اسراییل په لویدیځه غاړه کې د الجزیرې دفتر وتاړه

د ایران خبري رسنۍ ایسنا نن یکشنبه د (تلې لومړۍ نیټه) په خپله ویب پاڼه د ایران خراسان ولایت د سرې میاشتې د مشر له قوله لیکلي چې تېره شپه ناوخته د دغه هیواد په خراسان ولایت کې د ډبرو سکرو په کان کې د ګازو د چاودنې له امله ۳۰ تنه مړه او ۱۷ تنه ټپیان شوي.

دغه رسنۍ وړاندې وايي، په دغه کان ټول ۶۹ تنه کاریګر په کار بوخت وو، چې تر اوسه پورې ۳۰ تنه مړه او ۱۷ ټپیان موندل شوي او پاتې هغه یې لا ورک دي.

ویل کیږي، د ایران ژغورونکې ډلې په دغه ویجاړ شوي کان کې په پلټنو بوخت دي.

د سولې د نوبل جایزې ګټونکې ملالې یوسفزۍ په خپله اېکس پاڼه لیکلي، چې تېره ورځ یې د ملګرو ملتونو د ودانۍ مخې ته له نورو ښځينه فعالانو سره یو ځای د نړۍ له مشرانو څخه غوښتي چې د نجونو غږ واوري.

نوموړې وايي، لکه څنګه چې دوی په نیویارک کې په نورو موضوعاتو سره راټول شوي دي، خو په ټوله نړۍ کې نجونې له یو بل درد کړیږي.

ملالې په خپره کړې ویډیو کې په افغانستان کې د طالبانو له لوري ښوونځیو ته د نجونو پر تګ بندیز ته هم اشاره کړې.

نوموړې وايي: «په افغانستان کې نجونې منځنيو ښوونځيو ته له تګه ګرځول شوې. په غزه کې نجونې د دوامداره بمباریو لاندې ژوند کوي. په نایجریا کې نجونې له ناورین او سېلابونو سره مخ دي.»

نوموړې وايي، د نړۍ مشرانو ته لاډیر ناوخته نه دی چې په نړۍ کې د نجونو د راتلونکي لپاره سم ګام پورته کړي.

د نوموړې په خبره د نړۍ له مشرانو او بنسټونو څخه د باور له مخې د نجونو د راتلونکي لپاره د ډیر څه تمه کیږي.

ملاله یوسفزۍ وايي: «دوی کولی شي د سبا په ناسته کې د نجونو د راتلونکي لپاره د نجونو غوښتونو ته لومړیتوب وکړي.»

ملاله وايي، «دا یې وخت دی چې د نجونو غږ واورېدل شي او په اړه یې پوهاوی ترلاسه شي، چې نجونې څه غواړي.»

ملاله یوسفزۍ چې د سولې د نوبل جایزې ګټونکې ده، په ځلونو د افغان نجونو تر څنګ په نورو هېوادونو کې هم د نجونو د زده کړو او حقونو غږ پر نړۍوالو دریځونو پورته کړی دی.

له خیبرپښتونخوا سرچینو افغانستان انټرنشنل پښتو ته نن یکشنبه د (تلې لومړۍ نیټه) ويلي چې تېره شپه وسله والو د شمالي وزیرستان په میرعلې کې د پاکستان پوله ساتو ځواکونو پر یوه کاروان برید کړی چې په کې یو عسکر وژل شوی او دوه تپیان دی.

سرچینې وايي، پر دغه کاروان وسله والو مخامخ برید کړی.

د دغه برید مسوولیت په ټي ټي پي پورې تړلې د حافظ ګلبهادر ډلې په غاړه اخیستی.

د یو بل خبر له مخې د خیبرپښتونخوا په هنګو ولسوالۍ هم د پاکستان پوله ساتو ځواکونو (ایف سي) پر یوې پوستې د وسله والو په برید کې شپږ عسکر ټپیان شوي.

پاکستاني رسنیو ویلي، د دغه برید ټپیان روغتون ته لېږدول شوي چې د ځينو هغو روغتیايي حالت نازک ښودل شوی.

په دې وروستیو کې په خیبرپښتونخوا ایالت د پاکستان پر امنیتي ځواکونو بریدونو زور اخیستی او نږدې هره ورځ پر دغو ځواکونو د سړک غاړې ماین چاودنو او مخامخ بریدونو خبرونه ورکړل کیږي چې مرګ ژوبله هم په کې اوړي.

پاکستاني پوځ هم د دغه ایالت په بیلابیلو سیمو کې پوځي عملیاتو ته زور ورکړی او په وسله والو پسې چاڼیز عملیات کوي چې د سیمې خلکو په خبره د داسې عملیاتو پر مهال ولسي خلکو ته هم د سر او مال زیان اوړي.

خامنه یې دا څرګندونې یوه ورځ وروسته له هغه کوي، چې د لبنان په پلازمینه بیروت کې د اسراییل په هوايي برید کې د لبنان د روغتیا وزارت په وینا د درېیو ماشومانو او اوو ښځو په ګډون لږ تر لږه ۳۱تنه ووژل شول.

د جمعې د ورځې برید، چې د یوې سرچینې په وینا، د وړکتون ترڅنګ یوه ودانۍ یې په نښه کړه، د اسراییل او د ایران په ملاتړ د لبنان حزب الله وسله والو ترمنځ په یو کال کې تر ټولو مرګونی برید و.

حزب الله په دې برید کې د دوو مهمو قومندانانو ابراهیم عقیل او احمد وهبي په ګډون د خپلو ۱۶ غړو وژل کېدل تایید کړي دي.

لبنان د برید پړه پر اسراییل اچولې ده. خو تر اوسه د هغوی له خوا په دې اړه ځواب نه دی ورکړل شوی.

خامنه یې وویل، چې اسراییل په غزه، لویدیځه غاړه، لبنان او سوریه کې خپل بې شرمه جنایتونه چې په بېلابېل ډولونو یې ترسره کوي، نه پټوي.

خامنه یې په تهران کې د مسلمان هېوادنو د استازو یوې ډلې ته په وینا کې چې پر دولتي ټلویزیون خپریده، وویل: «دا له وسله والو سره نه، بلکې له عامو خلکو سره جکړه ده.»

خامنه یې وایي: «اسراییل په فلسطین کې اصلي وسله والو ته د زیان رسولو توان نه لري، دوی خپله غوسه پر کوچنیو ماشومانو، د روغتون په ناروغانو او د کوچنیو ماشومانو څخه ډکو ښوونځیو باندې سړوي.»

اردوغان د شنبې په ورځ په یوې خبري ناسته کې وویل، چې د سه شنبې په ورځ د ملګرو ملتونو په عمومي غونډه کې به یې د وینا په سر کې په غزه کې د اسراییلو جګړه وي.

اردوغان په استانبول كې په دغه ناسته كې وويل: «د دې لپاره، چې سيمه له ستر ناورين سره مخ نه شي، بايد پر اسراييلو فشارونه نور هم زيات شي.»

هغه زیاته کړه: «هغه وخت رارسیدلی دی، چې ټول هغه هیوادونه، چې د نړۍ د سولې د ساتنې ماموریت لري داسې حل لارې وړاندې کړي چې د اسراییل مخه ونیسي.»

اردوغان ټینګار وکړ، چې دغه ظلم، چې له څه باندې یو کال راهیسې روان دی باید پای ته ورسیږي. دا زموږ د ټولو او په ځانګړې توګه د ملګرو ملتونو مسوولیت دی، چې دایمي اوربند او د بشري مرستو بې پرې وېش رامنځته کړي.

انقرې له اسراییلو سره ټول تجارت هم ځنډولی او د عدالت په نړیواله محکمه کې یې د سویلي افریقا په قضیه کې د ګډون غوښتنه کړې چې اسراییل يې په نسل وژنې تورن کړي.

اسراییل په وار وار د نسل وژنې تورونه بې اساسه بللي دي.