صرافان: طالبانو په ننګرهار کې د ځینو صرافانو جوازونه لغوه او دوکانونه یې مهرلاک کړي

د فرانسې د ورزش وزیرې اميلي اودياکسترا د جمعې په ماښام د وږي په ۱۶ مه نېټه په اېکس کې ليکلي، چې د کورنیو چارو وزارت لخوا د دې هیواد «امنیت او ازادۍ» تضمینولو لپاره د مرضیه حمیدي سره اړیکه نیول شوې ده.

د فرانسې د ورزش دغه چارواکي ډاډ ورکړی، چې هېواد به یې د مېرمن حمیدي خوندیتوب او ازادي تضمین کړي.

تر دې مخکې افغان لوبغاړې مرضيه حمیدي له یوې فرانسوي رسنۍ سره په مرکه کې ویلي وو، چې په دغه هېواد کې یې ژوند په خطر کې دی.

حميدي زياته کړه، چې له مرکې وروسته يې د افغانستان د کرېکټ پر ملي لوبډلې نيوکې وکړې، چې د ناپېژانده کسانو له خوا ورته ګواښونکي پيغامونه راغلل.

دغې افغان ورزشکارې له «فرانس انفو» سره په مرکه کې ویلي: «زه په خطر کې یم، د مرګ او جنسي تیري ګواښونه شوي، زه له فرانسې او اروپا غواړم چې دا مسله حل کړي او د ترهګرو پر وړاندې ودریږي.»

اغلې حمیدي تر دې مخکې د افغانستان د کرېکټ پر لوبغاړو له طالبانو سره د «دوستانه اړیکو» ساتلو له امله نیوکه کړې وه.

هغې په خپلو خبرو کې د افغانستان د کرېکټ ملي لوبډله «ترهګره» بللې وه.

د مرضيې دغه څرګندونې تیره اونۍ د کرېکټ د مینه والو له غبرګون سره مخ شوې.

تر اوسه د افغانستان د کرېکټ شورا یا د کرېکټ د ملي لوبډلې غړو د مرضیه حمیدي نیوکو ته غبرګون نه دی ښودلی.

دغه افغان لوبغاړې د ۱۴۰۰ کال په زمري میاشت کې په افغانستان کې د طالبانو تر واکمنۍ وروسته په فرانسه کې کډواله شوه او اوس په دغه هیواد کې خپل ورزشي فعالیتونو کوي.

یو عیني شاهد وايي « طالبانو راغلل لومړی یې د کورنۍ تذکرې وکتلې بیا یې د کورونو کوټې تلاشي کړې، له الماریو نیولې د کور حویلې او هرڅه یې وپلټل»

عیني شاهد زیاتوي طالبانو د وسلو او موټرو پوښتنه هم کوله.

د طالبانو له دې تلاشئ پنځه ورځې وړاندې د همدې شپږمې حوزې اړوند دارالامان ماڼۍ ته پر غځېدلي سړک د طالبانو د فرمانونو او حکمونو د تعقیب ریاست د کارکوونکو پر موټر ځانمرګی بريد وشو.

د برید پړه داعش خراسان ډلې په غاړه واخیسته، خو خو د برید قربانيان د تېر حکومت د لويې څارنوالۍ کارمندان ول، چې اوس د طالبانو فرمانونو او حکمونو د تعقیب لوی ریاست کې دندې لري.

د کارپوهانو په وینا د داعش وروستي ځانمرګي برید ښودله، چې دغه ډله تر اوسه هم د غټو بریدونو وړتیا لري او دا به د طالبانو لپاره یوه لویه ننګونه وي، چې د یو پر نفوسه پلازمینې امنیت خوندي وکړي.

د طالبانو سترې محکمې ویلي، چې په یکاولنګ کې د دغې ډلې ابتداییه محکمې هر یوه تورنه په یو، یو کال بند هم محکومه کړې ده.

که څه هم د طالبانو په خبرپاڼه کې د دغو دوو مېرمنو د هویت او ان جنسیت په اړه څه نه دي ویلي؛ خو له کوره د تېښتې په تور یوازې نجونې او مېرمنې تورنیږي.
دا رنګه د دغې ډلې سترې محکمې ویلي، چې د دوی محتسبینو د میدان وردګ په ولایت کې دوه کسه د «لواطت» په تور د ولسي خلکو په وړاندې په دورو وهلي دي.
په دغو کسانو دوه، دوه کاله د بند او ۳۹ درو وهلو حکم پلی شوی دی.
د ټولو نړۍوالو او د بشري حقونو د بنسټونو د نیوکو سره، سره طالبان دغسې سزاوې د عامو خلکو په وړاندې په خلکو پلي کوي.

نړۍوال بنسټونه وايي، د دغه ډول سزاو ورکړه د انساني کرامت څخه سرغړونه ده؛ خو طالبان وايي د دوی ټولې کړنې د «اسلامي شریعت» سره سمې ترسره کېږي.

مېرمن کوفي افغانستان انټرنشنل ته وویل، هغه او هغې ته ورته نور کسان باید په کابل کې پاتې وای چې طالبان یې ننګولي وای.
له طالبانو سره د پخواني حکومت د مرکچي پلاوي دغه غړې وايي، که په کابل کې پاتې کېدونکي سیاست‌وال د طالبانو له‌خوا بندي شوي هم وای؛ نو په کار نه وه چې دوی له هېواده وتلي وای.
مېرمن کوفي وايي، له هغه مهاله چې جلا وطنه شوې، یوه دقیقه هم هغه له فکري پلوه له افغانستانه لرې نه وه.

د ښځو د حقونو دغه فعاله وايي، موږ باید له افغانستانه د وتلو دغه تېروتنه د ډله ایزو کارونو له لارې دغه تېروتنه جبیره کړو.
د ۱۴۰۰ کال د زمري په میاشت کې کله چې طالبان واک ته ورسېدل، د افغانستان د حکومت ډېر جګپوړي چارواکي، د بشري حقونو فعالان، خبریالان او د افغانستان د مدني ټولنې نوموتې څېرې له له دغه هېواده ووتل.
د افغانستان د سیاست‌والو له ډلې یو یې هم بېرته خپل هېواد ته نه دی ستون شوی.
په کابل کې طالبانو هېڅ یو سیاست‌وال ته، له هغې ډلې حامد کرزي او ډاکتر عبدالله ته د سیاسي فعالیتونو اجازه نه ده ورکړې.

دغې ډلې ویلي، چې ټول سیاسي ګوندونه لغوه شوي او هیڅوک د سیاسي فعالیتونو حق نه لري.

د افغانستان د رسنیو مرکز د لسګونو افغان خبریالانو په شتون سره د بلجیم په پلازمېنه بروکسل کې د افغان د خبریالانو د دویمې ناستې د ترسره کېدو خبر ورکړ.

یاد مرکز د یوې خبرپاڼې په خپرولو سره ویلي، دا ناسته د ۵۰ خبریالانو او د خبریالانو د ملاتړو سازمانونو د استازو په ګډون ترسره شوې ده.

د خبرپاڼې له مخې، دا ناسته د افغانستان د خبریالانو د مرکز او د ژورنالستانو د ازادې اتحادیې په کوربتوب، د خبریالانو د نړۍوال فډراسیون په همکارۍ او د بلجیم د حکومت په ملاتړ جوړه شوې ده.
د افغانستان د رسنیو مرکز په خبرپاڼه کې همداراز راغلي، چې په دې یو ورځینۍ ناسته کې د افغان خبریالانو، د خبریالانو د نړۍوالې کمیټې (سي، پي، جې)، د بې پولې خبریالانو سازمان (ار، اس اف)، د رسنیو ملاتړ سازمان (ای،اېم، اس) او د ملګرو ملتونو علمي او روزنیز سازمان (یو، اېن، اي، اس، سي، او) استازو ګډون کړی و.
د راپورونو له مخې، د خبریالانو ملاتړو سازمانونو او ګډونوالو خبریالانو دغه راز په دې ناسته کې د نړۍوالو په همکارۍ سره د کډوالو خبریالانو د ستونزو پر حل ټينګار وکړ.
دا غونډه په داسې حال کې جوړېږي، چې طالبانو له خوا د بیان پر ازادۍ پراخ بندیزونه لګول شوي او په دې وروستیو کې په کندهار ولایت کې د ملي ټلویزیون خپرونې بندې شوي اود دې ولایتي ټلوېزون کارکوونکي یې کابل ته د خدمتي کارکوونکو په توګه لېږلي دي.
د یادولو ده، چې پر افغانستان د طالبانو له واکمنۍ وروسته یادې ډلې په افغان خبریالانو او رسنیو محدودیتونه او فشارونه زیات کړي دي.
طالبانو له خپلې واکمنۍ وروسته لسګونه خبریالان نیولي، بندیان کړي، وهلي، ګواښلي او په بندخونو کې یې سخت شکنجه کړي هم دي.
سره له دې چې له خبریالانو سره د طالبانو دغه چلند د خبریالانو د ملاتړو ادارو له سخت غبرګون سره مخ شوی، خو یادې ډلې خپل دریځ د رسنیو او خبریالانو پر وړاندې بدل کړی نه دی.