د افغانستان د کورنیو چارو پخوانی وزیر وايي، طالبان له داعش سره توپیر نه لري

یونیسف د یکشنبې په ورځ (د وږي ۴ مه) وویل، چې د اروپايي ټولنې په مرسته به ۶۲ زره طبي خوراکي صندوقونه چمتو کړي او تر پنځو کلونو کم عمره ماشومانو کې د شدیدې خوارځواکۍ د درملنې لپاره به ۱۶۰۰ روغتیايي کارکوونکي وروزي.

د ملګرو ملتونو د ماشومانو ملاتړ صندوق وايي، چې په دې مرستو سره به په ۲۷۵ درسي ټولګيو کې د زده کړو کیفیت ښه او له مخې به یې ۹۵۰۰ ماشومان، چې ۶۱ سلنه یې نجونې دي لومړنیو زده کړو ته لاسرسی پېدا کړي.

ملګري ملتونه وايي؛ سږ کال په افغانستان کې ۲۳،۷ میلیونه وګړي، چې تر نیمايي زیات یې ماشومان دي بشري مرستو ته اړتیا لري.

د یونیسف ادارې په اعلاميه کې ويلي؛ سږ کال به شاوخوا درې میلیونه ماشومان له شدیدې خوارځواکۍ سره مخ شي.

په افغانستان کې د اروپايي ټولنې د بشردوستانه مرستو مشر فرانسوا ګومانز وویل: «حتا د نړۍ د یو تر ټولو بد بشري بحران په ترڅ کې، ماشومان د باکیفیته زده کړو حق لري، چې د دوی د ښې راتلونکې په جوړولو کې مرسته وکړي.»

پر دې لار تلوونکي موټر چلوونکو او مسافرو د افغانستان انټرنشنل ـ پښتو سره په خبرو کې ويلي، د طالبانو له لوري د دغه لارې پر جوړېدو تر دوه کاله ډېر وخت وشو، چې لا هم نه ده بشپړه شوې.

علي محمد پر دې سړک موټر چلوونکی دی او وایي: «زما موټر څو ځله پر دغه لاره خراب شوی او د دې سره - سره چې پر وخت خپل هدف ته نه یم رسېدلی، بلکي لسګونه زره زیان هم راته رسېدلی.»

د ترانسپورټې شرکتونو مسوولين هم د دغې لارې د خرابولي څخه شکایت کوي او دا د ترافيکي پېښو اصلي لامل بولي.

دوی له طالبانو غواړي، چې د سړک جوړېدو لپاره دې هڅې او وسايل زيات کړي.

100%

دغه لویه لار چې د طالبانو د ټولګټو وزارت له لورې جوړيږي، بېلابېلو ساختماني شرکتونو ته یې د جوړېدو چارې سپارلې دي.

د طالبانو د ټولګټو وزارت ویاند محمد اشرف حق شناس رسنیو ته ويلي، چې د دغه سړک د جوړېدو چارې يې تېر کال پيل کړې، چې ژر به بشپړې شي.

نوموړی پر دې لار د تګ راتګ پر مهال د مسافرو او موټر چلوونکو ستونزې مني.

حق شناس دا ونه ویل، چې دغه لاره په څومره مالي لګښت جوړيږي.

100%

يوې سرچینې افغانستان انټرنشنل ـ پښتو ته وويل، چې له کندهار څخه تر زابل پورې د ۳۷ کیلومټره سړک جوړېدو چارې حافظ ساختماني شرکت ته د کرومایټو ډبرو د یوه کان را ایستلو په مقابل کې ورکړل شوې دي.

څه موده مخکې د دغه شرکت مسوول فیض الله نوري سيمه ييزو رسنيو ته ويلي وو، چې د کرومايټو دغه کان د لوګر ولایت په محمد اغې ولسوالۍ کې د پنځو کالو لپاره ورکړل شوی دی.

طالبانو ويلي هڅه کوي، چې تر راتلوونکي ژمي پورې د دغه سړک د جوړېدو چارې بشپړې کړي.

د کابل - کندهار لاره چې شاوخوا ۴۸۳ کېلومټره ده، د مرکز او کندهار په ګډون ډېری نور ولایتونه له یو بل سره نښلوي.

دا لویه لار زيات مهال د ترافيکې پېښو شاهده وي او په تېرو څو کلونو کې په زيات شمېر کسان په ترافیکې پېښو کې مړه او زخميان شوي دي.

د طالبانو تر کنټرول لاندې ارګ د یکشنبې په ورځ (د وږي ۴ مه) نېټه په يوې خبرپاڼه کې د مولوي کبير او په کابل کې د قطر سفارت مستشار مردف القاشوطي د لېدنې خبر ورکړی.

دغه قطري ډېپلومات په ليدنه کې ويلي، چې دوی به له افغانانو سره خپلو بشري مرستو ته دوام ورکوي او په قطر کې به یو شمېر افغان ځوانانو ته د بانکدارۍ په برخه کې د ظرفيت لوړولو زمينه هم برابره کړي.

قطر د دغه ليدنې په اړه جزیيات نه دي شریک کړي.

په لیدنه کې د طالبانو سياسي مرستیال په دوحه کې د افغانستان اړوند غونډې جوړول د قدر وړ بللي او د فلسطين اړوند يې د قطر له دريځ او سیاست څخه هم ستاینه کړې ده.

په اعلامیه کې د فلسطين اړوند د مولوی کبير له قوله ليکل شوي: « طالبان د فلسطین د خپلواک دولت غوښتونکی دی.»

نوموړي په دې ليدنه کې له نورو اسلامي هېوادونو هم وغوښتل، چې په خپلو هېوادونو کې افغان ځوانانو ته د لوړو زده کړو زمينې برابرې کړي.

که څه هم قطر تر اوسه طالبان په رسمیت نه دي پېژندلي؛ خو د دغې ډلې د واکمنۍ له پېل راهیسې یې له دوی سره قوي ډېپلوماټیکې او اقتصادي اړیکې ټینګې کړې دي.

قطري چارواکي په خپلو وینا او اعلاميو کې لا هم د طالبانو حکومت ته د افغانستان د جمهوري دولت خطاب کوي.

دغه مکتوب شاوخوا درې میاشتې وړاندې د طالبانو د امربالمعروف او نهې المنکر وزارت وزیر خالد حنفي په خپل لاسلیک د دې ډلې مشر ملا هبت الله ته لېږلی دی.

د دې مکتوب په لومړی برخه کې خالد حنفي ملا هبت الله لیکلي، چې د شته معلوماتو په اساس د طالبانو او غیر طالبانو واک لاندې ادارو کې ځینې منکرات لا هم موجود دي.

په دغه مکتوب کې راغلي، چې د کار په شروع کې د پټۍ پرېکول، د ځانکړو ورځ نمانځل چې د اسلام په دین کې د هغو ثبوت نه وي؛ لکه د معلم او میینانو ورځ نمانځلو یادونه کړې ده او دا چارې یې له غیر مسلمو سره تشبه ده.

دوی همدراز زیاتوي، چې د طالبانو تر واک لاندې د دولتي ادارو په دهلېزونو او زینو کې پر قالینو باندې له بوټانو سره ګرځېدل، هم له کفارو سره تشبه ده.

د طالبانو د امربالمعروف وزارت په دې مکتوب کې اخري وړاندېز دا دی، چې د بوکس ازادو سیالیو پر لوبه باندې ځکه بندیز ولګول شي، چې د سترګو د ‌ړندېدو او دماغو د زخمي کېدو تر څنګ د مرګ خطر دی؛ نو په اسلامي شریعت کې دغه شان لوبه ناجایزه ده.

د طالبانو امربالمعروف وزیر خالد حنفي د مکتوب په پای کې له ملا هبت الله څخه غوښتي، چې د دې ډلې واک لاندې ادارو کې د ذکر شویو منکراتو څخه د مخنیوي په موخه لکه څنګه چې لازم ګڼي لارښوونې وکړي.

100%

دا نوي محدویتونه په داسې وخت کې مطرح کیږي، چې طالبانو د چهارشنبې په ورځ د زمري په ۳۱مه وویل، چې د دغې ډلې مشر «د امربالمعروف او نهې منکر» قانون توشیح کړی دی.

طالبانو په دغه قانون کې د ښځو په وړاندې ډېر سخت بندیزونه لګولي، چې د ښځو بشپړ بدن پټول پکې جبري ښودل شوي او دا یې هم په کې ویلي، چې «د ښځې غږ عورت دی.»

تېره اونۍ خالد حنفي په کندوز کې یوې غونډې ته ویلي وو، چې «شریعت پلی کوو» او په دې برخه د هیچا فشار نه منو.

واک ته د طالبانو تر رسېدو وروسته درې کاله کیږي، چې نړۍواله ټولنه او د سیمې هېوادونه له طالبانو غواړي، چې په افغانستان کې دې ټولګډونه حکومت جوړ کړي او د وګړو ټول بشري حقونه دې په پام کې ونیسي؛ خو طالبان وايي، چې دوی د خپلې خوښې حکومت کوي او د نورو دا ډول څرګندونې په خپلو چارو کې لاسوهنه بولي.

د افغانستان د فوټبال ۱۷ کلنو ملي لوبډلې د ازبکستان د ۱۷ کلنو ملي لوبډلې ته په پایلوبه کې په ۱ـ۰ ماتې ورکولو سره د یاد جام اتلولي وګټله.

د کرېکټ ملي لوبډلې د ۲۰ اوره لوبو لوبډلمشر راشد خان نن یکشنبه پر خپله فېسبوک پاڼه د فوټبال د ۱۷ کلنو ملي لوبډلې د بريا د تصوير سره ليکلي: « د منځنۍ اسیا د فوټبال د ۱۷ کلنو لوبډلو د اتلولۍ ګټل دې ټول افغانستان ته مبارک وي.»

د کرېکټ د ملي لوبډلې لوبغاړي محمد نبي هم دغه اتلولې هيله بښونکې بللې ده.

د ملي لوبډلې غوره توپوهونکي رحمان الله ګربز بیا پر خپل انسټګرام پاڼه د افغان تنکيو فوټبال لوبغاړو دغه اتلولي ستايلې او هغوی ته یې د ښه بخت هيله څرګنده کړې ده.

‏د افغانستان او ازبکستان تر منځ د کافا جام سیالیو په پایلوبه کې افغان لوبغاړي اعظم الدین حاجي زاده په ګول وهلو سره ازبکستان ته ماتې ورکړه او د سياليو جام یې په خپل نوم کړ.

ګڼو افغانانو، سياسيونو، لوبغاړو او د ورزش مينه والو دغه بری ستايلي او ټولو ته یې مبارکۍ ويلي دي.

په یادو سیالیو کې افغانستان لومړی، ازبکستان دویم، تاجکستان درېیم، ایران څلورم، ترکمنستان پنځم او قرغزستان شپږم مقامونه خپل کړل.