د خوړو نړۍوال پروګرام: افغانستان کې د لوږې د ورکېدو لپاره باید په هغه هېواد کې پانګونه وشي
د خوړو نړۍوال پروګرام (ډبلیو اېف پي) وايي، چې د طالبانو تر واک لاندې افغانستان کې باید د خکو د ځان بسیاینې لپاره پانګونه وشي.
د خوړو نړۍوال پروګرام (ډبلیو اېف پي) وايي، چې د طالبانو تر واک لاندې افغانستان کې باید د خکو د ځان بسیاینې لپاره پانګونه وشي.
د ملګرو ملتونو دغه بنسټ د سې شنبې په ورځ د (تلې ۱۷مه) په اېکس پاڼه لیکلي، هڅه کوي چې په بېړنیو حالاتو کې د خلکو د ژوندي پاتې کېدو لپاره هغوی ته خواړه، نغدې پیسې او نور اړین توکي چمتو او پر هغوی ووېشل شي.تر دې وړاندې هم دغې ادارې ویلي و، چې د روان کال په ترڅ کې یې شاوخوا څلور مېلیونه ډالر پر اړمنو کسانو په نغدي توګه وېشلي چې د دغو مرستو د ترلاسه کوونکو نیمايي برخه یې مېرمنې وې.له هغه مهاله چې طالبان په افغانستان کې واک ته رسېدلي، ګڼ خلک وزګاره شوي او مېرمنې په چورلټ ډول په کور کېنول شوې دي، چې له دې سره د خلکو اقتصادي ستونزې زیاتې شوې او د هرې ورځې په تېرېدو سره د خلکو اقتصادي ستونزې زیاتیږي او د لوږې کچه هم ورسره مخ په لوړېدو ده.ګڼو مرستندویه ټولنو د راتلونکي ژمي لپاره لا له وړاندې اندېښنې په ډاګه کړې او ویلي یې دي، چې د بودجې د کموالي له امله نه شي کولای د ټولو اړمنو کسانو لاسنیوی وکړي.
په دغو انځورونو کې چینايي میرمنې په یو هوټل کې له طالبانو سره په یو دسترخوان ډوډۍ خوري. دوی د امریکايي وسلو سره د وسله والو طالبانو تر څنګ انځورونه اخلي یا د ساتونکي رول لوبوي. دغه میرمنې د کابل په پارکونو او د وزیر اکبر خان تپه کې له طالبانو سره ګرځي.
په یو انځور کې یوه چینایي ښځه په یوه څوکۍ ناسته ده او طالب عسکر یې تر شا ولاړ دي.
په یو بل انځور کې یو طالب سرتیری له دوو چینایي ښځو سره چې اسلامي حجاب یې اغوستی لیدل کیږي چې په ظاهره له ښاره بهر په یوه باغ کې دي.
په بل انځور کې یوه چینايي ښځه لیدل کیږي چې په یو رسټورانټ کې له دوو طالب سرتیرو سره ډوډۍ خوري. دا څرګنده نه ده چې رسټورانټ په کوم ولایت کې موقعیت لري.
په یو بل انځور کې بیا یوه چینايي ښځه او یو طالب سرتیری لیدل کیږي چې د امریکايي وسلو سره د نښه ویشتلو انداز کوي.
کله کله هم طالبان د فلمي لوبغاړو په شان له چینايي ښځو سره اوږه په اوږه انځورونه اخلي. په دې انځورونو کې ډیری چینایي میرمنې پرته له حجاب څخه دي او د بدن ځینې برخې یې لیدل کیږي.
دا انځورونه له بهرنیو ښځو سره د طالبانو د دوستانه او زړه سواند چلند ښکارندويي کوي، خو له افغان ښځو سره ورته چلند نه کوي. د بشري حقونو کورنیو او نړیوالو سازمانونو د طالبانو له خوا د افغان ښځو په وړاندې د تاوتریخوالي د زیاتوالي په اړه راپورونه خپاره کړي دي.
چین په افغانستان کې له طالبانو سره ډېرې نږدې او ژورې اړیکې لري. چین له طالبانو سره د کانونو، تیلو او ګازو او پراختیایي پروژو لسګونه تړونونه لاسلیک کړي دي. دغه هیواد په چین کې د افغانستان سفارت طالبانو ته سپارلی او په نړیواله کچه د دې ډلې د دریځ دفاع کوي.
دا انځورونه په داسې حال کې خپاره شوي چې طالبانو په تېرو درېیو کلونو کې پر افغان ښځو بې ساري بندیزونه لګولي دي.
د طالبانو د امربالمعروف د نوي قانون له مخې، په عامه ځایونو کې د ښځو غږ "عورت" بلل شوی. ښځې له شرعي محرم پرته بهر ته د تګ اجازه نه لري. ښځې اجازه نه لري چې پارکونه او عامه ځایونه وکاروي. حمامونه او ارایشګاهګانې د ښځو پر مخ تړل شوي دي.
د بشري حقونو فعالانو، یو شمېر نړیوالو سازمانونو او د اروپا پارلمان پر افغان مېرمنو ډېریدونکي محدودیتونه "د بشریت پر وړاندې د جرمونو او د جنسیتي توپیر یوه ښکاره بېلګه" بللې ده.
