اسراییل ادعا کوي، چې د غزې په بیت لاحیه کې یې د حماس پنځه جنګیالي وژلي دي
د اسراییل د پوځ ویاند ویلي، چې د غزې په شمال بیت لاحیه ښارګوټي کې یې د حماس پنځه جنګیالي وژلي دي.
د اسراییل د پوځ ویاند ویلي، چې د غزې په شمال بیت لاحیه ښارګوټي کې یې د حماس پنځه جنګیالي وژلي دي.
نوموړی وایي، د تېرې ورځې په بریدونو کې یې د حماس جنګیالیو ته مرګژوبله اړولې ده.
حماس د پنجشنبې په ماسپښین بیا وویل، چې په بیت لاحیه کې د اسراییل په بریدونو کې د ۶۴ ماشومانو او ښځو په ګډون ۱۱۲ کسان وژل شوي دي.
تر دې وړاندې د ایران ولسمشر مسعود پزشکیان لوېدیځ ته ویلي و، تاسو نه شرمیږئ چې د بشري حقونو د دفاع خبره کوئ.
هغه وایي، امریکایي او اروپایي هېوادونه په غزه کې د ښځو او ماشومانو په وژنه بوخت دي او ورسره بیا د بشري حقونو خبرې هم کوي.
له بل پلوه تېره ورځ د جرمونو نړۍوالې محکمې د پنجشنبې په ورځ د اسراییل د لومړي وزیر بنیامین نتنیاهو، د دغه هېواد د پخواني دفاع وزیر او د حماس د چارواکو د نیولو امر وکړ.
اسراییل او د حماس چارواکي د ۲۰۲۳ کال د اکټوبر میاشتې د بريد او په غزه کې د جګړې له کبله په جنګي جرمونو او د بشریت ضد جرمونو په تور تورن شوي دي.
