له هر څه تیریږو."
